ئه‌ڤرۆ نيوز، ناجی به‌ده‌ل:

وه‌زاره‌تا ئه‌وقاف و كاروبارێن ئاینی یا هه‌رێما كوردستانێ تا نها ِدیار نه‌كریه‌ كه‌نگی سه‌رێ  سالا كوچی یه‌ راگه‌هاندیه‌ ئێڤارا رۆژا پێنج شه‌مبێ لیژنه‌یا دیتنا هه‌یڤێ كوم دبیت ل سه‌ر ئه‌وێ پرسێ.

مه‌ریوان نه‌قشه‌به‌ندی رێڤه‌به‌رێ راگه‌هاندنی ل وه‌زاره‌تا ئه‌وقاف و كاروبارێن ئاینی یا حوكمه‌تا هه‌رێما كوردستانێ د راگه‌هاندنه‌كێ دا دیاركریه‌ هه‌تا نها دیار نینه‌ كه‌نگی سه‌رێ سالا كوچی یه‌ و ئیڤاریا رۆژا پێنج شه‌مبی لیژنه‌یا دیتنا هه‌يڤێ ب هه‌ماهه‌نگی ل گه‌ل دیوانا سونه‌یا عیراقێ ل گه‌ل وه‌زاره‌تا ئه‌وقافا سعودیێ هه‌یه‌ بو دیاریكرنا سه‌رێ سالا كوچی.

ناڤبری راگه‌هاند:دهێته‌ پێش پێشبينيكرن رۆژا شه‌مبیێ دێ سه‌رێ سالا كوچبیت و پشتی كومبونا رۆژا پێنج شه‌مبێ یا لیژنه‌یا دیتنا هه‌یڤێ گه‌هشتنه‌ هه‌ر بریاره‌كێ ئه‌و دێ هێته‌ راگه‌هاندن، هه‌ر ئه‌وێ رۆژێ ژی دێ بیته‌ بێهنڤه‌دانا فه‌رمی ل هه‌رێما كوردستانێ.

ئه‌ڤرۆ نيوز، چه‌كدار ئه‌ترووشى:

ژێده‌ره‌كى ژ هێزا پێشمه‌رگێ كوردستانێ بۆ ئه‌ڤرۆ نيوز ديار كر كو به‌رى ده‌مه‌كێ كێم هێزێن هه‌ڤپه‌يمانان ل تلكێف 30 هه‌مه‌رێن داعش ب دربێن ئه‌سمانى ژناڤبرن.

ئه‌ڤى ژێده‌رێ مه‌ پاراستن ل سه‌ر ناڤێ وى كرى، گۆت: “ل فلفێلى ل گۆره‌پانا ته‌بادل كو دكه‌ڤيته‌ سه‌ر ب تلكێف كاروانه‌كێ هه‌مه‌رێن داعش كو نێزێكى 30 هه‌مه‌ران بوون، ژ لايێ فرۆكێن هێزێن هه‌ڤپه‌يمان هاتنه‌ ژناڤبرن”.

زێده‌تر گۆت: “ئه‌ڤ دربێن ئه‌سمانى يێن هێزێن هه‌ڤپه‌يمانان د ده‌مه‌كى دابوون كو ئه‌ڤرۆكه‌ ده‌مژمێر 11:00 شه‌ڤ چه‌كدارێن داعش بزاڤ كر هێرشه‌كێ ببه‌ته‌ سه‌ر هێزێن پێشمه‌رگه‌ى ل وێ ده‌ڤه‌رێ”.

ئه‌ڤرۆ نيوز، قائید میرۆ:

جێگرێ سەرۆکێ ئێکەتیا مامۆستایێن کوردستانێ دبێژیت، دو پرۆژە قانوون بۆ کەرتێ پەروەردێ ھاتینە بەرھەڤکرن، بەلێ ب چو شێوەیەکی ئیماژە ب ماف و رەوشا مامۆستایا نەدایە.
ئەحمەد گەرمیانی جێگرێ سەرۆکێ ئێکەتیا مامۆستایێن کوردستانێ بۆ ئەڤرۆ نیۆز دیارکر، دو پرۆژە قانوون بۆ کەرتێ پەروەردێ ھاتینە بەرھەڤکرن، ئێک ژ لایێ وەزارەتا پەروەردە و یێ دی ژ لایێ لیژنا پەروەردێ یا پەرلەمانی، بەلێ د ھەردو پڕۆژە قانووناندا، ب چو شێوەیەکی بەحسێ مافێ مامۆستایا نەھاتیەکرن، ئەڤە ددەمەکیدایە مە وەکی ئێکەتیا مامۆستایام ب خوە قانوونەک ھەیە، د پرۆژەیێن نوو دا تنێ بەحسێ ئەرکێ مامۆستای ھاتیەکرن.
گەرمیانی گۆتژی: “مە زۆر تێبینی ل سەر ھەردو پڕۆژە قانوونێن کەرتێ پەروەردێ ھەیە، چونکو وەزیرێ نوکە و یێ بەرێ یێن پەروەردێ زۆر بەحسێ دابەزینا دەستھەلاتا دکر، مخابن د پرۆژە قانوونی دا بەحس نەھاتیەکرن و پەیوەندیێن نێڤبەرا قوتابی و مامۆستای ھەروەسا مامۆستا و کەس و کارێن قوتابی ئیماژە بۆنەھاتیەکرن”.