ئه‌ڤرۆ نيوز:
ژ بوو پتر خزمه‌تكرن و مفاوه‌رگرتنێ ژ نووچێن مالپه‌رێ ئه‌ڤرۆ نيوز و رۆژناما ئه‌ڤرۆ ژێده‌رێن هه‌وه‌يێن ده‌نگوباسان، مالپه‌رێ ئه‌ڤرۆ نيوز خزمه‌تا SMS ان راگه‌هاند.
مه‌ره‌م ژ ڤێ خزمه‌تا SMS ان ئه‌وه كو هه‌كه هوون دوورى ئه‌نترنێت ژى بى بشێى مفايى ژ نووچێن مه وه‌رگرى ب رێيا نامێن مۆبايلێ كو دێ ژماره 1 شوڕتكودێن كوڕه‌ك 2279 يان ئاسيا سێل 4593 هنێرێ دێ رۆژانه گرنگترين و گه‌رمترين نووچه گه‌هنه هه‌وه‌يێن هێژا.
ئه‌ڤ خزمه‌ته دێ رۆژانه گه‌رمترين و نووترين نووچان ب رێيا نامێن مۆبايلێ SMS گه‌هينيته هه‌وه كو دێ ژ لايێ ئه‌ڤرۆ نيوز ڤه و گرنگيا بابه‌تان هێنه هه‌لبژاتن و بهايێ هه‌ر كورته نامه‌كێ ژى دێ ب تنێ 60 دينارێن عيراقى بن.
ئه‌ڤرۆ نيوز بكه ژێده‌رێ خوه يێ پێزانينان دا به‌رده‌وام نووياتيان بخوينى.
ئەڤرۆ نیۆز، قائید میرۆ
بڕیارە سبەی بن چاڤدێریا سەرۆک بارزانی مەزنترین پیشەنگەە بۆ نمایشکرنا وێنەیێن شەھیدێن شەڕێ داعش بھێتە ڤەکرن.
تەیموور شێخکی، سکرتێرێ ئێکەتیا لاوێن دیموکراتا کوردستانێ ب مالپەڕێ ئەڤرۆ نیۆز راگەھاند: سبەی رۆژا سێشەمبی ئێکەتیا لاوان ب ھەلکەفتا بیرئانینا ١٨ی شوباتێ، دێ پیشەنگەھەکا بەرفره‌هـ بۆ وێنەیێن شەھیدێن کوردستانێ ئەڤێن د شەڕێ داعشدا ھاتینە شەھیدکرن ھێنە نمایشکرن.
تەیمووری شێخکی گۆتژی” پیشەنگەە دێ لبن چاڤدێریا شەرۆک بارزانی ھێتە ڤەکرن و دەمژمێر ١١ی بەری نیڤرۆ ل پاڕکا شەھید سامی عەبدولڕەحمان دێ ھێتە ڤەکرن و ھەتا نوکە ٩٠٠ وێنەیێن شەھیدان ھاتینە بەرھەڤکرن و شەھیدێن ھەموو کوردستانێ ھەر ل کۆبانێ ھەتا دگەھیتە جەلەولا.
ئەڤرۆ:
رێڤەبەریا گشتیا پەروەردا پارێزگەھا دھۆکێ ب تنێ چار رۆژێن ئادارێ دێ بۆ مامۆستا و قوتابیان کەتە بێھنڤەدان و ئەندامەکا پەرلەمانێ کوردستانێ بۆ ئەڤرۆ دیار کر، وەزارەتا پەروەردێ ماف دایە رێڤەبەرێ گشتیێ دھۆکێ کا چەند رۆژان بکەتە بێھنڤەدانا مامۆستا و قوتابیان.
عەبد یوسف رێڤەبەرێ گشتیێ پەروەردا پارێزگەھا دھۆکێ تایبەت بۆ ئەڤرۆ راگەھاند، ژ بێھنڤەدانێن ئادارێ ب تنێ رۆژا ١١ ئادارێ و ھەرسێ رۆژێن نەورۆزێ دێ بۆ مامۆستا و قوتابیێن پارێزگەھا دھۆکێ بنە بێھنڤەدان و یێن دی ژ وان ناگرن و دەواما قوتابخانێن پارێزگەھا دھۆکێ دێ ب فەرمی ھێتە کرن.
زۆزان سادق تروانشی، ئەنداما لیژنا پەروەردێ ل پەرلەمانێ کوردستانێ بۆ ئەڤرۆ دیار کر، بێھنڤەدانا نیڤا سالێ یا کو سالانە ژ ١١ ھەتا ٢٤ ئادارێ دێ ژ پەروەردێن ھەولێر و سلێمانیێ گریت و بێھنڤەدانا فەرمیە، بەلێ بۆ قوتابخانێن پارێزگەھا دھۆکێ ناھێتە ھژمارتن، ل سەر وێ چەندێ را کو دەواما قوتابخانێن دھۆکێ د وەختێ خوە یێ ئاسایی دا دەست پێ کریە و گۆت “د مەھا ئادارێ دا، پێنچ رۆژ (٥، ١١، ٢١، ٢٢ و ٢٣) بۆ گشت فەرمانبەرێن ھەرێمێ بێھنڤەدانا فەرمینە، ل ھەولێر و سلێمانیێ ژی ژ ١١ ھەتا ٢٤ بێھنڤەدانا فەرمیە بۆ قوتابیان، بەلێ ھوسا دیارە رێڤەبەریا گشتیا پەروەردا دھۆکێ ئەڤ بێھنڤەدانە بۆ قوتابیێن دھۆکێ نەھژمارتیە”.
ئەنداما لیژنا پەروەردێ ل پەرلەمانێ کوردستانێ گۆت ژی “وەزیرێ پەروەردا ھەرێما کوردستانێ سەلاحیەت داینە رێڤەبەرێ گشتیێ پەروەردا دھۆکێ کو ئەو ل گۆرەی پێدڤی رۆژێن بێھنڤەدانێ بۆ پەروەردا دھۆکێ دەستنیشان بکەت و دھۆک ب حالەتەکێ تایبەت ھاتیە ھژمارتن”.
ئەڤرۆ:
ئەندامەکێ لیژنا خزمەتگوزاریێن گشتی ل جڤاتا پارێزگەھا دھۆکێ دیار کر کو گیروبوونا فرۆکخانا دھۆکێ گونەھەکا مەزنە د دەرحەقێ خەلکێ پارێزگەھا دھۆکێ دا ھاتیە کرن، چونکی ھەتا نھا ب تنێ ١٠% پرۆژە ھاتیە بجھئینان و گۆت “ژ نھا پێدا ئەم وەکو جڤات نەشێین دووڤچوونا پرۆژێ فرۆکخانا دھۆکێ بکەین، چونکی ژ دەستێ کارگێریا دھۆکێ ھاتیە دەرێخستن و نھا وەزارەتا پلاندانانێ سەرپەرشتیێ لێ دکەت”.
کەریم چەمانکی ئەندامێ لیژنا خزمەتگوزاریێن گشتی ل جڤاتا پارێزگەھا دھۆکێ بۆ رۆژناما ئەڤرۆ دیار کر پشتی وان وەکو لیژنا خزمەتگوزاریێن گشتی دەربارەی گیروبوون و رەوشا برێڤەچوونا کارێ پرۆژێ فرۆکخانا دھۆکێ دووڤچوون کری بۆ وان دیار بوو کو ئەگەرێن گیروبوونێ کارگێریا پارێزگەھێ بوویە، چونکی ھەتا نھا خەلکێ وان گوندان نەھاتینە قەرەبووکرن و ئەو ژی قەبوول ناکەن بەری قەرەبووکرنێ گوندێن خوە چول بکەن و ناھێلن کۆمپانیێن بجھئینەر کارێ بکەن و گۆت “پێدڤی بوو کارگێریا پارێزەھا دھۆکێ ئاریشا عەردی ل گەل خەلکی ئێکلا کربایە پاشی گرێبەست ل گەل کۆمپانیان ئیمزا کربانە”.
چەمانکی خویا ژی کر کو ئەو نابینن جھێ گونجای بیت بۆ دروستکرنا فرۆکخانێ، چونکی ئاریشا خودانێن عەردی یا مەزنە و پێدڤی گەلەک پارایە و گۆت “زێدەباری وێ ئێکێ ژی جھێ فرۆکخانێ ھەمی کەندوکورن و نەیێ راستە و ئەو ژی پێدڤی گەلەک مەزاختنێ یە ھەتا راستڤە دکەن، ھەروەسا بۆ نموونە کۆمپانی نەچار بووینە کو دو رووباران بۆ ئاڤرێژا دەڤەرێ دروست بکەن و پرا ل سەر وان رووباران دروست بکەن، کو پێدڤی گەلەک مەزاختنێ ھەیە، ل دەمەکی مەرج نینە کو ھەر فرۆکخانەکێ ئەڤ رووبارە بھێنە چێکرن”.
ئەندامێ لیژنا خزمەتگوزاریێن گشتی ل جڤاتا پارێزگەھا دھۆکێ ئاشکرا کر کو سالا (٢٠١٣) گرێبەستا چێکرنا فرۆکخانا دھۆکێ ب (٤٣٠ ملیۆن دۆلاران ل گەل ھەر دو کۆمپانیێن تورکی (ماکیۆل و جەنگیز) مۆر کریە و کۆمپانیا (ئینشون) یا کووری سەرپەرشتیا کارێ وان دکەت، ب ئاوایەکی کو ل سەر رۆبەرێ ٢٤ کیلومەترێن دوجارکی بھێتە دروستکرن و گۆت “گوندێن موقبلێ، موقبلا بنی، باستکێ، رۆکاتێ و بامێرێ ب خوەڤە دگریت”.
کەریم چەمانکی دەربارەی دەمێ پرۆژەی و رێژا بجھئینانێ گۆت “دەمێ پرۆژەی ژ ٢/٢/٢٠١٣ ھەتا تەباخا ئیسال ٢٠١٥ یە، ئانکو (٩٠٠) رۆژن و ھەتا نھا ب تنێ ٨-١٠% ھاتیە بجھئینان و نھا ژ بەر ئەگەرێن مە دیار کرین پرۆژە ھاتیە راوەستاندن و د دەمێ خوە یێ دیارکری دا ب دووماھی ناھیت”.
ناڤبری دیار کر ژی کو نھا ئەڤ پرۆژە ژ دەستێ کارگێریا دھۆکێ ھاتیە دەرێخستن و نھا وەزارەتا پلاندانانێ سەرپەرشتیێ لێ دکەت و نڤیسینگەھا خوە ل دھۆکێ ڤەکریە، داکو راستەوخۆ سەرپەرشتیا ڤی پرۆژەی بکەت، لێ ھەتا نھا چ پێنگاڤێن بەرچاڤ نەھاتینە ھاڤێتن.
ل دووماھیێ کەریم چەمانکی گۆت “ژ نھا پێدا ئەم وەکو جڤات نەشێین دووڤچوونا پرۆژێ فرۆکخانا دھۆکێ بکەین، چونکی کەفتیە د ژێر دەستێ وەزارەتا پلاندانانێ دا و ژ کڤانێ ئەرکێ جڤاتێ دەرکەفتیە، لەورا ھیڤیدارین کو ئەندامێن پەرلەمانێ کوردستانێ (لیژنێن تایبەتمەند) دووڤچوونا ڤی پرۆژەی بکەن”.
ئه‌ڤرۆ نيوز:
رێڤه‌به‌ريا گشتيا كه‌شناسيێ ل هه‌رێما كوردستانێ راگه‌هاند كو سوبه‌هى ئه‌سمان دێ ساهى بيت و ل گه‌ل هه‌بوونا هنده‌ك ئه‌ورێن كێم ل ده‌ڤه‌رێن جودا.
پشكا پێشبينيان ل رێڤه‌به‌ريا گشتيا كه‌شنايا هه‌رێمێ راگه‌هاند كو ژ ئه‌نجامێ فشارێن نزمێن ده‌ريا ناڤه‌راست بۆ سه‌ر هه‌رێما كوردستانێ ئه‌و پێشبينى دكه‌ن كو سوبه‌هى رێكه‌فتى 2015.2.24 ئه‌سمان دێ ساهى بيت و ل گه‌ل هه‌بوونا هنده‌ك ئه‌ورێن كێم ل ده‌ڤه‌رێن جودا.
رێڤه‌به‌ريا گشتيا كه‌شناسيێ ل هه‌رێما كوردستانێ ئاشكه‌را ژى كريه كو پلا گه‌رماتيێ دێ بلند بيت هه‌ڤبه‌ركى ل گه‌ل رۆژێن به‌رى نوكه ب ره‌نگه‌كى د ناڤبه‌را 16 بۆ 3 دا.
ل دۆر پێشبينيا رێژا هه‌وايى و مه‌ودايێ ديتنێ ژى دايه زانين كو دێ ئاراسته‌يێ وى باكوورێ رۆژهه‌لات بيت ب ره‌نگه‌كى دێ يێ ل سه‌رخوه و ناڤه‌ندى بيت د ناڤبه‌را 5 بۆ 20 كلم د ده‌مژمێره‌كێ دا و ماوێ ديتنێ ژى دێ د ناڤبه‌را 8 بۆ 10 كلم دا بيت.
ئه‌ڤرۆ نيوز:
نێچيرڤان بارزانى سه‌رۆكێ حوكمه‌تا هه‌رێما كوردستانێ ئاشكه‌رار كر كو بۆ دابينكرنا مووچێ فه‌رمانبه‌رێن هه‌رێما كوردستانێ 500 مليۆن دۆلار يێ ژ توركيا ئيناين.
2015.2.22 نێچيرڤان بارزانى سه‌رۆكێ حوكمه‌تا هه‌رێما كوردستانێ ل گه‌ل نوونه‌رێن كورد ل په‌رله‌مان و حوكمه‌تا عيراقێ بۆ ماوێ سێ ده‌مژمێران كۆمبوو.
هشيار عه‌بدولا، سه‌رۆكێ فراكسيۆنا گۆڕان ل جڤاتا نوونه‌رێن عيراقێ پشكه‌ك ژ ناڤه‌رۆكا كۆمبوونێ بۆ “رووداو” ئاشكه‌را كر و به‌حس ل وێ چه‌ندێ كر كو د سه‌ره‌دانا حه‌فتيا بۆرى دا بۆ توركيا، نێچيرڤان بارزانى گۆتى كو پێش وه‌خت به‌رنامه بۆ هاتبوو دانان و د وێ سه‌ره‌دانێ دا 500 مليۆن دۆلار بۆ مووچێ فه‌رمانبه‌ران ل گه‌ل خوه ئينايه.
ئەڤرۆ:
وەک رێزگرتن ل ھەمبەر خزمەت و خەباتا ھونەرمەند(گولبھار) ێ مە ب گرنگی زانی وەک بەرپەرێ ھونەریێ رۆژناما ئەڤرۆ، چەند لاپەرێن ژیانا وێ لادەین و دبیرھاتنا چەندین نھێنێن وێ بۆ خواندەڤانان دیار بکەین.
حافز مايى: من ل سەر خواستا وێ کو ئەڤیندارا کەسەکی بوو، ھەلبەستا (دلێ بێ برین ھاژ چ نەبوو) بۆ چێکر
حافز مایی، خودانێ ھەلبەستا (کەوا سپێدێ بخوینە) کەسانێن دەسپێکی و خودانێ پشکا شێری یا ھەلبەستێن (گولبھارێ)، پتر ژ (٤٠) ھەلبەستان داینێ و گۆت: ل سالا ١٩٦١ قوتابی بووم و دیسا بێژەر بووم ل رادیۆیا بەغدا وی دەمی مە ئێک دو نیاسی وی دەمی گولبھار کورس بوو، (محەمەد ئەمین ئوسمان) ھەلبەستەک دایێ وێ ئەحمەد خەلیلی ئاواز کر و ئێکەم ستران گۆت، حافزی گۆت: وی دەمی من ھەلبەست ھەبوون بتنێ من درۆژنامە و گۆڤاران دا بەلاڤەدکرن، دووڤ دا من ھەلبەستەک دایێ پەسنا وەرزێ بھارێ دکر(ئەی بھارێ پر خوناڤی) ئەحمەد خەلیلی ئاواز بۆ دانا و ئەڤە ئێکەم ھەلبەستا من بوو کریە ستران.
حافز مایی، چیرۆکا سترانا (کەوا سپێدێ بخوینە) ئاشکراکر و گۆت: قوتابی بووم ل بەغدا و شەر بوو و گەلەک ژ گوندی خەریب ببووم، ل چایخانا بەرازیلی ل جادا رەشید رونشتی بووم و ھزرا من بوو گوندی دچوو ل زارۆکینێ و دەمێ چووینە قوتابخانێ و کەوان دخواند، ئەو ھەلبەست من چێکر، بەردەوام گولبھارێ دخواستن و ژ من وەردگرت و دووڤ دا دگۆتن و بەر نیاس بوو.
حافزی نھێنیەکا گولبھارێ ئاشکراکر و گۆت: ل سەر خواستا وێ کو ئەڤیندارا کەسەکی بوو، پشتی دلێ وان ژێک مایی، ھەلبەستەک ژ من خواست و چیرۆکا خوە ڤەگێرا بۆمن و من ھەلبەستا (دلێ بێ برین ھاژ چ نەبوو) بۆ چێکر و ھەر ئەوێ ئاوازکر، پتریا ھەلبەستێن گۆتین سرۆشتی بوون، لدووماھیێ حافزی خواست ژی ئەرشیفێ گولبھارێ بھێتە پاراستن و چونکە ئەوێ خزمەت کریە و پێدڤیە ئەو خزمەت ل بەر چاڤ بھێتە وەرگرتن.
تاکە سترانبێژا کورد بوو ستران ب سەدامی و قادسیێ نەگۆتین
ھەلبەستڤان مەحفۆز مایی، چەندین ھەلبەست داینە گولبھارێ، گۆت:ڤیستەڤالەکا ھەلبەستڤانێن، گەنج ھەبوو دناڤبەرا دھۆکێ و سلێمانێ و ھەولێرێ دا و ب ھەلبەستا(بلبلۆ) شیام ببم سەرکەفتیێ ئێکێ و خەلاتی وەربگرم، مامۆستا (مەعسومم مایی) بەرنامەک ل رادیۆیێ ھەبوو بناڤێ(ھوزانڤانێن گەنج) مێھڤانکرم بەرنامەی، من و گولبھارێ وی دەمی ئێک و دو نیاسی و ئەو ھەلبەستا من حەزژێکر و من بۆ نڤیسی وێ کرە ستران و گەلەک ھەلبەستێن من گۆتن و گەلەک کرنە دو قولی ل گەل سترانبێژێ خودێ ژێ رازی عەبدولا زێرینی( نازدار چاڤێن تە دەریانە) و گەلەکێن دی.
مەحفۆزی ئاشکراکر ژی کو ل سالا ١٩٨٠ ھەلبەستەک چێکر بناڤێ(ئەی دلێ من پر برینە، تو چووی مە خودان نینە) ل سەر وەغەرکرنا رەحمەتی بارزانی بوو، مەحفۆزی ئاشکراکر ژی کو سترانبێژ گولبھار تاکە سترانبێژا کورد بوو ستران ب سەدامی و قادسیێ نەگۆتین وی دەمی رژێمێ ل سەر سترانبێژ و ھەلبەستڤانان سەپاند بوو کو ڤێت بەرھەمەک ل سەر دکتاتوری یان قادسیێ ھەبیت.
مەحفۆزی ئاشکراکر کو ھەتا ٨٠% ژ سترانێن گولبھارێ ھەلبەستێن حافز مایی بوون و ب ئەوان ھەلبەستان ھاتە پێش، دیسا سترانێن دو قولی ل گەل گەلەک سترانبێژان گۆتینە، پتری سترانێن وی ل سەر سرۆشتی و دیمەنێن کوردستانێ بووینە.
مەحفۆزی گۆتژی: نھێنیا سەرکەفتنا گولبھارێ ب سێ ئەگەران بوویە، نازکیا ھەلبەستا حافز مایی و دیسان ئاوازێن ئەحمەد خەلیلی، دیسان دەنگێ گولبھارێ ژی، گولبھار فەیرۆزا کوردانە و دڤێت سپێدەھی یا ھەموو رادیۆ گرنگیێ بدەنێ و ماوەکی بۆ دەنگێ وێ دەست نیشان بکەن.
سه‌مير زاخۆيى: هنده‌ك خه‌لكێ دهۆكێ بوونه ئه‌گه‌ر وه‌سيه‌تا وێ نه‌هێته بجهئينان
ئەڤرۆ:
بەرپرسێ میحوەرێ مەخموور و گوێر، سیروان بارزانی ، بۆ روژناما ئەڤرۆ دیار کر کو کو پێشمەرگێن ل میحوەرێ مەخمور و گوێر د ٢٤ دەمژمێراندا د ئامادەباشیێ دانە و ئاماژە دا وێ چەندێ کو ئارمانجا مە یا سەرەکی ل ڤی میحوەرێ ئەوە گوندێن کوردان رزگار کەین خۆیاکر ژی کو سەنگەرێ مە ل گەل تیرۆرستێن داعشێ زێدەتر ژ ھزار و ١٠٠ کیلۆمەترێن چارگوشەیە و رەوشا دوژمنی یا لاواز بوی وھەر ھێرشەکا کریە سەر ڤی میحوەرێ کەس ژوان نەزڤریە و دەمێ ھەر ھێرشەکێ دکەن ژی ھێزەکێ ژ جھەکی دی د ئینن، ل ھێرشا چەند رۆژێن بۆری ژی ھەموو تیرۆرستێن داعشێ مەغریبی و سوری و تونسی بوون کو ھەر ھەمان ئەو ھێز بۆ ئەوا خوە ژ گوندێن سووریێ ڤەکێشای و ھاتیە مووسلێ و گەلەک جاران ژی ھێزێن خوە ژ حەویجە یان مووسلێ دئینن، ژبەر کو ھێزێن وان یێن ل دەوروبەرێن میحوەرێ مە گەلەک یێن لاواز بووین و نەشێن بەرسینگرتنا پێشمەرگەی بگرن.
ل دۆر رۆلێ کاریگەر یێ سەروک بارزانی د شەرێ دژی تیرۆرستێن داعشێ دا و بەرگری ژ ئاخ و گەلێ کوردستانێ، سیروان بارزانی گوت” بەرھەڤبوونا سەرۆک بارزانی ل بەرەیێن شەری دل گەرمیەک و پشتگیریەکا گەلەک مەزنە بۆ پێشمەرگەی و بۆ خەلکێ کوردستانێ ژی و ورەیێن پێشمەرگەی بلند دبن دەمێ دزانن سەرۆک ب خوە یێ بەرھەڤە دناڤ شەری دا ، دیسا نوکە ھەموو جیھان سەرەدەریێ ل گەل دکەن وەکو سەروکێ وەلاتەکی ، ھەرچەندە ھەتا نوکە ئەم ھەرێمەکین سەر ب عیراقێ ڤە “.
بەرپرسێ میحوەرێ مەخموور و گوێرێ زێدەتر گوت” پێشمەرگەی پێتڤی ب ھێزێن پیادە یێن ھەڤپەیمانان نینە و ھەکە د بەرھەڤبن بۆ ھاریکاریێ یا سروشتی یە و مە پێخوەشە، لێ تەنھا ئەو تشتێ ئەم پێتڤی چەکە، چونکو ھەتا نوکە چەکێ پێدڤی نەدایە مە کو ھەموو جیھان دبێژیت پێشمەرگە مەزنترین ھێزە بەرامبەری مەزنترین رێکخراوا تیرۆرستی راوەستیای و شەری ژ پێش ھەموو جیھانێ ڤە دکەت”.
ل دۆر رۆلێ ئەمریکا د شەرێ دژی تیرۆرستێن داعشێ دا ل عیراقێ، سیروان بارزانی گوت” ھێشتا ئەمریکا بریارا شەری ب فەرمی نەدایە کو ژ لایێ کونگرێسێ ئەمریکی و سەرۆک ئۆبامای ڤە بھێتە دەرکرن، بەلکو ئەوا ئەمریکا نوکە دکەت ب تنێ پرۆسەیە و ئەو پرۆسە ژی ھاریکاریەکا مەزنە بۆ ھێزێن پێشمەرگەی”.
ناڤبری دیار کر کو پشکداریا پێشمەرگەی د پرۆسا رزگارکرنا مووسلێ دا بریارەکا سیاسی یا سەرکردایەتی یە و ھێشتا نەھاتیە دان کو پشکدار ببین یان نە ، بەلێ ھەکە پێشمەرگە و لەشکرێ ئەمریکی پشکداریێ د پرۆسەیا رزگارکرنا مووسلێ دا نەکەن و تنێ ھێزێن عیراقێ پشکداریێ بکەن، وی دەمی کونترۆلا مووسلێ ناھێتە کرن و ناھێتە رزگارکرن ژ دەستێن تیرۆرستێن داعشێ “.
سیروان بارزانی ئاماژە دا وێ چەندێ کو مە ھاریکاریا بەغدا یا کری، لێ ب چو رەنگەکی بەغدا ھاریکاریا مە نەکریە، دو فەوجێن بەغدا ل دەوروبەرێن مووسلێ بوون ئەو ژی ھاتبوونە ڤەکێشان، لێ یێن کورد مابوون و نەھاتبوونە ڤەکێشان و نوکە ل میحوەرێ مە پتر ژ سێ مەھایە ھەموو ئەو پێدڤییێن لەشکری مە یێن بۆ وان دابینکرین”.
نيشاندان