ئه‌ڤرۆ نیوز:
وێنه و ڤیدیو: پاقژكرنا كوبانێ ژ ته‌رمێن داعش
نووترين نووچه
- هیڤیدارین ئەنجامێن هەلبژارتنان د خزمەتا ڤەژاندنا هەرێمێ دا بن
- پێدڤییە وەلاتی ژ ململانێیا هەرێمی دووربێخین
- كۆمبوونا مەسرور بارزانی و سۆدانی دێ ئەنجامێن باش هەبن
- سەرۆكێ هەرێما كوردستانێ و قونسلێ ئەلمانیا پێكئینانا حوكمەتا هەرێمێ گەنگەشەكر
- نێچیرڤان بارزانی پێشوازی ل قونسلێ مسرێ كر
- مەسرور بارزانی بۆ سۆدانی: پێدڤییە مووچە ژ ناكۆكییا سیاسی بهێتە دوورئێخستن
- گۆتن و کریارێن دەستهەلاتێ ل دۆر پرسا کوردی گەلەک ژێک دوورن
- سەرۆك بارزانی: دانیێل میتێران رۆلەكێ گەلەك مەزن د بەرگریكرنێ ژ دۆزا گەلێ كورد دا هەبوو
- نێچیرڤان بارزانی: پێکڤە دێ شێین روو ب روویێ گوهۆڕینا سەقای بین
- پێدڤییە سەرژمێری بۆ مەبەستێن سیاسی نەهێتە بكارئینان
سه‌ره‌كى Twitter
ده‌ستێ خوه بۆ ترۆمبێله‌كێ بلندكر، سه‌رۆكێ وه‌لاتێ وی بۆ راوه‌ستیا
ئه‌ڤرۆ نیوز، ڤه‌ده‌ر سوبحى
ئه‌ڤ تشته بزه‌حمه‌ت روو دده‌ت كو تو ده‌ستێ خوه بۆ ترۆمبێله‌كێ بلند كه‌ی ئێك راوه‌ستیت و ته بگه‌هینیته جهێ ته دڤێت و ده‌ركه‌ڤیت سه‌رۆكێ وه‌لاتێ ته.
لێ كه‌سه‌كی ل وه‌لاتێ ئوروگوای خوه د ترۆمبێلا سه‌رۆك كومارێ وی وه‌لاتی و هه‌ڤژینا وی خاتینا ئێكێ یا وه‌لاتی دا دیت ده‌مێ راوه‌ستیاین دا هاریكاریا وی بكه‌ن.
گێرالد ئه‌كوستا ده‌مێ ژ كارێ خوه ڤه‌دگه‌ریا به‌ره‌ڤ مال دچوو ده‌ستێ خوه بۆ پترى ده‌هـ ترۆمبێلا بلندكر كه‌س بۆ نه‌راوه‌ستیا لێ ل دووماهيك ئێك راوه‌ستیا و حێبه‌تی ما ده‌مێ زانی سه‌رۆكێ وه‌لاتی یه دگه‌ل هه‌ڤژینا خوه.
داعش 400 خێزانێن توركمان ل مووسل بێ سه‌روشوین دكه‌ت
ئه‌ڤرۆ نیوز،بارزان سلێمان مزوورى
به‌رپرسێ لقا 14 ل مووسل ،عصمت ره‌جه‌ب، بۆ ئه‌ڤرۆ نیوز دیار كر كۆ چه‌كدارێن تیرورستێن داعش 400 خێزانێن توركمان ل ناڤ باژێرێ مووسل ده‌سته‌سه‌ركرن و بو جهه‌كى دویر ژ باژێرى ڤه‌گوهاستن .
ناڤبرى دیار كر كۆ پرانیا وان ژن و زارۆ بوون، زه‌لام د ناڤ وان دا دكێم بوون وگوت: حه‌تا نوكه چاره‌نڤیسێ وان یێ به‌رزه‌یه.
داعش دێره‌كا مه‌سیحیان ل مووسل په‌قاند
ئه‌ڤرۆ نیوز، بارزان مزوورى
ژێده‌ره‌ك ژ رێكخراوا چه‌كدارێن ئازاد ل ناڤ باژێرێ مووسل بۆ ئه‌ڤرۆ نیوز دیار كر كۆ ئه‌ڤرو ئیڤارى چه‌كدارێن تیرورستێن داعش دێرا مه‌سیحیان یا بناڤێ “العزرا” ل تاخێ ته‌میم ل ناڤ باژێرێ مووسل په‌قاند.
ژێده‌رى دیار كر به‌رى حه‌فتیه‌ك بوو ئه‌و دێر هات بو TNT كرن و كه‌ل و په‌لێن دناڤ دا ژى هه‌مى بو جهه‌كى دى هاتبوونه ڤه‌گوهاستن.
ل تلكێف 22 داعشێن بیانى هاتنه كوشتن
ئه‌ڤرۆ نیوز،بارزان مزوورى
ژێده‌ره‌ك ژ رێكخراوا چه‌كدارێن ئازاد ل ناڤ باژێرێ مووسل بۆ ئه‌ڤرۆ نیوز دیار كر كو ئه‌ڤرو ئیڤارى 22 ته‌رمێن داعش یێن ره‌گه‌ز بیانى گه‌هشتنه نه‌خوشخانه‌یا مووسل یا گشتى كو چ ژوان عێراقى نه‌بوون.
ناڤبرى دیار كر كو ئه‌و ته‌رمێن داعش یێن بوردومانێن ئه‌ڤرۆ سپێدێ بون ده‌مێ فروكه‌یێن هه‌ڤپه‌یمانان باژێرێ تلكێف بوردومان كرى ئه‌و داعش مژیلى دارێشتنا پلانێن نووى بوون.
مه‌لا ئێحسان به‌حسێ خێرا رۆژه‌كا پێشمه‌رگه‌ى د به‌رۆكێن شه‌رى دا دكه‌ت
ئه‌ڤرو 21/2/2015 شانده‌كێ لقێ دهوك یێ ئیكه‌تیا زانایێن ئایینێ ئیسلامێ سه‌ره‌دانا به‌روكێن شه‌رى كرن ل ناحیا (وانكێ) .
سه‌رۆكێ ئێكه‌تیا ماموستایێن زانایێن ئاینی ئیسلامێ لقێ دهۆكێ مه‌لا ئیحسان بو ئه‌ڤرۆ دیاركر سه‌ره‌دانا مه ووره بلندكرن بوویه بو پێشمه‌رگه‌ى و ژكه‌ڤندا شوره‌شێن كوردان هه‌ر مه‌لا پێشه‌وابووینه و سه‌رپه‌رشتیا شوره‌شان دكر، ئه‌ڤرۆ پشته‌ڤانێن پێشمه‌رگه‌یێن قاره‌مانین، ئه‌گه‌ر پێدڤی بكه‌ت دێ چینه به‌رۆكێن شه‌ری.
ملا ئحسان رێكانى ئاماژه پێدا كو ئه‌و ئاماده‌نه بو هه‌ر شێوه‌كى بیت هاریكارى وخزمه‌ت كرنا پێشمه‌رگه‌ى بكه‌ن و به‌رهه‌ڤن كو ووتارخینێن دهوكێ هه‌مى بهێنه چه‌په‌ران وه‌ك ده‌وامه‌ك ژبو به‌رزكرنا وورا پێشمه‌رگان ودیاركرنا پیروزیا ئه‌ركێ وانا دژى دژمنێن ئیسلامێ وهه‌ر شه‌ڤه‌ك و روژه‌كا پێشمه‌رگه‌ى د چه‌په‌راندا بخێرتره ژعباده‌ت و تاعه‌تێ هه‌مى گوتارخینان.
2025 ئێكه‌م زارۆ دێ ل مه‌ریخێ ژ دایك بیت
كچه‌كا بریتانی دڤێت ئیكه‌م زارۆكێ وێ ل مه‌ریخێ ب بیت و ب بیته حه‌وایا ئه‌وێ هه‌ساره‌یی و جودا ژ دایكێن دی .
كاجیێ لیو 24 سال كچه‌كا وه‌لاتێ بریتانیایه ل زانكویا بیرمه‌نگهام و دكتورا ل پشكا ئه‌تسێرناسیێ دخوینیت و ئیكه ژ ئه‌وان پێنج به‌ربژارێن بو ژیانێ ل سه‌ر مه‌ریخێ .
لیو خوشحاله ب ئه‌وێ چه‌ندێ كو ئیكه ژ ئه‌وان پێنج به‌ربژاران بو ژیانێ ل سه‌ر مه‌ریخێ هاتیه دیاركرن ژ ته‌ڤایا 660 كه‌سان و هیڤیا وێ ئه‌وه ئێكه‌م زارۆكی وێ ل سه‌ر ئه‌وێ هه‌ساره‌یێ بهێته دونیایێ و ب بیته حه‌وایا مه‌ریخێ.
بریاره ل 2025 ده‌ست ب ڤێ پرۆسیسێ بكه‌ن لیو ژی ئێكه‌كه ژ ئه‌وان به‌ربژاران خو به‌رهه‌ڤ دكه‌ت به‌لێ جوداكرنا وێ جوایه كو دێ ب دوگیانی ڤه چیته وێرێ.
په‌روه‌ردێ ل دۆر گێرانا سه‌یرانێن قوتابیان بریارا خوه دا
ئه‌ڤرۆنیوز، هه‌رهین محه‌مه‌د:
عه‌بد یوسف رێڤه‌به‌رێ گشتیێ په‌روه‌ردێ ل پارێزگه‌ها دهۆكێ بۆ ئه‌ڤرۆ نیوز دیاركر كو ژبه‌ر كاودانێن هه‌رێما كوردستانێ تێدا ده‌رباز دبن، ل دووڤ بریاره‌كا ئه‌نجوومه‌نێ وه‌زاره‌تا په‌روه‌ردێ یا حوكمه‌تا هه‌رێما كوردستانێ، ئه‌ڤ ساله سه‌یرانێن قوتابیان ناهێنه گێران.
عه‌بدى هێشتا ژى گۆت: وه‌كو هه‌رسال ژ به‌ركو مه گه‌له‌ك شه‌هید داینه و بابێن گه‌له‌ك قوتابیان شه‌هیدن، نابیت هنده‌ك قوتابى بچن و هنده‌ك ژى نه‌چن و هه‌موو په‌روه‌ردێن قه‌زا ل سه‌ر ڤێ بریارێ هاتینه ئاگه‌هداركرن و دیسان قوتابخانه ژى ب ڤێ چه‌ندێ د ئاگه‌هدارن.
رێڤه‌به‌رێ گشتیێ په‌روه‌ردێ ئه‌وچه‌نده ژى گۆت: سالانه د هه‌یڤا ئادارێ دا سه‌یرانێن قوتابیان ده‌ستپێ دكرن وهه‌تا پشتى جه‌ژنا نه‌ورۆزێ ژى سه‌یرانێن قوتابیان د به‌رده‌وام بوون بۆ ماوێ هه‌یڤه‌كێ ده‌رفه‌ت دهاته دان بۆ قوتابیان بچنه سه‌یرانان.
سوبه مووچێ ماموستایان دێ هێته به‌لاڤكرن
ئه‌ڤرۆ نیوز:
ئه‌حمه‌د عه‌بدولره‌حمان په‌یڤدارێ نوو یێ وه‌زاره‌تا دارایى و ئابوورى راگه‌هاند وه‌زاره‌تا دارایى سبه ئێكشه‌مبى، دێ ده‌ست ب به‌لاڤكرنا مووچێ ماموستایێن ده‌وروبه‌رى پارێزگه‌هێن هه‌ولێر و سلێمانى و دهۆك ( ئانكو ل ناحى و قه‌زایان) هێته كرن كو دێ دو رۆژان ڤه‌كێشیت و قوناغا دوێ ژى ماموستایێن ناڤ سه‌نته‌رى دێ مووچه‌ى وه‌رگرن.
ژبه‌ر ڤی ئه‌گه‌ری ئوردن ئێدی جلكێن پرته‌قالی بۆ كرێكارێن خوه بكارنائینیت
ئه‌ڤرۆ نیوز: ڤه‌ده‌ر ره‌شاڤایی:
باژێرڤانیا باژێرێ عه‌مانێ پایته‌ختێ ئوردنێ لبه‌ره ئێدی ره‌نگێ پرته‌قالی بكارنه‌ئینیت و جلوبه‌رگێن پرته‌قالی كو ژئالێ كرێكارێن وی وه‌لاتی ڤه دهێنه لبه‌ر كرن بگۆهریت، ئه‌ڤه ژی پشتی سۆتنا فرۆكڤانێ ئوردن ژ ئالیێ داعش ڤه.
باژێرڤانیا عه‌مانێ دا خویاكرن كو ژبه‌ركو جلوبه‌رگێن وه‌كهه‌ڤ یێن پرته‌قالی بوویه سیمبۆله‌ك گرێدایی رێكخراوا داعش كو بۆ ده‌سته‌سه‌ركریێن خوه بكار دئینیت، وان لبه‌ره ڤی ره‌نگی بگوهرن د جلكێن 4,600 كرێكارێن خوه دا.
پشتی موعاز ئه‌لكه‌ساسبه فرۆكڤانێ ئوردنی د جلكێن پرته‌قالی دا هاتیه سوتن ژ ئالێ تیرۆرستێن داعش ڤه ، جلكێن كاری یێن ره‌نگ پرته‌قالی نه‌شرین بوویه لده‌ڤ پرانیا خه‌لكێ ئوردنێ .
تێ زانین داعش جلكێن پرته‌قالی لبه‌ر ده‌سته‌سه‌ركریێن خوه دكه‌ت به‌ری وان برێیێن هۆڤانه ل سێداره بده‌ت .
نيشاندان
WP Facebook Auto Publish Powered By : XYZScripts.com