ئه‌ڤرۆ نيوز:
چه‌كێ ميلان كو ب چه‌كێ دژى تانكان يێ به‌رنياسه، نوكه هێزێن پێشمه‌رگه‌ى ل ميحوه‌رێن شه‌رێ دژى داعش دا، د به‌رده‌ستدايه، چه‌كدارێن داعش گه‌له‌ك ژ ڤى چه‌كى دترسن و د پرانيا هێرشێن وان دا، پێشمه‌رگه ب ڤى چه‌كى شكه‌ستنێ ب هێرشێن وان دئينيت ب تايبه‌ت هێرشێن وان ييێن خوه‌كوژى كو درعان بكاردئينن و د ماوێن بوورى دا، ب ڤى چه‌كى، پێشمه‌رگێ قاره‌مان، گه‌له‌ك درعێن وان ژناڤبرينه.
ئه‌ڤرۆ نیوز:
وه‌زیرێ ده‌رڤه‌یێ ئیراقێ، ئیبراهیم جه‌عفه‌رى ل گه‌ل وه‌زیرێ كاروبارێن ده‌رڤه یێ ئیرانێ محه‌مه‌د جه‌واد د كونگره‌یه‌كێ رۆژنامه‌ڤانى دا راگه‌هاند : عیراق یا به‌رهه‌ڤه پێشوازیا هه‌ر ده‌وله‌ته‌كێ بكه‌ت كو بخوازیت هه‌ڤكاریا عیراقێ بكه‌ت، خوه ئه‌گه‌ر داعش ژى بیت.
پشتى ڤێ چه‌ندێ ل تورێن جڤاكى هێرشه‌كا دژوار ل سه‌ر جه‌عفه‌رى هاتیه كرن و داخواز دهێته كرن بهێته سزادان، كه‌سايه‌تيێ به‌رنياس نه‌بيل جاسم ل تورا جڤاكى نڤيسيه: ئه‌ڤه چ قه‌ومه، دياره ره‌فتاركرن ل گه‌ل داعش سياسه‌ته‌كا نوو يا حوكمه‌تا عيراقێ يه.
بۆ زانين د ماوێ كێمتر ژ 24 ده‌مژميێران زێده‌تر 100 هزار كه‌سان سه‌حكريه ڤێ ڤيديويێ:
ئه‌ڤرۆ نیوز ، بارزان مزوورى
به‌رپرسێ هێزا ئاگرى ل میحوه‌رێ ناوه‌ران، لوقمان شه‌ره‌فانى ، بۆ ئه‌ڤرۆ نیوز دیار كر كۆ چه‌كدارێن تیرورستێن داعش چه‌كێ خو یێ گران ل ناڤ باژێرێ مووسل هه‌مى ب هه‌ڤرا ڤه‌گوهاست بو ناڤ غاباتێ مووسل چ چه‌كێ گران دناڤ باژێرى نه‌هێلا.
ناڤبرى دیار كر كۆ ئه‌ڤرۆ فروكه‌یێن جه‌نگى دربێن مه‌زن ب باره‌گایێن داعش دان ل ناڤ مووسل و ترس كه‌تیه د ناڤ وان دا.
ناڤبرى زێده‌تر گوت : ئه‌ڤرۆ ل ده‌ڤه‌را پیشه‌سازیا مووسل، فروكه‌یا، ب تمامى بوردومان كر كو ئه‌ڤ ده‌ڤه‌را پیشه‌سازى جهه‌كێ تایبه‌ت یا داعش بوو بۆ چێكرنا ترومبێلێن درع .
ئه‌ڤرۆ نیوز:
تیرورستێن داعش نێزیكى ده‌مژمێر 8 ئه‌ڤ شه‌ڤه هێرشه‌كا مه‌زن كره سه‌ر هێزێن پێشمه‌رگه‌ى و گه‌ریلایان ل ده‌ڤه‌رێن شنگال و پشتى ده‌مژمێره‌ك و نیڤا، داعش شكه‌ستن و زیانێن مه‌زن گه‌هشتنێ.
قادر خورانى فه‌رماندێ فه‌وجا 4 یا لیوا 8 یا پیاده راگه‌هاند داعش ژ سێ ره‌خان ڤه هێرش كریه سه‌ر فه‌وجا 3 و 4 و 111 یا هێزێن پێشمه‌رگه‌ى و گه‌ریلایان، به‌لێ ب دژوارى به‌رسڤا وان هاتیه دان و شكه‌ستى و گورزێن مه‌زن پێ گه‌هشتنه و بۆ ڤه‌گه‌ریانه جهێن خوه و هێزێن پێشمه‌رگه و گه‌ریلا د پێشره‌ویێ دانه.
ئه‌ڤرۆ نيوز:
ئه‌ندامه‌كێ لژنا پيشه‌سازى و وزێ و ژێده‌رێن سروشتى ل په‌رله‌مانێ كوردستانێ راگه‌هاند كو حوكمه‌تا هه‌رێما كوردستانێ ناخوازيت بهايێ پانزينێ ئه‌رزان ببيت.
فايق مسته‌فا ئه‌ندامێ لژنا پيشه‌سازى و وزێ و ژێده‌رێن سروشتى ل په‌رله‌مانێ كوردستانێ د داخويانيه‌كا رۆژنامه‌ڤانى دا دياركر كو ئه‌و به‌رده‌وام بزاڤان دكه‌ن بۆ كێمكرنا بهايێ پانزينێ به‌لێ حوكمه‌تا هه‌رێما كوردستانێ ناخوازيت بهايێ پانزينێ ئه‌رزان ببيت.
ئه‌ڤرۆ نيوز:
برياره رۆژا ئه‌ينى، گه‌را چوارێ يا هێزێن پێشمه‌رگه‌ى ژ هه‌ولێرێ به‌ره‌ڤ كوبانێ، رۆژئاڤا كوردستانێ بچن، ب مه‌ره‌ما ڤه‌گه‌ريانا وان پێشمه‌رگێن ل گه‌را سيێ چووينه كوبانێ.
ژێده‌ره‌ك ژ وه‌زاره‌تا پێشمه‌رگه‌ى بۆ باسنيوز دياركريه برياره رۆژا ئه‌ينى گه‌را چارێ يا هێزێن پێشمه‌رگه‌ى بچنه شوونا وان پێشمه‌رگێن نوكه ل كوبانێ، رۆژئاڤا كوردستانێ كو ماوێ زێده‌تر ژ هه‌يڤه‌كێ يه ل وێرێ.
ئه‌و پێشمه‌رگێن دێ چنه كوبانێ، ژ 150 پێشمه‌رگان پێكدهێن و سه‌ر ب هێزا پشته‌ڤانيا ئێك و دو يا سه‌ر ب وه‌زاره‌تا پێشمه‌رگه‌ينه.
ئه‌ڤرۆ نیوز:
ل دووڤ راپرسیه‌كا په‌یمانگه‌ها پێوى یا ئه‌مریكى بۆ ڤه‌كولینان، 47% ژ ئه‌مریكیان پشته‌ڤانیا پشكداریا هێزێن وه‌لاتێ خوه دكه‌ن ل شه‌رێ دژى داعش و 49% دژى هنارتنا هێزێن پیاده نه.
ل دووڤ وێ راپرسیێ كو د ناڤبه‌را 18 بۆ 22 ڤێ هه‌یڤێ دا هاتیه كرن و هزار و 504 كه‌سان پشكدارى تێدا كریه 70% ژ كوماریان و 58% ژ دیموكراتان پشته‌ڤانیا په‌نابرن به‌ر شه‌رى دكه‌ن بۆ روى ب روى بوونا داعش.
ئه‌ڤرۆ نیوز، ره‌وان نهێلى
ئه‌ڤرۆ لایه‌نێن سیاسى ل پارێزگه‌ها هه‌له‌بجه، كو ژ 10 لایه‌نێن سیاسى پێكهاتینه، پشتى سێ ده‌مژمێرێن كومبوونێ بۆ دابه‌شكرنا پوستێن پارێزگه‌ها هه‌له‌بجه رێككنه‌كه‌ڤتن.
حه‌سه‌ن شێخ عه‌بدولا به‌رپرسێ مه‌لبه‌ندێ هه‌له‌بجه یێ یه‌كگرتووى ئیسلامى كوردستان راگه‌هاند كو وان ل سه‌ر دو ته‌وه‌ران ئاخفتى یه، ئه‌وژى دانانا جڤاتا پارێزگه‌هێ و رێككه‌فتنێن ئیدارى و گۆت: نه‌گه‌هشتنه رێككه‌فتنێ و كومبوون ب ڤه‌كرى ما و چاڤه‌رێى لژنا بلندا دانوستاندنان یا لایه‌نێن سیاسى دكه‌ین بۆ وێ یه‌كێ بكارن د چه‌ند رۆژێن بهێت دا، پۆستێن ئیدارى و رێڤه‌به‌رێن گشتى یێن هه‌له‌بجه ئێكلا بكه‌ن.
فازل به‌شاره‌تى به‌رپرسێ لقا 12 یا پارتى ل هه‌له‌بجه بۆ ئه‌ڤرۆ نیوز دیاركر كو لایه‌نێن دى سیاسى ته‌كه‌زیێ ل پوستێ قایمقامیا هه‌له‌بجه دكه‌ن، د هه‌مبه‌ر دا ئه‌م د رازى بوون ده‌ستبه‌ردارى وى پۆستى بن، به‌رامبه‌ر پۆستێ جڤاتا پارێزگه‌ها هه‌له‌بجه، لێ لایه‌نێن سیاسى ته‌له‌فونا یێن ل سه‌ر خوه‌دا كرن و هه‌ر رازى نه‌بوون.
نيشاندان