ئه‌ڤرۆ نیوز، ناجی به‌ده‌ل:
سه‌یدو چه‌تو سه‌رۆكێ كوتله‌یا برایه‌تی و پێكڤه‌ژیانێ ل جڤاتا پارێزگه‌ها نه‌ینه‌وا بو ئه‌ڤرۆ نیوز دیاركر ڤه‌گه‌راندا وه‌لاتیێن ده‌ڤه‌رێن زومار و ده‌رورێن شنگالێ و ئه‌و جهێن دهێنه رزگاركرن دڤێت ب زوترین ده‌م رێڤه‌به‌ری و ده‌زگه‌هێن میری ڤه‌گه‌رن و لایه‌نێن ئه‌منی ره‌وشا ئارامیا ئه‌وان ده‌ڤه‌ران كونترۆل بكه‌ن و باوه‌ریێ بو وه‌لاتیان درۆست بكه‌ن.
بۆ پتر پێزانینان گوهداریا ده‌نگێ سه‌یدو چه‌تو بكه.
ئه‌ڤرۆ نیوز، ناجی به‌ده‌ل:
عه‌بدولا به‌ربیری سه‌رۆكێ رێكخراوا ئاڤ یا كوردستانێ بو ئه‌ڤرۆ نیوز دیاركر ئه‌و ئاڤا ل پارێزگه‌ها دهۆكێ ژلایێ حكومه‌تا هه‌ریما كوردستانێ ڤه بو هه‌مو مالان هاتیه راكێشان و دابینكرن پاقژترین ئاڤه بو ڤه‌خوارنێ و ئه‌و گوت گوتكێن هه‌ی بابه‌ته‌كێ بازرگانی یه ژلایێ كومانیان ڤه دهێته‌كرن.
ناڤبری ئه‌و چه‌نده ژی دیاركر ئاڤ ژ ئاڤا هه‌رێما كوردستانێ پاقژتر نینه و به‌رده‌وامیا ده‌زگه‌ێن تایبه‌تمه‌ند چاره‌یا هه‌ر هه‌بونا گرفته‌كێ دكه‌ن و تاقیكرنێن وان دا ده‌ردكه‌ڤیت ئاڤه‌كا پاقژ و ستاندره بو ڤه‌خوارنێ .
سه‌رۆكێ رێكخراوا ئاڤ یا كوردستانێ گوت ژی: ئه‌و ئاڤا ل هه‌ریما كوردستانێ دهێته بكارئینان سێ به‌رامبه‌ر ئه‌وێ ئاڤێ یا مینا بو باژێری له‌نده‌نی دهێته دابینكرن.
ئه‌ڤرۆ نيوز:
عسمەت یەلماز وەزیرێ بەرگریا تورکیا پشتی ئەڤرو سەرەدانا بەغدا کری، ئەڤ شەڤە گەھشتە ھەولێر، وەزیرێ بەرگریا تورکیا دێ دگەل بەرپرسێن ھەرێما کوردستانێ کوم بیت، بادەکا سەرەکی یا وەزیرێ تورک بو ھاتی و د گەل بەرپرسێن ھەرێمێ بەحس ل سەر بکەن.
پروسەیا رزگارکرنا موسلێ یە ژ دەستێ داعش، کو تورکیا راگەھاندیە، ئەو دێ بەشداریێ دڤێ پروسێ دا کەتن، بەری وەزیرێ بەرگریا تورکیا بگەھیت، وەلاتێ وی تورکیا دوو فروکێن ژ جورێ سی-١٣٠ یێن بارھەلگرێن پری چەک گەھاندنە بەغدا، و راگەھاند ئەو دێ ل سەر ھاریکاریکرنا سەربازی بو عیراقێ بەردەوام بن.
ھەر بەریا دەمەکی وەزیرێ دەرڤە یێ کەنەدا (روبێرت نیکلسون ) ب رێیا فروکخانا ھەولێر گەھشتە ھەرێمێ، سەرەدانا وەزیرێ کەنەدا پشتی سەرەدانا چەندان وەزیر و بەرپرسێن بلندێن ئەوروپی و روژئاڤا دھێن، بو ھەرێما کوردستانێ، نیکلسون دێ سوباھی دگەل سەروکێ ھەرێما کوردستانێ کوم بیت.
وەلاتێ کەنەدا یەک ژ وەلاتێن بەشدارە د ھەڤپەمانا نێڤدەولەتی دا یا ھاتیە پێکئینان بو لێدانا رێکخراوا داعش، و ھاریکاریێن سەربازی پێشکێشی ھێزێن پێشمەرگەی کریە.
ئه‌ڤرۆ نيوز:
ئه‌ندامه‌كێ كورد ل ئه‌نجومه‌نێ نوونه‌ۆێن عيراقێ راگه‌هاند، عه‌بادى گوتيه وان كو ئاشتى هه‌ورامى گوتيه وى : وان 250 مليار ديناران بۆ داعش بهنێره.
هوشيار عه‌بدولا سه‌رۆكێ فراكسيونا گۆران ل ئه‌نجومه‌نێ نوونه‌رێن عيراقێ بۆ راديويا نه‌وا راگه‌هانديه: كو د كومبوونا شاندێ نوونه‌رێن كورد ل به‌غدا ل گه‌ل حه‌يده‌ر عه‌بادى، سه‌رۆك وه‌زيرێن عيراقێ گوته مه كو وى د كومبوونا شاندى كوردى كو ژ سه‌رۆكێ حوكمه‌تا هه‌رێمێ و وه‌زيرێ سامانێن شروشتى و پلاندانانێ پێكدهات، پێشنياز كريه كو 250 مليار ديناران بۆ هه‌رێمێ بهنێريت، به‌لێ ئاشتى هه‌ورامى ره‌تكر و گوتى: وان 250 ملياران بۆ داعش بهنێره.
ئه‌ڤرۆ نیوز، بارزان مزوورى
ژێده‌ره‌ك ل ناڤا گوندێ فازلیه سه‌ر ب ناحیا باشیك ڤه بو مالپه‌رێ ئه‌ڤرو نیوز ئاشكرا كر كو ئه‌ڤرو ده‌مژمێر 10 سپێدێ 4/3 چه‌كدارێن تیرورستێن داعش ئاكنجیێن گوندێ فازلیه ل ناڤ گوندى كوم كرن ب ده‌نگه‌گێ بلند داخاز ژ وه‌لاتیان كریه كو هاریكاریا وان بكه‌ن ژبو به‌شداریكرنا شه‌رى دگه‌ل پێشمه‌رگه‌هێن كوردستانێ دا .
ناڤبرى ئاشكراكر كو ل روژا سێ شه‌مبى ژى د هه‌مان وه‌خت دا هه‌شت كه‌سێن سه‌ر ب رێكخراوا تیرورستێن داعش وه‌لاتیێن گوندى د ئێك جهـ دا كوم كرن و داخازا هاریكاریێ ژ وه‌لاتێن به‌رهه ڤ كر.
ناڤبرى ئاشكرا كر كو گه‌له‌ك ژ خه‌لكێ گوندێ فازلیه دناڤ رێزێن داعش دانه.
ناڤبرى ئاشكرا كر كو گه‌له‌ك جاران چه‌كدارێن تیرورستێن داعش دناڤا كولانێن گوندى دگه‌رێن ل به‌ر دیوارێن مالا د راوه‌ستن و چاڤدێریا وان دكه‌ن ئه‌وێن ب ته‌له‌فونا دئاخڤن.
ئه‌ڤرۆ نيوز:
ل گۆر وان پێزانينێن كه‌نالێ گه‌لى كوردستان بده‌ست خوڤه‌ئيناين، د سێ هه‌يڤێن بوورى دا، شانه‌كا نڤستى يا 15 كه‌سى يا داعش ئاشكرابوويه و هێزێن ئێمناهيا سلێمانيێ و كه‌ركووكێ ب هه‌ڤكاريا رێڤه‌به‌ريا هه‌والگرى و ئاسايشا سلێمانيێ هاتينه ده‌سته‌سه‌ركرن.
ل دووڤ پێزانينێن ڤى كه‌نالى، 13 تيرورست ل ناڤ سلێمانيێ و ده‌وروبه‌ران وه‌ك شانا نڤستى كار كريه و ئێك ژ وان موفتيێ شه‌رعى يێ داعش بوويه ل سلێمانيێ و سه‌رپه‌رشتيا وان كريه، به‌لێ د هه‌وێن هێزێن ئێمناهيێ دا و ل ده‌م و جهێن جودا هاتينه گرتن و 2 تيرورستێن دى ل كه‌ركووكێ هاتينه گرتن كو ل دووڤ مادێ 4 يێ تيروێ ل دادگه‌هێن به‌غدا و ئه‌نبار و بابل و سه‌لاحه‌دين يێن داخواز كرى بوون.
ئه‌ڤرۆ نيوز:
مارتین دیمپسی، سەرۆک سه‌رۆك ئه‌ركانێن هه‌ڤپشك ييێن هێزێن ئه‌مريكا راگه‌هاند كو ده‌ستهه‌لاتا ئيرانێ ل عيراقێ ب ئاشكرا زێده‌بوويه و پێدڤيه رێگرى لێ بهێته كرن كو شه‌رێ تكريت ببيته شه‌ره‌كێ تائيفى.
مارتین دیمپسی، سەرۆک ئه‌ركانێن هه‌ڤپشك ييێن هێزێن ئه‌مريكا ديسا گۆت: هه‌بوونا ده‌ستهه‌لاتا ئيرانێ ل عيراقێ تشته‌كێ نوو نينه، به‌لێ هاريكاريا ئيرانێ بۆ هێزێن شيعه و كوردان زێده‌تر بوويه، و ب تمامى ئه‌ڤ تشته يێ ئاشكرا يه.
مارتین دیمپسی هه‌روه‌سا ئاماژه ب وێ يه‌كێ كر كو ئه‌و ئاگه‌هدارى وێ چه‌ندێ نه كو هێزێن شيعى يێن توندره‌و مل ب ملێ سوپايێ عيراقێ دژى داعش شه‌رى دكه‌ن و ئه‌ڤ چه‌نده ئاماژه‌كا خرابه بۆ سه‌رهلدانا شه‌ره‌كێ تائيفى.
ئه‌ڤرۆ نيوز، نيوار محه‌مه‌د سه‌ليم:
به‌رى ده‌مه‌كێ كێم سه‌رۆك كۆمارێ عيراقێ، دكتور فوئاد مه‌عسوم، گه‌هشته دهۆك و ل ژ لايێ پارێزگار و سه‌رۆكێ جڤاتێ ڤه هاته پێشوازيكرن.
به‌رى ده‌مه‌كێ كێم سه‌رۆك كۆمارێ عيراقێ، دكتور فوئاد مه‌عسوم، گه‌هشته دهۆك و ل ژ لايێ پارێزگارێ دهۆكێ، فه‌رهاد ئه‌ترووشى و سه‌رۆكێ جڤاتێ، فه‌هيم عه‌بدولا و ئه‌ندامێن جڤاتێ و سياسيێن پارێزگه‌هێ ڤه هاته پێشوازيكرن.
سه‌رۆك كۆمار ئه‌ڤه ماوێ چه‌ند رۆژايه سه‌ره‌دانێن لايه‌نێن سياسى دكه‌ت و چوويه هه‌ر ئێك ژ پارێزگه‌هێن سلێمانى و هه‌له‌بچه و كه‌ركووك و ئه‌ڤرۆ ژى ل گه‌ل هه‌ر ئێك ژ سه‌رۆكێ هه‌رێما كوردستانێ مه‌سعود بارزانى و ئه‌ميرێ كۆمه‌لا ئيسلامى عه‌لى باپير كۆمبوو و پاشان ژى سه‌ره‌دانا پارێزگه‌ها دهۆك كر و بڕياره چاڤ ب ئاوارێن ل پارێزگه‌هێ بكه‌ڤيت.
ژێده‌ره‌كى ژ جڤاتا پارێزگه‌ها دهۆكێ بۆ ئه‌ڤرۆ نيوز گۆت: “بڕياره سوبه‌هى سه‌رۆك كۆمار و پارێزگار و جڤاتا پارێزگه‌هێ ل سه‌ر ره‌وشا پارێزگه‌هێ و ئاواران كۆم ببن”.
ئه‌ڤرۆ نیوز ،بارزان سلێمان مزوورى
د مالپه‌رێ ده‌یلى مه‌يلى یا بریتانى دا راپورته‌ك ل دور دامه‌زراندنا دوو گروپێن د ناڤ رێزێن چه‌كدارێن تیرورستێن داعش دا به‌لاڤ بوویه كو ژ حه‌فت ئافره‌تێن ژن پێك دهێت، دوو گروپ ب ناڤێ ده‌یكا ریحان و ده‌یكا خه‌نسا پێك ئینایه ل ناڤ باژێرێ ره‌قه ل سوریا، ئه‌و ژن كارێ وان به‌لاڤكرنا رێنمایێن رێكخستیا چه‌كدارێن تیرورستێن داعشه، ب تایبه‌ت ئه‌وێن ب ئافره‌تان ڤه گرێدایى و ناڤێن وان ژنێن ژیێ وان 18 سالى تا 25 سالى تومار دكه‌ن كو بهێنه د ناڤ رێزێن داعش و ناڤ هه‌ردوو گروپا كار بكه‌ن و ئه‌و گروپ به‌س ناڤێن ژنا تومار دكه‌ن، ناڤێن كچا تومار ناكه‌ن و هه‌ر ژنه‌كا دگه‌هیته ناڤر رێزێن وان هه‌یڤانه 200 دولارا بۆ د مه‌زێخن.
ژلایه‌كێ دى ڤه هنده‌ك ژ وان ژنا دیار كرینه كو ئه‌گه‌رێ گه‌هشتنا وان د ناڤ رێزێن داعش ڤه‌دگه‌ريته وێ چه‌ندێ كو ل وه‌لاتێن سلفادور و ئه‌ریتریا و نیپال و سریلانكا مافێ وان یێ خاریه.
ئه‌و ناڤێن ل خارێ دیار كرى ئه‌و 7 ژنێن يێ ئه‌ڤ گروپه پێك ئینائین:
(سه‌لما و زهرا) هه‌ڤال جه‌مكن، خویشێكن ئێكن ل سومال دژیان و ره‌گه‌زناما وان بریتانى یه كارێ وان د ناڤ گروپى دا مه‌شق و راهێنانا چه‌كێ كلانشیكوف و نارنجوكه.
(ده‌یكا مغداد ) ئێك ژ وان ئه‌میرێن ب ناڤ و ده‌نگه و به‌رپرسا توماركرنا ناڤێن وان ئافره‌تانه يێن دگه‌هنه ناڤ گروپى .
(ده‌یكا مهاجر) به‌رپرسا گروپێ خه‌نسایه ل ره‌قه.
( ندى موعیز قحتانى) خه‌لكا باژێرێ سعودیه ره‌گه‌زناما وێ سعودى یه ئێكه‌م كچا سعودیه دناڤ رێزێن داعش .
( ده‌یكا لیس )خه‌لكا بریتانيا یه، ره‌گه‌زناما وێ ژى بریتانى یه.
(ده‌یكا حارسه) به‌رپرسا راگه‌هاندنا گروپێ خه‌نسایه و ل تورا كومه‌لایه‌تيا فێسبوك و تویته‌رى چالاكیێن گروپى به‌لاڤ دكه‌ت .
نيشاندان