ئه‌ڤرۆ نيوز:

جه‌عفه‌ر ئێمينكى جێگرێ سه‌رۆكێ په‌رله‌مانێ كوردستانى، پشتى كومبوونا ئه‌ڤرۆ يا د ناڤبه‌را په‌رله‌مان و حوكمه‌تا هه‌رێما كوردستانێ دا، راگه‌هاند : هه‌رێما كوردستانێ يا پابه‌نده‌ ب وێ رێككه‌فتنا ل گه‌ل حوكمه‌تا عيراقێ ئيمزاكرى و ئه‌گه‌ر به‌غدا پێگيريێ ب رێككه‌فتنێ نه‌كه‌ت، هه‌رێما كوردستانێ دێ به‌ديلێن دى هه‌بن و دێ ل گه‌ل توركيا و ئيرانێ رێككه‌ڤيت.

به‌رامبه‌ر رێككه‌فتنا هه‌رێم و به‌غدا، دڤێت به‌غدا 17% ژ بودجێ عيراقێ بۆ هه‌رێما كوردستانێ بهنێريت كو هه‌يڤانه‌ 1 ترليون و 200 مليار دينارن و د هه‌مبه‌ر دا هه‌رێم دێ رۆژانه‌ 550 به‌رميلێن نه‌فتێ ب يا كه‌ركوكێ ڤه‌ هنێريت.

ئه‌ڤرۆ نيوز:

ئه‌ڤرۆ ل به‌غدا، كومبوونه‌ك ب پشكداريا ژماره‌كا وه‌زير و بريكارێن وه‌زير و كه‌سێن شاره‌زا بۆ چاره‌كرنا پرسێن هه‌مبه‌ر كه‌رتێ نه‌فتێ و رێككه‌فتنا د ناڤبه‌را هه‌رێم و به‌غدا هاته‌ ئه‌نجامدان.

پشتى كومبوونێ عادل عەبدولمەهەدى وه‌زيرێ نه‌فتا عيراقێ د كونفرانسه‌كێ رۆژنامه‌ڤانى دا سه‌باره‌ت رێككه‌فتنا د ناڤبه‌را هه‌رێما كوردستانێ و به‌غدا گۆت: ئه‌و رێككه‌فتنا ل گه‌ل هه‌رێما كورستانێ هاتيه‌ كرن، د به‌رژه‌وه‌ندا هه‌ردوئاليان دايه‌ و غه‌در به‌رامبه‌ر كه‌سێ تێدا نينه‌.

لئەو ڕێککەوتنەى لەگەڵ هەرێم کراوە لە بەرژەوەندیى وڵاتدایە و غەدرى بەرامبەر بە کەس تێدا نییە، لەبەر ئەوەش لە بەرژەوەندیى هەر دوو لاماندا دەبێت”.
عادل عەبدولمەهەدى ديسا گۆت: مه‌ به‌حسێ به‌رهه‌مێن نه‌فتێ يێن هه‌رێما كوردستانێ نه‌كريه‌، ب تنێ مه‌ به‌حسێ 250 هزار به‌رميلێن نه‌فتا هه‌رێمێ كريه‌ و 300 هزار به‌رميلێن نه‌فتا كه‌ركوك كو د رێككه‌فتنا به‌غدا و هه‌رێمێ پێدڤيه‌ ئه‌و رێژه‌ بهێته‌ هنارتن ب رێيا كومپانيا سومو.

ئه‌ڤرۆ نيوز، نيوار محه‌مه‌د سه‌ليم:

ئه‌ڤرۆ رۆژا ئێكشه‌مبى رێكه‌فتى 1\3\2015 جڤاتا نه‌فت و غازێ يا حوكمه‌تا هه‌رێما كوردستانێ و سه‌رۆك فراكسيۆنێن ناڤا په‌رله‌مانێ كوردستانێ و لژنا دارايى و لژنا پێشه‌سازى و وزێ ل په‌رله‌مانى ل دۆر بهايێ پانيزينێ و دابينكرنا مووچێ فه‌رمانبه‌ران كۆمبوون.

به‌يار دۆسكى ئه‌ندامێ لژنا پێشه‌سازى و وزێ ل پەرلەمانێ کوردستانێ بۆ ئه‌ڤرۆ نيوز گۆت: “ئه‌ڤرۆ رۆژا ئێكشه‌مبى رێكه‌فتى 1\3\2015 جڤاتا نه‌فت و غازێ يا حوكمه‌تا هه‌رێما كوردستانێ و سه‌رۆك فراكسيۆنێن ناڤا په‌رله‌مانێ كوردستانێ و لژنا دارايى و لژنا پێشه‌سازى و وزێ ل په‌رله‌مانى ل دۆر بهايێ پانيزينێ و دابينكرنا مووچێ فه‌رمانبه‌ران كۆمبوون”.

زێده‌تر گۆت: “كۆمبوونه‌كا سه‌ركه‌فتى بوو، رێكه‌فتنا د ناڤبه‌را هه‌ولێر و به‌غدا دا، ب هوورى به‌حسكر و ئاماژه‌ ب وێ چه‌ندێ ژى كر كو به‌غدا ل سه‌ر رێكه‌فتنێ يا پابه‌ند نينه‌ و دێ بزاڤێ كه‌ين ل دووڤ چين هه‌تا كو بهێته‌ چاره‌كرن، هه‌كه‌ هه‌ر نه‌هاته‌ چاره‌ كرن دێ بزاڤێ كه‌ين رێيێن دى گرينه‌ به‌ر “.

دا زانين ژى كو جڤاتێ ئاماژه‌ ب وێ چه‌ندێ ژى كر كو ل سه‌ر حوكمه‌تا هه‌رێما كوردستانێ پێدڤيه‌ مووچێ فه‌رمانبه‌ران دابين بكه‌ت هه‌تا كو ئه‌ڤ كێشه‌ چاره‌ دبيت و پلان يێن هه‌ين بهێته‌ چاره‌كرن”.

ل دۆر وێ چه‌ندێ كا دێ سه‌ره‌دانا به‌غدا كه‌نه‌ڤه‌، حوكمه‌تا هه‌رێمێ چو ژڤان ديار نه‌كرينه‌ كو دێ ل ڤان نێزيكان سه‌ره‌دانا به‌غدا كه‌ن.