ئه‌ڤرۆ نیوز:
مه‌لا به‌ختیار به‌رپرسێ ده‌سته‌یا كارگێرى یا مه‌كته‌با سیاسى یا ئێكه‌تیا نیشتمانیا كوردستانێ د راگه‌هاندنه‌كێ دا دیاركریه كو گیروبوونا كومبوونێن ئێكه‌تیێ، ئێكه‌تى یێ ئێخستیه د حاله‌ته‌كێ ئالوز دا، ب تایبه‌تى د ڤێ حه‌فتیێ دا، نه‌رازیبوون و دلگرانى یێن زێده یێ روى ب روى مه‌كته‌با سیاسى یا ئێكه‌تیێ دبن، له‌وما د ڤێ ره‌وشێ دا، مه‌ترسیه‌كا زور ل سه‌ر ره‌وسا ناڤ ئێكه‌تیێ و پێگه‌هێ ئێكه‌تیێ ل كوردستان و عیراقێ و ده‌ڤه‌رێ هه‌یه.
مه‌لا به‌ختیار بۆ چاره‌كرنا كێشێن ئێكه‌تیێ، داخوازا كومبوونا مه‌كته‌با سیاسى یان ئه‌نجومه‌نێ سه‌ركردایه‌تیا ئێكه‌تیێ كریه داكو چ ب پێدڤى هاته زانین، بۆ سیاسه‌تا ئێكه‌تیێ ژ ئه‌ڤرۆ پێڤه بریار و راسپارده بهێته دان.
ئه‌ڤرۆ نیوز:
جڤاتا وه‌زیرێن عیراقێ د كومبوونه‌كێ دا كوژمێ 60 ملیون دولار بۆ حه‌شدا شه‌عبى دابینكرن و به‌حسێ پێشمه‌رگه‌ى نه‌هاته كرن.
جڤاتا وه‌زیرێن عیراقێ د كومبوونا خوه یا ئه‌ڤرۆ دا، رازیبوونا خوه ل سه‌ر بجهئینانا پرۆژێ دروستكرنا هێزا حه‌شدا شه‌عبى ده‌ربرى و داخواز ژ وه‌زاره‌تا دارایى كرن كوژمێ 60 ملیون دولار بۆ بمه‌زێخن، به‌لێ ب چ ره‌نگه‌كێ به‌حسێ هێزا پێشمه‌رگێ كوردستانێ نه‌كر كو نوكه پێشمه‌رگه ل شوونا جیهانێ شه‌رى تیرورێ دكه‌ت.
ئه‌ڤرۆ نيوز:
ئه‌ڤرۆ رۆژا سێشه‌مبى رێكه‌فتى 2015.2.24 جڤاتا نوونه‌رێن عيراقێ روونشتنا خوه يا 14ێ يا ئاسايى ب رێڤه‌چوو و كريارێن داعش ب كۆمه‌لكۆژى ل دژى گه‌لێ عيراقێ هژمارتن.
جڤاتا نوونه‌ران ده‌ست ب روونشتنا خوه كر پشتى رێژا قانوونى يا په‌رله‌مانتاران ئاماده بووى، بێى ئاماده‌بوونا هه‌ڤپه‌يمانيا هێزێن نشتيمانى و هه‌ڤپه‌يمانيا نشتيمانى ب سه‌رۆكاتيا جێگرێ سه‌رۆك كۆمارى ئه‌ياد عه‌لاوى.
ڤان هه‌ردو هه‌ڤپه‌يمانيان بڕيارا پشكدارينه‌كرنێ د روونشتنێن جڤاتا نوونه‌ران دا دايه پشتى كوشتنا سه‌رۆكێ عه‌شيره‌تا “الجنابات” قاسم سويدان و شه‌ش ژ زێره‌ڤانێن وى پشتى ره‌ڤاندين ل گه‌ل برازايێ وى يێ په‌رله‌مانتار ژ هه‌ڤپه‌يمانيا هێزێن نشتيمانى زياد جنابى ئه‌وێ پشتى برينداركرنێ ئازادكرى.
رێكخستيا داعش ل سالا بۆرى ب ره‌نگه‌كێ گه‌له‌ك هۆڤانه ده‌ستێ خوه دانايه سه‌ر روويه‌كێ گه‌له‌ك مه‌زن يێ ئه‌ردێ عيراقێ و سوريا و ل گه‌له‌ك جهان ژى كۆمه‌لكوژى يا كرى ب تايبه‌ت دژى ئێزديان كو هه‌تا نوكه هه‌شت گۆرستانێن ب كۆم هاتينه ديتن.
ئه‌ڤرۆ نيوز، نيوار محه‌مه‌د سه‌ليم:
ئه‌ندامه‌كێ لژنا پێشه‌سازى و وزێ ل په‌رله‌مانێ كوردستانێ راگه‌هاند كو ئه‌وان د كۆمبوونا خوه لژنێ دا، دوهى چه‌ند خاله‌ك نڤيسى نه و ره‌وانه‌يى سه‌رۆكاتيا په‌رله‌مانى كرينه دا كو ئه‌و ژ لايێ خوه ڤه ره‌وانه‌يى سه‌رۆكاتيا حوكمه‌تا هه‌رێمێ بكه‌ن.
به‌يار دوسكى ئه‌ندامێ لژنا پێشه‌سازى و وزێ ل په‌رله‌مانێ كوردستانێ بۆ ئه‌ڤرۆ نيوز گۆت: “دوهى 2015.2.23 مه د كۆمبوونا خوه يا لژنا پێشه‌سازى و وزێ چه‌ند داخوازيه‌ك نڤيسين و دانه سه‌رۆكاتيا په‌رله‌مانێ كوردستانێ دا ئه‌و ژى ژ لايێ خوه ڤه بۆ سه‌رۆكاتيا حوكمه‌تا هه‌رێما كوردستانێ بلند بكه‌ن”.
زێده‌تر گۆت: “مه د وان داخوازيان دا، خواستيه كو حوكمه‌تا هه‌رێما كوردستانێ ب دروستاهى خالێن رێكه‌فتنا د ناڤبه‌را هه‌رێم و به‌غدا دا بۆ مه بده‌ته دياركرن، هه‌تا نوكه ئه‌م چ ژ ناڤه‌رۆكا وێ رێكه‌فتنێ نزانين و ب تنێ ئه‌و پێزانينێن ل ده‌زگه‌هێن راگه‌هاندنێ به‌لاڤ بووين دزانينن، مه حوكمه‌ت نه‌ديتيه بێژيته مه كا ئه‌ڤ رێكه‌فتنه ب چو ره‌نگه”.
ئاماژه ب وێ چه‌ندێ ژى كره كو ئه‌وان ل به‌ره سه‌ره‌دانا به‌نده‌رێ جيهان يێ توركى ژى بكه‌ن دا كو ژ نێزيك هايدارى ره‌وشا په‌ترۆلا هه‌رێما كوردستانێ ببن و ديسا بۆ ڤێ مه‌ره‌مێ ل گه‌ل كۆمپانيا سۆمۆ ژى كۆم ببيت.
ئەڤرۆ:
ھونەرمەندا ناڤدارا لوبنانی (نەوال زۆغبی) دیارکر کو بەری چەند سالان سەرۆک وەزیرێن وەلاتێ وێ داخواز ژوێ کربوو خێزانێ ل گەل پێک بینیت، لێ وێ رەتکر بوو.
ناڤھاتیێ د بەرنامەکێ تەلەفزیۆنێ دا گۆت: د ژیانا مندا گەلەک کەسان داخوازا پێک ئینانا خێزانێ ژمن کرینە، کو ئێک ژوان سەرۆک وەزیرێن بەری نوکە یێ وەلاتێ من بوو، لێ ئەز رازی نەبووم و من داخوازا وی رەتکر.
ل دۆر نۆترین بەرھەمێ خوە ژی گۆت: ئەلبۆمەکا زێدە باش یا ددەستێن مندا و ھەلبەستڤان و ئاوازدانەرێن مەزن پشکداری تێدا کرینە، نوکە یا دقوناغێن دووماھیێ دا، لێ ژڤانێ بەلاڤکرنا وێ نەشێم دیارکەم، چونکو ئەو کومپانیا سپۆنسەریا ئەلبۆمێ کری ئەو دێ دیارکەن.
ئه‌ڤرۆ نيوز، نيوار محه‌مه‌د سه‌ليم:
به‌رپرسێ راگه‌هاندنێ ل په‌روه‌ردا رۆژهه‌لات ل دهۆكێ راگه‌هاند كو ئه‌و قوتابخانا ل دهۆكێ دوريشمێن داعش راكرين يا هاتيه داخستن و د بنيات دا گرێدايى په‌روه‌ردا مووسله.
نيوار ئه‌ترووشى به‌رپرسێ راگه‌هاندنێ ل په‌روه‌ردا رۆژهه‌لات بۆ ئه‌ڤرۆ نيوز گۆت: “ل قوتابخانه‌كا سنورێ په‌روه‌ردا مه، هاتينه ئاگه‌هداركرن كو ئه‌و قوتابخانا ب ناڤێ ئه‌مانه يا مووسلى كو د ئاڤاهيێ قوتابخانه‌كا مه ڤه ده‌وام كرى، دوريشمێن داعش ل سه‌ر ته‌خته‌ره‌ش و سپلێتێن قوتابخانێ بلند كرينه، رێڤه‌به‌رێ په‌روه‌ردا مه ژى بڕيارا داخستنا وێ قوتابخانێ دايه”.
زێده‌تر گۆت: “ل سه‌ر ڤى هه‌لويستى رێڤه‌به‌رێ گشتى يێ په‌وه‌ردا دهۆك ژى ده‌ستخۆشى ل كارێ مه كريه”.
ل دووڤ ئه‌و پێزانينێن ل به‌ر ده‌ست ئه‌ڤرۆ نيوز ئه‌ڤه جارا چارێ يه كارێن دژى كوردان ل وێ قوتابخانێ دهێنه كرن كو به‌رى نوكه ژى ئالايێ كوردستانێ ئينابوو خوار.
ئه‌ترووشى دا زانين ژى كو ل سه‌ر بڕيارا په‌روه‌ردێ هه‌تا ئه‌و كه‌سێن ئه‌و كاره كرى نه‌هێنه ده‌سته‌سه‌كرن داوام ل وێ قوتابخانێ ناهێته كرن.
ل رۆژا پێنجشه‌مبيا بۆرى ل سه‌ر سپلێت و ته‌خته‌ره‌شێ قوتابخانێ دوريشمێن دژى پێشمه‌رگه‌يى هاتينه به‌لاڤكرن و پشته‌ڤانيا داعش هاتيه كرن، ب گۆره‌يى پێزانينێن ئه‌ڤرۆ نيوز ژى ئاسايشا دهۆك و لژنا په‌روه‌ردێ ل جڤاتا پارێزگه‌هێ و رێڤه‌به‌ريا گشتى يا په‌روه‌ردا دهۆك نوكه دووڤچوونا بابه‌تى دكه‌ن.
ئەڤرۆ:
ھەڤبەندیا گەرم “ئانکو ھەڤبەندیا سیکسی” ژ ھۆکارێن سەرەکیە کو سەرکەفتنا ھەڤژینیێ ل سەر دھێتە ئاڤاکرن، لەورا ھەر شاشیەک یان سستاھیەک بکەڤیتێ بێگۆمان دێ ھەڤبەندیێ د ناڤبەرا ھەر ژن و مێرەکان دا تێکدەت.
ھەڤبەندیا گەرم ژی بنەماێن خوەیێن زێرین یێن ھەین کو ئەو بنەما د ھاریکارن بۆ سەرکەفتنا ھەڤبەندیێ ھەکە ب شێوەکێ رلست و دروست ھاتنە بجھئینان و د ئەنجام دا دێ بیتە ئەگەرێ کەیفخۆشی و تەناھیا ژن و مێران. بەلێ ھەما سەرپێچی ژ لایێ ئێک ژ ھەردویان ڤە ل سەر وان بنەما ھاتە کرن دێ ھەڤبەندی ژ خۆشیێ بیتە خەم و نەخۆشی.
ئەڤە چار خەلەتینە ھەکە تو ل گەل ھەڤبەندیا گەرم بکەی دێ زەلامی ژ تە دوور کەت و دێ رێیێن چارەکرنا وان ژی بۆ تە دیار کەین دا خۆشترین ھەڤبەندی ل گەل ھەڤژینێ خوە ببەی:
رەتکرنا ھەڤبەندیێ ل نیڤا رێ:
خانما ھێژا ھەکە تو ھەست ب وەستیانا جەستەیی یان یا دەروونی بکەی و د ئەنجام دا تە ھەڤبەندیا گەرم نەڤێت، ھەر ل سەرێ سحبەتێ زەلامێ خوە ئاگەھدار بکە و ئەگەران بۆ دیار بکە، نەمینە ل ھیڤیێ ھەتا دەست ب ھەڤبەندیێ بکەت و ل نیڤا رێ براوەستیت، ئەڤ رەفتارە دێ ھەڤژینێ تە تۆرە کەت و دێ ھەست پێ کەت کو ئەو ئەگەرێ نەڤیانا تەیە بۆ تمامکرنا ھەڤبەندیێ ھەتا دووماھیێ.
نيشاندان