ئه‌ڤرۆ نيوز:
د ده‌مه‌كى دا كو قه‌يرانا دارايى يا هه‌يى، به‌لێ پێدانا په‌رزێن بچووك يێن لاوان د به‌رده‌وامن و بڕياره ژ 15 مليۆنان ژى ببيته 30 مليۆن دينار.
ئارام ئه‌نوه‌ر، رێڤه‌به‌رێ سندوقا پشته‌ڤانيا پرۆژێن بچووكێن لاوان ل وه‌زاره‌تا كار و كاروبارێن جڤاكى ل هه‌رێما كوردستانێ بۆ باس گۆت: “قه‌رزێن بچووك به‌رده‌وامى يا هه‌يى و ڤه‌گه‌راندنا وى قستى ژى به‌رده‌وامى يا هه‌يى، سندوقێ ژى پاره‌كێ باش يێ تێدا”.
ئاماژه ب وێ چه‌ندێ دكه‌ت كو ئه‌و ل سه‌ر 75% ژ داخوازيێن گه‌نجان رازى دبن و ژ مليۆنه‌كێ هه‌تا 15 مليۆنان پێ دده‌ن.
نه‌ڤه‌شارت ژى كو ل هه‌ولێر 50 هه‌تا 60 داخوازيان بۆ چووينه و ل سلێمانيێ ژى رێژه‌كا باش بۆ چوويه و هه‌تا 400 قه‌را داينه لاوان و ئه‌و كه‌س شياينه ژ 10 هه‌تا 12 مليۆن ديناران مفادار بن.
پرۆژێ قه‌رێ لاوان ل 2011 ده‌سپێكريه و هه‌تا سالا 2014 زێده‌ترى حه‌فت هزار كه‌سان مفادار بووينه و پرۆژێن بازرگانى و پێشه‌سازى و چاندن و گه‌شتيارى ب خوه ڤه دگريت.
ئارام ئه‌نوه‌ر گۆتژى: “ب رێيا راستڤه‌كرنا قانوونێ ئه‌م دشێين ڤى قه‌رى ژ 15 مليۆنان بۆ 30 مليۆنان زێده بكه‌ن ب تايبه‌ت بۆ سێكته‌رێن پێشه‌شازى و چاندن و گه‌شتوگۆزارى”.
ئەڤرۆ:
بریارە ئەڤرۆ و د یاریەکا پاشخستی دا ژ گەرا دویێ ژ قوناغا دویێ یا خۆلا نایاب یا ھەرێما کوردستانێ دێربیا پارێزگەھا دھۆکێ دناڤبەرا خودانا سەرێ لیستێ تیما تەپا پێی یا یانا دھۆک و خودانا رێزا سیێ یانا زێرەڤانی ل یاریگەھا زێرەڤانی ل دەمژمێر ٣ پشتی نیڤرۆ بھێتەکرن.
خودانا سەرێ لیستێ دێ ھێتە دڤی یاریێ دا و چاڤێ وان دێ ل ئەنجامەکێ باش بیت بۆ وێ چەندێ ژ ھەڤرکیێن خوە دوورکەڤیت و ھەتا رادەکی پاشخستنا یاریێ د بەرژەوەندا وان دا بوو ژبەر ماندیبوونا یاریکەرێن وان ژبەر کرنا یاریێ ل ھەر دو خولێن عیراقێ و ھەرێمێ ، ھەر بوڤێ یاریێ ژی ھێزەکا دی ل تیما خوە زێدەکریە ب زێدەکرنا ناڤێن ھەر دو یاریکەران خالد مشیر و ئاماد ئسماعیل کو پێشبینی دھێتەکرن ھەر دو پشکداربن بەرامبەر ڤێ چەندێ تیما زێرەڤانی دێ ھەمی ھەولێن خوە مەزێخیت ھەڤرکیێ دژوارتر لێبکەت و سەرکەفتنێ توماربکەت چنکو ھەر ئەنجامەکێ دی ژبلی سەرکەفتنێ دێ زێرەڤانی دوورکەڤیت ژ سەرێ لیستێ لەورا دێ پتر ھەولێن سەرکەفتنێ مەزێخیت و دێ بزاڤێن وان ئەوبن مفایی ژ یاریگەھا خوە وەرگرن.
لدور ڤێ یاریێ راھێنەرێ یانا زێرەڤانی سلێمان رەمەزان بۆ رۆژناما ئەڤرۆ گۆت: ئامادەکاریێن مە وەک ھەر یاریەکا دی نە و مە باش خوە بەرھەڤکریە بو ڤێ یاریێ ، پاشخستنا یاریێ د بەرژەوەندا مە ھەر دو تیمان دانەبوو چنکو مە خوە باش بەرھەڤ کربوو .
زێدەتر ناڤبری گۆت: ئەم زێدەتر پێدڤی سێ خالێن یاریێ نە چنکو ئەو ل پێشیا مەنە لەورا دێ بزاڤێن مە بۆ سێ خالان بن و ھەر تیمەکا سەرکەفتنێ تومارکەت دێ پیرۆزباھیێ لێکەین و یا ژ ھەموویێ گرنگتر بەرژەوەندا وەرزشا پارێزگەھا دھۆکێ یە.
ژلایەکێ دووڤە کاپتنێ یانا دھۆک خالد مشیر گۆت: یاریەکا گرنگە بومە چنکو ھەکە شیاین سەرکەفتنێ تومارکەین ھەتا رادەکی دێ رێکا مە خوش بیت بۆ ناسناڤی لێ زێرەڤانی ژی تیمەکا گەلەک باشە و دێ یاریەکا ب زەحمەت بیت.
زێدەتر خالد گوت: زاخا یاریکەرێن مە یا بلندە و مە ھەمیا پێکڤە سوزا دای یاریەکا ئاست بلند بکەین بو وێ چەندێ جەماوەر خوشیەکێ ژ دێربیی ببینیت و پاشخستنا یاریێ بو ھەر دو تیما باش بوو چنکو یاری نەدھاتەکرن .
ئەڤرۆ:
رۆژناما ئەڤرۆ پیلانەکا چار لایەنێن ھەرێما کوردستانێ دژی پارتی دیموکراتی کوردستان ئاشکرا دکەت، کو بەری بچنە کۆمبوونا ل گەل نێچیرڤان بارزانی، چار لایەن ل سلێمانیێ دژی پارتی کۆمبووینە و پەرلەمانتارەکا ئێکەتیێ ژی دبێژیت، مە رەخنە ل سیاسەتا ئابووریا پارتی یێن ھەین و ئێکەتی و گۆڕان و ئێکگرتوو و کۆمەل ئەڤ بۆچوونە یا ھەی و ئاخڤتن ل سەر ھاتیەکرن.
رەنگین عەبدولا، پەرلەمانتارا ئێکەتی نیشتیمانی کوردستان ل بەغدا بۆ ئەڤرۆ گۆت” ئەو رۆژا نێچیرڤان بارزانی دا ل گەل نوونەرێن کورد ل بەغدا کۆمبیت، ئێکەتی و گۆڕان و ئێکگرتوو و کۆمەلا ئیسلامی ب شەڤ ل سلێمانیێ دژی پارتی کومبووین، کومبوون ب نھێنی و بێی پارتی ھاتە گرێدان، ژ بەر کو سیاسەتا ڤان چار لایەنان لێک نێزیکبوویە ل دۆر رەوشا ئابووریا ھەرێما کوردستانێ، ب تایبەتی دژی سیاسەتا وەزارەتا سامانێن سرۆشتی، چونکە ئەڤ چار لایەنە، پارتی ب بەرپرس دزانن ژ رێڤەبەرنا سیاسەتا پەترۆلێ و پارتی چاوا دخوازیت وەسا ب رێڤەبەت”.
رەنگینێ گوت ژی” من پشکداری د کومبوونێ دا نەکر، بەلێ تێدا تەکەزی ل سەر ئێکخستنا بۆچوونا ھەرچار لایەنان ھاتەکرن و پارتی ھاتە تۆمەتبارکرن، کو ئەگەرێ نەھنارتنا وێ رێژا پترۆلێ بوویە کو رێککەفتن ل گەل بەغدا ل سەر ھاتیە کرن”.
خۆیاکر ژی” رێککەفتنا ھەولێرێ و بەغدا یا زەلال نینە بۆ خەلکێ کوردستانێ و لایەنێن سیاسی، ئەز ئاشتی ھەورامی تۆمەتبار ناکەم، بەلکۆ سیاسەتا وەزارەتا سامانێن سرۆشتی یا باش نینە و مە وەک ئێکەتی رەخنە ل سیاسەتا ئابووریا پارتی یا ھەی، سیاسەتا ئابووریا ھەرێما کوردستانێ یا د دەستێ پارتی دا و ددەمێ قەیراناندا پتر ئەو بەرپرس دبیت و پشکا شێری بەر پارتی دکەڤیت، ژبەرکو دڤێ خۆلا پەرلەمانی و حوکمەتێ دا پتریا کۆرسیان بەر پارتی کەفتینە و دڤێت خوە پتر بەرپرس بزانیت ل دەمێ پەیدابوونا ئاریشان”.
ئه‌ڤرۆ نيوز:
د.يوسف محه‌مه‌د سه‌رۆكىێ په‌رله‌مانێ كوردستانێ راگه‌هاند : نوكه ئه‌م ل په‌رله‌مانى مژوولى راستڤه‌كرنا په‌يره‌وێ ناڤخو يێ په‌رله‌مانى نه و مه دڤێت په‌يره‌وه‌كێ نوو دابين بكه‌ين كو ل گه‌ل كارێ په‌رله‌مانى د ڤێ قوناغێ دا بگونجيت، بۆ ڤێ مه‌ره‌مێ ژى لژنه‌كا تايبه‌تمه‌ند ژ په‌رله‌مانێ كوردستانێ د وى بياڤى دا نوكه يێ كار ل سه‌ر دكه‌ن، مه پێدڤى ب ئه‌زموونا ده‌وله‌مه‌ند يا په‌رله‌مانێن وه‌لاتێن پێشكه‌فتى هه‌يه.
ئاكرێ، بێوارحسێن زێبارى:
ژبوى رێزگرتن و وه‌فادارى به‌رامبه‌ر خوینا شه‌هیدێن سه‌ربلندێن كوردستانىێ و ئه‌و شه‌هیدێن گیانێ خو یێ پیرۆز كرینه قوربانى ل پێناڤ ئاخا پیرۆزا كوردستانێ، ب به‌رهه‌ڤبوونا رێڤه‌به‌رێ په‌روه‌رده‌یا ئاكرێ، كارگێریا قوتابخانا رزگارى یا بنه‌ره‌ت دیارى و خه‌لات بسه‌ر (50) قوتابیێن زاروكێت شه‌هیدا پارڤه‌كرن.
خلیل قادرخان رێڤه‌به‌رێ په‌روه‌ردا ئاكرێ د په‌یڤه‌كێ دا ئاماژه دا رولێ بلندى پێشمه‌رگه‌هێن قه‌هره‌مان بو پاراستنا گه‌ل و وه‌لاتى ژ تیروریستێن داعش كو هنده‌ك ژ وان پێشمه‌رگه‌هێن قه‌هره‌مان خوینا خو ژى كرى یه قوربانى وشه‌هید بووینه له‌وما ئه‌ركه لسه‌ر ملێت مه هه‌ومیا كو ئه‌م رێزێ ل كه‌س وكارێت وان بگرین و زاروكێت وان ژى بهێنه خه‌لات كرن .
ئه‌ڤرۆ نیوز، ڤه‌ده‌ر ره‌شاڤایی:
ده‌مێ دو كه‌س لسه‌ر پیاده‌رێيه‌كا جاده‌كا وه‌لاتێ كۆریا باشۆر برێڤه‌دچوون ژ نشكه‌كێ ڤه ئه‌رد لبن پێ وا دادقولپیت و هه‌ردوو كه‌سان دئه‌ردی دا دبه‌ته‌خار.
لدووڤ ژێده‌رێن نۆچه‌یێن كۆری بن جهێ داقولپینێ ئاڤرێژ بوو، د ڤیدیۆیا چاڤدێرێ دا كو ئه‌ڤرۆ هاتیه به‌لاڤكرن دو كه‌س كه‌ڤتنه تێدا و كه‌سێ سیێ ژی كێم مابوو بكه‌ڤیته تێدا.
هه‌ژی گۆتنێ یه هه‌ردوو كه‌س بسلامه‌تی ژ وێ چالێ هاتنه ده‌رخستن و بتنێ تۆشی هنده‌ك برینێن سڤك بووینه.
ڤیدیۆ:
ئه‌ڤرۆ نیۆز، قائید میرۆ
به‌رپرسه‌كێ ئێكه‌تیێ ئاشكراكر، سبه ئێكه‌تی ب فه‌رمی دێ داخوازێ ژ پارتی دیموكراتی كوردستان كه‌ت، پۆستێ قایمقامێ قه‌زا دهۆكێ بده‌نه ئێكه‌تیێ.
ئه‌حمه‌د قه‌ده‌فه‌ری، جێگرێ به‌رپرسێ مه‌لبه‌ندێ ئێكه‌تی نیشتیمانی كوردستان ل پارێزگه‌ها هه‌له‌بجه ب مالپه‌ڕێ ئه‌ڤرۆ نیۆز راگه‌هاند: ئێكه‌تی ب مه‌رجه‌كی یا رازیه ده‌ست ژ پۆستێ قایمقامێ پارێزگه‌ها هه‌له‌بجه به‌رده‌ت و بده‌ته پارتی، پارتی ژی پۆستێ قایمقامێ دهۆكێ بده‌نه ئێكه‌تیێ.
قه‌ده‌فه‌ری گۆتژی” من ئه‌ڤ پرسه دگه‌ل مه‌كته‌با سیاسی ئێكلاكریه و سبه دێ كۆمبوونا لایه‌نێن سیاسیێن هه‌له‌بجه هێته گرێدان و ئه‌گه‌ر پارتی به‌حسێ پۆستێ قایمقامێ هه‌له‌بجه بكه‌ت ئه‌ڤه ئه‌مژی دێ داخوازا پۆستێ قایمقامێ دهۆكێ كه‌ین، چونكو ئێكه‌تی ل دهۆكێ حزبا سێی یه و مافێ وه‌رگرتنا قایمقامی هه‌یه”.
ئه‌ڤرۆ نيوز:
ستێرا ناڤدارا هۆليۆدێ و جيهانێ، جێنيفر لۆپێز وه‌كو جوانترينا ئاهه‌نگا به‌لاڤكرنا خه‌لاتێن ئۆسكا هاته هه‌لبژاتن.
هه‌ر چه‌نده جێنيفرێ گازنده ژ شێوازێ كراسێ خوه كرن و ئاماژه ب وێ چه‌ندێ كر كو يێ نه‌خۆشه بۆ رابوون و روونشتنێ، به‌لێ ئه‌ڤێ ژ هندێ كێم نه‌كر كو ببيته خودانا جوانترين ستايل.
نيشاندان
