ئه‌ڤرۆ نيوز، ڤه‌ده‌ر ره‌شاڤای:

هونه‌رمه‌ند و سترانبێژا بریتانی یا ناڤدار لێلی ئه‌لن چه‌ندین نامه‌ به‌لاڤ كرن تێدا لسه‌ر ناڤێ گرۆپا تیرورستیا داعش گه‌فێن سه‌ربرینێ ژێ هاتینه‌كرن.

ئه‌لن لسه‌ر په‌یجێ خوه‌ ئه‌و نامه‌ نیشاندانه‌ كو تێدا چه‌ند كه‌سه‌ك خوه‌ ب ئه‌ندامێن داعش ده‌نه‌ نیاسین و گه‌فان لێدكه‌ن كو ده‌ستدرێژیێ بكه‌نه‌ سه‌ر و وێ سه‌رببرن.
سترانبێژا بریتانی خویاكر كو ئه‌و چ پیته‌ی ب ڤان نامان ناده‌ت و چێدبیت ڤان كه‌سێن نه‌خۆش ژمارا موبایلا وێ ژ هاككرنا په‌یجێ سترانبێژا ئه‌مریكی تایلۆر سویفت وه‌رگربیت كو به‌ری چه‌نده‌كێ په‌یجێ وێ هاتبوو هاك كرن.

ئه‌ڤرۆ، یوسف موسـا:
سوبه‌هى دادگه‌ها تێهه‌لچوونا دهۆكێ دووماهى بریار دێ ل سه‌ر كه‌یسا بریندار بوونا به‌رپرسێ سه‌ندیكا هونه‌رمه‌ندێن كوردستانێ لقێ زاخۆ ده‌رئێخیت، كو به‌رى شه‌ش هه‌یڤان ب گرانى بریندار ببوو.
مه‌هدى مونیر به‌رپرسێ سه‌ندیكا هونه‌رمه‌ندێن كوردستانێ لقێ زاخۆ بو ئه‌ڤرۆ نیوز ئاشكرا كر ب ئه‌و ب چو شێوه‌یه‌كێ ژ بكه‌رێ تاوانا خوه‌، نه‌بوورى یه‌، و ل نیاز نینه‌ لێ ببووریت ژى و گۆت: دێ چاڤه‌رێ بڕیارا دادگه‌هێ كه‌ین.
ل 23/8/2014 و ل ده‌مژمێر 8:12 ب شه‌ڤ ژلایه‌كێ كه‌سه‌كێ ڤه‌ د باره‌گایێ تیپا زاخۆ یا هونه‌رى ڤه‌ (مه‌هدى مونیر) كو وى ده‌مى به‌رپرسێ تیپێ بوو ب كێران هاتبوو برینداركرن.