ئه‌ڤرۆ نيوز:
ئێدى زانينا ژمارا نهێنى يا Wi-Fi نه كێشه‌يه، ب رێيا به‌رنامێ Wi-Fi MAP ل سه‌ر ئاميرێ ئه‌ندرويد گه‌له‌ك ب ساناهى دشێى ژمارا نهێنى يا Wi-Fi ب ده‌ست خوه ڤه بێخى و بێى دزين و ب ره‌نگه‌كێ قانوونى يا نڤيسينگه‌هه‌كێ بيت يان خوارنگه‌هه‌كێ يا ئۆتێله‌كێ يان ژى هه‌ر جهه‌كێ هه‌بيت و نێزيكى ته بيت.
ئه‌ڤرۆ نيوز:
حوكمه‌تا به‌لچيكا راگه‌هاند كو 35 له‌شكرێن به‌لچيكىى دێ ل عيراقێ به‌ربه‌لاڤ بن هه‌ر ژ رۆژا شه‌مبى دا پشكداريێ د مه‌شقكرنا له‌شكرێ عيراقێ دا بكه‌ن د چارچۆڤێ هه‌ڤپه‌يمانيا نێڤده‌وله‌تى دژى رێكخستيا داعش.
د به‌ياننامه‌كێ دا ئاشكه‌را ژى كر كو ئه‌ڤ 35 له‌شكره دێ ئه‌ڤرۆ رۆژا شه‌مبى گه‌هنه عيراقێ و دێبۆ ماوێ شه‌ش هه‌يڤان ل به‌غدا ل جهه‌كێ ئه‌مين بن.
ئاخفتنكه‌رێ ب ناڤێ وه‌زاره‌تا به‌ره‌ڤانيا به‌لجيكا، ستيڤن فانديبۆت، گۆت: “له‌شكرێ به‌لچيكى پشكدارى شه‌رى ل سه‌ر ئه‌ردى ناكه‌ت و ب تنێ دێ كارێن مه‌شقكرنێ كه‌ت”.
ل هه‌يڤا 10 يا سالا بۆرى به‌لچيكا چوويه ناڤ هه‌ڤپه‌يمانيا نێڤده‌وله‌تى ئه‌وا وه‌لاتێ ئه‌مريكا سه‌رپه‌رشتيا وێ دكه‌ت و نوكه شه‌ش فرۆكێن شه‌ركه‌رێن به‌لچيكا ژ جۆرێ F16 و 120 شه‌رى دژى رێكخستيا داعش دكه‌ن.
ئه‌ڤرۆ نيوز:
ئێك ژ فانێن ئه‌ڤرۆ نيوز ب ناڤێ بلند ئه‌ترووشى ئه‌ڤرۆ نيوز ل سه‌ر روودانه‌كا ترافيكێ ل تاخێ به‌رۆشكێ ئاگه‌هدار كر كو د ناڤبه‌را ترۆمبێله‌كا تويۆتا “پيك ئاپ” و ته‌كسيه‌كا كوردستان”بيكاچۆ” و “كوسته‌ره‌كێ” دا روودايه و ب گۆره‌يى گۆتنێن ڤى فانێ ئه‌ڤرۆ نيوز پيك ئاپ وه‌رگه‌ريايه و چوويه ب هه‌ردو ترۆمبێلێن دى كه‌فتيه ئه‌ڤ وێنه ژى بۆ ره‌وانه كرينه:
ئه‌ڤرۆ نيوز:
رويترز راگه‌هاند كو ئه‌و كه‌شتيا په‌ترۆلا هه‌رێما كوردستانێ هه‌لگرتى ل كه‌نارێن ئه‌مريكا مايى، ئسرائيل كرى.
ئاژانسێ ئه‌و چه‌ند ژى ئاشكه‌را كريه كو په‌ترۆلا هه‌رێما كوردستانێ ئه‌ڤرۆ رۆژا ئه‌ينى ل به‌نده‌را عه‌سقه‌لان يا ئسرائيل ڤالا كرى، د ده‌مه‌كى دا كو ئه‌ڤ گه‌شتيه ژ 22ى هه‌يڤێ وه‌ره، ژ هه‌يڤێن ده‌ستكرد و چاڤدێريێ ديار نه‌مايه.
ب گۆره‌يى پێزانينان په‌ترۆلا هه‌رێما كوردستانێ ئێك مليۆن به‌رميلێن په‌ترۆلێ تێدا بوون، به‌رى نوكه ژ ئه‌گه‌رێ داخوازيه‌كا عيراقى ل ويلايه‌تا تكساس يا ئه‌مريكا كێشه بۆ دروست ببوو.
به‌رى نوكه ژى چه‌ند ژێده‌رێن ده‌نگوباسان ئاشكه‌را كربوو كو په‌ترۆلا هه‌رێما كوردستانێ ژ توركيا دچيته ئسرائيل و پاش ڤالاكرنێ ل به‌نده‌رێ عه‌سقه‌لان د رێيا هێلا بۆڕيا 240 كيلۆمه‌ترى دچيته به‌نده‌را عيلات ل ده‌ريا سۆر، به‌لێ ژێده‌رێن پێزانينان ل هه‌رێما كوردستانێ راگه‌هاند كو ئه‌و په‌ترۆلێ ب كۆمپانيێن بكرێن په‌ترۆلێ دفرۆشن و ئه‌و ژى د ئازادن بۆ كيرێ ڤه‌گوهێزن.
ئه‌ڤرۆ نيوز:
ژێده‌رێن ده‌نگوباسان ل واشنتۆن به‌لاڤ دكه‌ن كو نوكه ئه‌مريكا هێزه‌كا نێڤده‌وله‌تى يا له‌شكرى كو ژ 30 هزار له‌شكرى پێك دهێت بۆ رووى ب روويبوونا داعش ل سوريا و عيراقێ پێكدئينيت.
ب گۆره‌يى پێزانينان ئه‌ڤ هێزا 30 هزار كه‌سى ژ له‌شرێ توركيا و سعودى و ئوردن و مسر و عيراق و هێزێن ئورۆپى و كه‌نه‌دا و ئوستراليا و ئه‌مريكا پێك دهێت، جۆن ئالن سه‌رپه‌رشتێ هێزێن هه‌ڤپه‌يمانان بۆ شه‌رێ دژى داعش ئه‌ڤ گۆتنه پشت راست كرن.
ئارمانجا هێزێن
ئامانجی هێزە نێودەوڵەتییەكە بریتی دەبێت لە ئەنجامدانی هێرشێكی وشكانی بۆ سەر چەكدارانی داعش لە ڕۆژئاوا و باكوری عێراق و هەروەها ڕۆژهەڵات و باكوری سووریا.
جەنەراڵێكی دیكەی ئەمەریكی رایگەیاندووە كە ئەو هێزە بۆ لەناوبردنی یەكجارەكیی داعشە و ئاماژەی بەوەش كردووە كە بەهۆی چەكدارانی داعشەوە سەقامگیریی عێراق بە تەواوی كەتۆتە مەترسییەوە و هیچ ئۆمێدێك نییە كە هێزە عێراقییەكان بتوانن بەرەنگاری ئەو گروپە توندڕەوە ببنەوە.
ئه‌ڤرۆ نيوز:
پارتا چه‌پا ئه‌لمانيا داخوازا ده‌رخستنا ناڤێ په‌كه‌كێ ژ ليستا تيرۆرێ د ليستا قه‌ده‌غه‌كرى يا وه‌لاتێ خوه دكه‌ت، به‌لێ پارتا ده‌سته‌لاتدار ره‌ت دكه‌ت.
ئه‌ڤ كێشه ژى ره‌وانه‌يى كۆمسيۆنا په‌رله‌مانى هاتيه كرن دا كو ڤه‌كۆلين ل سه‌ر بهێنه كرن وه‌كو داخوازيا پارتا چه‌پا ئه‌لمانيا.
ب بۆچوونا وێ پارتێ نوكه په‌كه‌كه دژى چه‌كدارێن داعش شه‌رى دكه‌ت كو چه‌كدارێن داعش مه‌ترسى نه بۆ سه‌ر ئاسايشا ئه‌لمانيا و رێبه‌رێ وێ ژى عه‌بدولا ئوجه‌لان رۆله‌كێ به‌رچاڤ د پرۆسا ئاشتيێ دا ل وه‌لاتێ توركيا يێ هه‌يى.
به‌لێ ب به‌هانه‌يا به‌رژه‌وه‌نديێن گرنگێن وه‌لاتێ توركيا ل گه‌ل وه‌لاتێ ئه‌لمانيا پارتا ده‌سته‌لاتدار ڤێ چه‌ندێ ره‌ت دكه‌ت و ئاماژێ ب وێ چه‌ندێ ژى دكه‌ت كو ئه‌ڤه پرسه‌كا ناڤخۆ يا وه‌لاتێ توركيا يه.
ئه‌ڤرۆ نيوز:
ب گۆره‌يى نووچه‌كێ په‌يامنێرێ رووداو ل باژێرێ مووسل، ئاخفتنكه‌رێ ب ناڤێ داعش كو د هه‌مان ده‌م دا گۆتارخوينێ مزگه‌فتا “محمد ره‌سول الله” يه راگه‌هاند كو ئه‌و داخۆيانيێن به‌حس ل ئازادكرنا پێشمه‌رگێن ئێخسيركرى يێن د ده‌ستێ داعش دا دكه‌ن و دبێژن كو دێ پێكگوهۆڕينێ كه‌ن دوورن ژ راستيێ و گۆت: “دره‌وێن راگه‌هاندنێ نه”.
ئاخفتنكه‌رێ ب ناڤێ داعش د گۆتارا خوه يا ئه‌ينيێ دا ئاماژه ب وێ چه‌ندێ ژى كريه كو هه‌ر كه‌سێ ژ داعش ل به‌ره‌يێن شه‌رى بره‌ڤيت، ئه‌و دێ سێداره ده‌ن.
ژێده‌ر: رووداو
ئه‌ڤرۆ نيوز:
ئه‌ڤرۆ كاروانێ چارێ يێ هێزێن پێشمه‌رگێ كوردستانێ د رێيا توركيا را دێ چنه باژێرێ كۆبانێ يا رۆژئاڤايێ كوردستانێ و بڕياره پشتى گه‌هشتنا وى كاروانى، پێشمه‌رگێن گه‌را سيێ ڤه‌گه‌رنه هه‌رێما كوردستانێ.
ب گۆره‌يى داخۆيانيا ئێك ژ وان پێشمه‌رگێن دێ به‌ر ب كۆبانێ چن، دبيت ڤێ جارێ پێشمه‌رگه ل ده‌ڤه‌يى باژێرێ كۆبانێ بنه‌جهـ بن و گۆت: “هێشتا نه‌هاتيه پشت راستكرن كا دێ كاروانه‌كێ دى هێته جهێ مه يان دێ ئه‌م يێن جارا دووماهيێ بين”.
ب گۆره‌يى پێزانينێن ئه‌ڤى پێشمه‌رگه‌يى ب ئه‌ڤرۆ نيوز دايه زانين ئه‌ڤ كاروانێ پێشمه‌رگه‌يى نێزيكى 130 كه‌سايه.
ئه‌ڤرۆ نيوز:
نێچيرڤان بارزانى، سه‌رۆكێ حوكمه‌تا هه‌رێما كوردستانێ، د راگه‌هاندنامه‌كێ دا راگه‌هاند ته‌قاندنا موزه‌خانا مووسل ژ لايێ چه‌كدارێن داعش ڤه شه‌رمزار كر و راگه‌هاند كو ئه‌وان سه‌لماند كو ئه‌و رێكخراوا تيرۆرستى مه‌ترسيه بۆ سه‌ر مێژوو و شارستانيه‌تا هه‌موو جيهانێ.
ئه‌ڤه ژى راگه‌هاندنێ يه:
ئه‌مه‌ش ده‌قی په‌یامه‌كه‌یه:
ئه‌مڕۆ هه‌موو خه‌ڵكی عێراق و كوردستان، به دیمه‌نه‌كانی وێرانكردنی مۆزه‌خانه‌ی شارستانیی مووسڵ، خه‌مبار بوو. ڕێكخراوی تیرۆریستیی داعش به شێوه‌یه‌كی زۆر دڕندانه ئه‌و په‌یكه‌ر و شوێنه‌واره مێژووییانه‌ی تێكدا كه هه‌ڵگری مێژووی سه‌دان ساڵی پێش زایین بوون.
وێرانكردنی ئه‌و مۆزه‌خانه‌یه و تێكدانی ئه‌و شوێنه‌وارانه، زیانگه‌یاندنێكی زۆر گه‌وره بوو به شارستانیه‌تی هه‌موو جیهان. له‌و باوه‌ڕه‌شداین هه‌موو جیهان له‌گه‌ڵ ئێمه‌دا خه‌مگین ده‌بێت بۆ له‌نێوبردنی ئه‌و هه‌موو شوێنه‌واره مێژووییانه‌ی شارستانیه‌تی میزۆپۆتامیا، ئاشوورییه‌كان، كلدانییه‌كان، میدییه‌كان و چاخه كۆنه‌كانی ئیسلام، ئه‌وه زیانێكی زۆره بۆ میراتی مرۆڤایه‌تی. ئه‌و كرده‌وه‌یه‌ی داعش جارێكی دیكه ئه‌وه‌ی ده‌رخسته‌وه، كه ته‌نیا دژی مرۆڤ نییه، به‌ڵكو دژی هه‌موو میرات و به‌ها مرۆڤایه‌تییه‌كان و شارستانیه‌تی گه‌لانیشه.
ئێمه لێره‌دا وێڕای به توندی شه‌رمه‌زاركردنی وێرانكردنی ئه‌و مۆزه‌خانه‌یه‌ی كه نیشانه‌ی پێكه‌وه‌ژیانی گه‌لانی ناوچه‌كه بوو، له هه‌مان كاتدا ده‌نگمان ده‌خه‌ینه پاڵ ده‌نگی پارێزگاری مووسڵ، بۆ ئه‌وه‌ی داوا له ڕێكخراوی یوونسكۆ و هه‌موو وڵاتانی ناوچه‌كه بكه‌ین، ڕێگه له ده‌رچوونی ئه‌و پارچه شوێنه‌وارانه بگرن، كه ڕێكخراوی تیرۆریستیی داعش پێش وێرانكردنی مۆزه‌خانه‌كه، له‌و مۆزه‌خانه‌یه‌ی دزیون، چونكه ئه‌وانه به‌شێكن له سامانی گرنگی عێراق و ناوچه‌كه‌مان.
نێچیرڤان بارزانی
سه‌رۆك وه‌زیرانی هه‌رێمی كوردستان
ئه‌ڤرۆ نيوز:
يانێن ئيتالى سه‌ركه‌فتنه‌كا مه‌زن تۆمار كر د پشكداريا خوه دا ل قووناغا 32 ژ قاره‌مانيا ئورۆپا ليك پشتى هه‌ر پێنج تيم شياين ده‌ربازى قووناغا 16 بن ژ قاره‌مانيێ.
ڤيۆرۆنتيا سه‌ركه‌فتن ل سه‌ر تۆتنهام يا ئنگليزى تۆمار كر ب دو گۆلان بێ به‌رامبه‌ر، ياريا به‌رێ ژى بێ گۆل ب دووماهى هاتبوو، ئه‌نتر ميلان ژى سه‌ركه‌فتن ل سه‌ر مێڤانا خوه سێلتيك تۆمار كر ب گۆله‌كا ئێكانه پشتى ياريا چوونێ ب سێ گۆلان وه‌كهه‌ڤ بووين.
تۆرينۆ ژى شيا پلێتا ده‌ربازبوونێ ب ده‌ست ڤه بينيت پشتى د ياريگه‌ها وێ دا ل گه‌ل ئه‌تله‌تيكۆ بلباو يا ئسپانى سه‌ركه‌فتن تۆمار كرى ب سێ گۆلان به‌رامبه‌ر دو گۆلان و ياريا چوونێ ژى ب وه‌كهه‌ڤى ب دو گۆلان ب دووماهى هاتبوو.
رۆما ژى ژ ده‌رڤه‌يى ياريگه‌ها خوه سه‌ركه‌فتن ل سه‌ر فاينورد يا هۆله‌ندى تۆماركر ب دو گۆلان به‌رامبه‌ر گۆله‌كێ پشتى وه‌كهه‌ڤ بووين ب گۆله‌كێ ل ياريا چوونێ ل ياريگه‌ها رۆما.
ل دووماهيێ ژى ناپۆلى سه‌ركه‌فتنا خوه ل سه‌ر مێڤانا خوه ترابزۆن سپۆر يا توركى دووباره كر ب گۆله‌كا ئێكانه پشتى شيايى د ياريگه‌ها وێ دا ژ ياريێن چوونێ ب چار گۆلان بێ به‌رامبه‌ر سه‌ركه‌فتنێ تۆمار كه‌ت.
نيشاندان