رێڤه‌به‌ريا كه‌شناسى و بيڤه‌له‌رزان ل هه‌رێما كوردستانێ دياركر كو ئه‌ڤرۆ ل هنده‌ك ده‌ڤه‌رێن باشوورێ كوردستانێ به‌فر باريه و هه‌تا نوكه يا به‌رده‌وامه.
رێڤه‌به‌ريا كه‌شناسى و بيڤه‌له‌رزان ل هه‌رێما كوردستانێ دياركريه كو ل كانى ماسێ، ئامێديێ، سەرسنك و زاوێتە يا سه‌ر ب پارێزگه‌ها دهۆك و حاجی ئۆمەران، چۆمان، چیای كۆڕەك، ره‌واندوز و پیرمام ل سنوورێ پارێزگه‌ها هەولێر، چيايێ گۆیژە يا سنوورێ پارێزگه‌ها سلێمانيێ بەفر يێ دباريت.
فوتو: هونه‌ر ئامێدى
ئه‌ڤرۆ نيوز:
پشتى سێ هه‌يڤان ژ ڤه‌قه‌تيانێ ژ ياريگه‌هان ژ ئه‌گه‌رێ هنگاڤتنێ، دوهى بۆ جارا ئێكێ لوكا مودريج ياريكه‌رێ ريال مه‌دريد پشكدارى د مه‌شق و راهێنان دا كر.
يانا ريال ژى ب فه‌رمى د مالپه‌رێ خوه يێ ئه‌نته‌رنێتێ دا به‌حسێ ڤه‌گه‌ريانا مودريج بۆ مه‌شڤێن ب كوم كريه و ب ده‌نگوباسه‌كێ خوه‌ش وه‌سف كريه.
نوكه هه ئێك ژ سێرجیۆ رامۆس و، سامی خزێرە و، جەیمس رۆدریگیزو، فابیۆ كوینتراو، چاره‌سه‌ريا وه‌ردگرن و هاتينه هنگاڤتن.
ئه‌ڤرۆ نيوز:
به‌رپرسه‌كێ پله بلند يێ فه‌رمانده‌يا ناڤه‌نديا هێزێن ئه‌مريكى رادگه‌هينيت كو 20 بۆ 25 هزار سه‌ربازێن عيراقێ د به‌رهه‌ڤن بۆ كونترولكرنا باژێرێ مووسل د ناڤبه‌را هه‌يڤا 4 و 5 يا ئه‌ڤ ساله‌دا.
وى به‌رپرسى كو ناڤێ خوه ئاشكرانه‌كريه راگه‌هانديه كو پروسا كونترولكرنا مووسل د پێشڤه‌چوونێ دايه و هێزێن عيراقى دێ پلانێ دانن و ل گه‌ل هاتنا هه‌يڤا ره‌مه‌زانا ئه‌ڤ ساله مووسل دێ ب تمامى هێته كونترولكرن و پاقژكرن ژ داعش.
وى به‌رپرسى گوتيه: نێزيكى هزار هه‌تا دو هزار چه‌كدارێن داعش دناڤ مووسل دا هه‌نه.
ئه‌ڤرۆ نیوز، ڤه‌ده‌ر ره‌شاڤايى
كه‌نالێ سكای نیۆز یێ بریتانی راپۆرته‌ك به‌لاڤ كریه لسه‌ر سه‌ربازه‌كێ بریتانی یێ 19 سالی كو بنگه‌هێ خوه یێ سه‌ربازی ل بریتانیا هێلایه و بۆ كوردستانێ گه‌شت كریه دا بگه‌هیته رێزێن پێشمه‌رگه ل هه‌رێما كوردستانێ و شه‌ری دژی داعش بكه‌ت.
ڤی سه‌ربازی كو ناڤێ وی نه‌هاتیه ئاشكرا كرن برێیا نامه‌كێ خێزانا خوه ئاگه‌هداركریه كو ئه‌و یێ ژ بریتانیا ده‌ركه‌ڤتی دا بگه‌هیته رێزێن هێزێن پێشمه‌رگه‌ی و دێ ساله‌كێ ل هه‌رێما كوردستانێ بوورینیت.
ژ ئالێ خوه ڤه په‌یڤداره‌كێ وه‌زاره‌تا به‌ره‌ڤانیا بریتانیا خویاكر كو ئه‌و هایدارن ژ ڤان راپۆرتان و دێ لێكولینا لسه‌ر كه‌ن.
تێ زانین وه‌زاره‌تا پێشمه‌رگه به‌روه‌خت راگه‌هاندبوو كو گه‌له‌ك كه‌سێن بیانی داخاز كریه شه‌ری بكه‌ن دناڤ هێزێن پێشمه‌رگه‌ی دا دژی داعش.
ئه‌ڤرۆ نيوز:
خسرۆ گۆران سه‌رۆكێ فراكسيونا پارتى ديموكراتى كوردستان ل ئه‌نجومه‌نێ نوێنه‌رێن عيراقێ رادگه‌هينيت كو بريارا ڤه‌كێشانا ئه‌ندامێن كورد ل جڤانا نوونه‌رێن عيراقێ ژ به‌غدا د ده‌ستێ سه‌ركردايه‌تيا سياسى يا كوردى دايه و گۆت: پرسا به‌روه‌خت يا خوه‌ڤه‌كێشانا كوردان ژ ئه‌نجومه‌نێ نوێنه‌ران وه‌كو سوننان، هێش بريار ل سه‌ر نه‌هاتيه دان، ژبه‌ر كو هێشتا دانوستاندنێن مه ل گه‌ل به‌غدا نه‌گه‌هشتينه خالا دووماهيێ و ل رۆژێن بورى هه‌موو ئه‌ندامێن كورد ل به‌غدا و وه‌زير ل گه‌ل سه‌رۆكێ حوكمه‌تا هه‌رێمێ كومبووين، ئه‌گه‌ر هه‌يه رۆژا دووشه‌مبى جاره‌كادى كوم ببينه‌ڤه.
ئه‌ڤرۆ نیوز:
نێچیرڤان بارزانى سه‌رۆكێ حكومه‌تا هه‌رێما كوردستانێ و شاندێ ل گه‌ل دا، ل ئه‌نقه‌ره ژ ئالیێ ئه‌حمه‌د داود ئوغلو سه‌رۆك وه‌زیرێن توركیا هاته پێشوازیكرن.
د كومبوونه‌كێ دا هه‌ردو ئالیان به‌حسێ په‌یوه‌ندیێن هه‌رێما كوردستانێ و توركیا و شه‌رێ دژى داعش و پێشڤه‌چوونێن پێشمه‌رگه‌ى و شكه‌ستنێن تیرورستان كرن، دیسا هه‌ردو ئالیان به‌حسێ به‌ره‌ڤ پێشبرنا په‌یوه‌ندیێن هه‌رێم و توركیا كرن، ب تایبه‌ت بیاڤێ وزێ و ئابوورى و بازرگانى دا.
ئه‌ڤرۆ نیوز:
ئیرانێ ژبه‌ر فشارێن جڤاكێ نێڤده‌وله‌تى و رێكخراوێن تایبه‌ت ب مافێن مروڤى، سزایێ سێداره‌دانا كورده‌كێ رۆژهه‌لاتا كوردستانێ راگرت كو بریاربوو ئه‌ڤرۆ سێداره بده‌ن، به‌لێ هێشتا یا دیار نینه كانێ دێ ئیران بریارا سێداره‌دانا وى گوهۆرن یان دێ هه‌لوه‌شینن يان دێ جارێ پاشئێخن، به‌رپرسێن زیندانێ گوتینه خێزانا ڤى گه‌نجێ كورد كو سزایێ سێداره‌انا وى ئه‌ڤرۆ نه‌هاته بجهئینان.
زێده‌تر پێزانینان د ڤى لینكى دا بخوینن
ئەڤرۆ نیوز،زنار توڤی:
ئەڤرو 19.2.2015 دەریاڤانێن وەلاتێ ئسرائیلێ ل دەمێ لدویف شونەوارێن کەڤن د گەریان،مەزنترین گەنجینەیا زێری یا ل سەر دەمێ دەولەتا فاتمی دبینن.
دەریاڤانان ل کەنارێن ئسرائیلێ نزیکی دوو هزار پارچەیێن پارەیێ زێری دیتن،کو بەری هزار سالان کەفتبوونە بنێ دەریایێ ل نێزیک کەنارێن وی وەلاتی.
زانایێن شونەوارناسیێ وەسا دیار دکەن،کو ئەو پارچێن زێری ل سەر بەلەمەکێ بوون و یێن وەرگرتنا باجێ بوون و هاتبوونە کومکرن،ل سەردەمێ خەلافەتا دەولەتا فاتمی ل مسرێ یێن بن ئاڤ بووین،هەروەسا لێگەریان لدویف گەنجینەیێن زێری دبەردەوامن ب ئومێدا وێ چەندێ کو تشتێن زێدەتر ئاشکەرا بکەن.
ئه‌ڤرۆ نيوز:
ئه‌ڤرۆ نێچيرڤان بارزانى سه‌رۆكێ حوكمه‌تا هه‌رێما كوردستانێ ل گه‌ل ره‌جه‌ب ته‌يب ئه‌ردوگان، سه‌رۆك كومارێ توركيا كومبوو و هه‌ردرو ئاليان رژدى ل سه‌ر گرنگيا پروسا ئاشتى و چاره‌كرنا پرسا كوردى ل توركيا كر و سه‌رۆكێ حوكمه‌تا هه‌رێما كوردستانێ ژى پشته‌ڤانيا خوه بۆ سه‌ركه‌تنا پروسا ئاشتيێ و چاره‌كرنا وێ دووپات كر.
ئه‌ڤرۆ نيوز:
هاشم ئه‌لهاشمى شاره‌زايێ وارێ ئه‌منى و بسپۆر ل ناڤه‌ندا نه‌هره‌ين كو سه‌ر ب شيره‌تكاريا ئاسايشا نشتيمانى يه، بۆ شه‌رقولئه‌وسه‌ت گۆت: “پتريا ئه‌و نشته‌رگه‌ريێن نوكه ل باشوورێ مووسل ل گه‌ياره دهێنه كرن و د بن ده‌ستێ داعش داعش دانه ئه‌ون يێن سزايێ كوشتنێ ل سه‌ر و به‌رى بكوژن، خوين و ئه‌ندامێن له‌شێن وان ژێ وه‌ردگرن و بازرگانيێ پێ دكه‌ن”.
پێشتر ژى د راگه‌هندنه‌كێ دا كو به‌رى دو رۆژان بالوێزێ هه‌رده‌مى يێ عيراقێ ل UN محه‌مه‌د عه‌لى حه‌كيم د كۆمبوونا جڤاتا ئاسايشا نێڤده‌وله‌تى دا ئاماژه ب وێ چه‌ندێ كربوو كو داعش يا ده‌ست ب بازرگانيكرنا لاشێ مرۆڤان كرى.
ئه‌ڤى شاره‌زايێ ئه‌منى ئاماژه ب وێ چه‌ندێ ژى كر كو پتريا ئه‌ڤ نشته‌رگه‌ريێن ژ ڤى ره‌نگى يێ ژ لايێ داعش ڤه دهێنه ئه‌نجام دان ئه‌ون يێن ل باژێرێ مووسل.
نيشاندان