ئەڤرۆ نیوز، حەمزە رەزیکی:
ب پشتەڤانیا مۆمەلا نوشدارێن کورد ل ئەلمانیا و نوشدارێن کونگرێ مبزۆبۆتامیا و ویلایەتا سەکسونیا ژێری یا ئەلمانیا، دو ژوورێن سارکرنێ ل گەل ھژمارەکا کەرڤانێن گەرۆک بۆ ساخلەمیا ددانا گەھشتن پارێزگەھا دھۆکێ.
د. بەختیارئەحمەد، رێڤەبەرێ پشکا تەکنیکی ل ساخلەمیا دھۆکێ دیارکر ھەر ژ دەستپێکا ڤێ قەیرانێ کومەلا نوشدارێن ئەلمانی و کۆمەلا نوشدارێن میزوبوتامیا دەستپێشخەری یا کری و ھەر ب لەز د ھاوارا رێڤەبەریا گشتی ساخلەمیا دھۆکێ ھاتینە، ئێک ژ ئەوان ھەماھەنگیا دگەل حوکمەتا سەکسونیا ژۆری یا ئەلمانی کو کوردنشین ب رێژەکا زور ل وێرێ نە و گۆت: کوژمەکێ پارەی ھاتیە کۆمکرن ژ لایێ وانڤە ژبو ژێرخانا ساخلەمیا دھوکێ کو خورتر بکەین وەک یا دیار کو ب رێژەکا زور ئاوارە ئاکنجی پارێزگەھا دھوکێ نە داکو بشێین پێدڤیێن وان دابین بکەین، ھەڤکاری و پشتەڤانیا وان ژ ٢ ژورێن ساکرنێ بو ھەلگرتنا ڤاکسینا و ٣ ژورێن تایبەت ب چارەسەریا ئاریشێن ددانا یێن گەرۆک وەک کەرەڤان ژبو پێشکێشکرنا خزمەتێن ساخلەمیا ددانا، ھەروەسا ٢ ترومبێلێن بارھەلگر یێن سارکەر ژبو دابەشکرنا دەرمانا دێ ھێنە ب کارئینان.
د. لوما حازم، بەرپرسا چاڤدێریا دایک و زارۆیان ژی دیارکر کو ئەڤ ژورێن سارکرنێ دێ مفایەکێ باش گەھیننە ڤاکسینا و پشتی ئەڤان روودانان ب راستی پێدڤیێن مە ب ئەڤان سارکرنا زور یا گرنگ بوویە و ئەڤ ژوورە دێ ئەڤان ڤاکسینا پارێزیت بو ماوەکێ زور داکوکو ژناڤ نەچن و ژ ئەڤرۆ پێڤە ھندی ئەڤ ڤاکسینە بھێن دشیاندایە کو ئەم بکەینە دناڤ ڤان ژوورا دا و دێ ھێنە پاراستن.

دھۆک، رەڤین ێالح لاوەند:
نەخوشخانا تەنگاڤیا یا فێرکرنێ ب ھەڤکاریا تیمەکێ نوشدارێن ئیتالی رابووینە ب ئجامدانا خولەکێ ل دۆرلا چاوانیا سەرەدەریێ ل گەل روودانێن ھەوارھاتنا ب لەز بۆ کارمەندێن ساخلەمیێ ل دەمێن تەنگاڤیا.
د. سالم خەلەف، رێڤەبەرێ پشکا کریارێن نوشداری ل ساخلەمیا دھۆکێ دیارکر ژ بەر رەوشا نوکە تیدا دژین و ھاتنا گەلەک برینداران ھژمارەکا نوشدارێن ئیتالی ل دھۆکێ نە بۆ فێرکرنا کارمەندان ل دۆر سەرەدەریێ ل دەمێن تەگاڤیا و گۆت: “مەرەما مە ژ ڤان خولا ئەوە کو کادرێن خوە فێری شیوازێ زانستی بکەین و خولێن جودا دێ ھێنە ڤەکرن.
دیارکر ژی ژبلی کارمەندێن ساخلەمیێ، شوفێر و پۆلیس و پێشمەرگە و ئەو کەسێن ئاگر ڤەمراندنێ ژی دێ ھێنە مەشقدان.