ئه‌ڤرۆ نيوز:
رێڤه‌به‌ريا چاڤدێريا بازرگانى راگه‌هاند كو ئه‌ڤرۆ رێكه‌فتى 2015.2.15 بهايێ دراڤى ل بازارێن پارێزگه‌ها دهۆكێ ب ڤى ره‌نگێ ل خوارێ يه:
| 1 دولارێ ئه‌مريكى | 1243 |
| 1 يۆرۆيێ ئه‌ورۆپى | 1410 |
| 1 ليرێ توركى | 500 |
نووترين نووچه
- مە بزاڤێن مەزن یێن كرین گرنگییەكا تایبەت ب كەرتێ چاندنێ و پیشەسازییا خوارنێ بدەین
- هیچ ئالییەكێ سیاسی نەشێت چاوانییا پەیوەندیێن د ناڤبەرا بەغدا و هەولێرێدا دیار بكەت
- تمامبوونا جۆتسایدێ شێخان – لالش، دێ ئاسانكارییەكا مەزن بۆ سەرەدانكەرێن لالش كەت
- نەخوەشخانەیا پەنجەشێرێ ب ئاست و كوالێتییەكا بلند دێ كەڤیتە د خزمەتا وەلاتییاندا
- پەرلەمانتارەك: ئەمریكا و ئۆپێك فشارێن ل ئیراقێ دكەن بۆ هنارتنا پەترۆلا هەرێما كوردستانێ
- ل نێزیك پارتی دێ بارەگەهێ مەكتەبا رێكخستنێ ل كەركووكێ ڤەكەت
- دەلیڤەیا سەختەكاریێ ب رێكا تەكنەلۆژیایێ یا هاتیە كێمكرن و دەنگ ب دەستی ژی دێ هێنە هەژمارتن
- پێدڤییە نیازپاكی و ئیرادەیەكا راستەقینە بۆ چارەسەركرنا كێشەیان هەبیت
- پێدڤییە هەوا هەلبژارتنان د سەقایەكێ ئازاد دا و دوور ژ گرژیێ بهێنە ئەنجامدان
- مەسرور بارزانی: ب هێزبوونا پارتی ب هێزبوونا كوردستانێیە
سهرهكى Twitter
ب وێنه: شاهجوانا كوردستانێ وێنێن خوه د مه‌له‌ڤانگه‌هێ دا به‌لاڤ دكه‌ت
ئه‌ڤرۆ نيوز:
داليا رێبوار شاهجوانا ئه‌نترنێتێ پشكداريا ئاهه‌نگه‌كا هه‌ڤژينێ ل باژێرێ ستوكهۆلۆم يێ سويد كريه و چه‌ندێ وێنێن خوه د مه‌له‌ڤانگه‌ها ئۆتێلا گران يا وى باژێرى دا به‌لاڤ كرينه.
به‌رى نوكه ژى ب مه‌ره‌ما پشكداريكرن د شاهجوانيا ئه‌نترناشيۆنال دا ب جلكێن پكينى ده‌ركه‌فت بوو و خه‌لكى گه‌له‌ك گازنده ژێ كربوون.
داليا رێبۆرا وه‌كو شاهجوانا ئه‌نترنێتێ ل كوردستانێ بۆ سالا 2013 هاتيه ده‌ستنيشانكرن و ژ به‌ر ره‌وشا ئه‌منى ل سالا 2014 ئه‌ڤ به‌ريكانه نه‌هاتيه كرن، ژ به‌ر هندێ ژى ئه‌ڤ ناسناڤه بۆ مايه هه‌تا دووباره ئه‌ڤ به‌ريكانه دهێته كرن.
ژێده‌ر: خه‌لك
کومپانیەکێ وەزارەتا پەروەردێ خاپاند
ئەڤرۆ نیۆز، قەیس ئیسماعیل:
ماوێ پتر ژ شەش ھەیڤانە کۆمپانیەکی زێدەتری دو ھزار تەختێن خواندنێ داناینە د بن بەنگە و ھولێن پەروەردێن سێمێل و ئامیدیێ ڤە و ھەتا نوکە پەروەردا چو موفا ژێ وەرنەگرتیە.
عەبد یوسف، رێڤەبەرێ گشتیێ پەروەردا پارێزگەھا دھۆکێ دیارکر کو وەکو پەروەردا پارێزگەھا دھۆکێ وان ٥٠ ھەتا ٦٠ ھزار تەختێن خواندنێ داخواز کرینە و تنێ پەروەردێن سێمێل و ئامێدیێ وەرگرتینە و یێن دی ھاتینە رەتکرن ژ لایێ وەزارەتێ، پشتێ ل دووڤ وان ساخلەتا نەھاتینە چێکرن یێن د گرێبەستێ دا ھاتنە نیشادان بۆ وەزارەتێ و گۆت: “لەوا ھاتنە رەتکرن و ئەڤە مافەکێ قانوونی یێ وەزارەتێ یە”.
ناڤبری دیارکر کو نوکە کەنگەشە د ناڤبەرا وەزارەتێ و وێ کۆمپانیێ دا دھێتە کرن بۆ راستڤەکرنا گرێبەستێ ل دووڤ ئەو ساخەلتێن دەسپێکێ ھاتینە دەستنیشانکرن بۆ وان تەختا و بۆ ڤێ مەرەمێ، وەزیری پەروەردێ لژنەک یا دورستکری بۆ دیارکرنا باشترین چارەسەری بۆ ڤێ بابەتی چونکو وێ کۆمپانیێ وەزارەت یا خاپاندی و ل دووڤ وان نمونێن دەسپیکێ تەختێن خواندنێ نە ئیناینە.
هێزێن سونه پشكداريا خوه ل جڤاتا نوونه‌ران راگرت
هه‌ڤپه‌يمانيا هێزێن نشتيمانى و هه‌ڤپه‌يمانيا نشتيمانى و چه‌ند په‌رله‌مانتارێن سونه ل جڤاتا نوونه‌رێن عيراقێ كارێن خوه راوه‌ستاندن وه‌كو نه‌رازيبوون ل سه‌ر كوشتنا سه‌رۆكێ عه‌شيره‌تا جونابى و ره‌ڤاندنا ئه‌ندامه‌كێ په‌رله‌مانى يێ سونى ل شه‌ڤا ئه‌ينى.
پشتى چه‌ند چه‌كدارێن نه‌نياس كاروانێ ترۆمبێلێن په‌رله‌مانتار زياد جنابى راوه‌ستاندين كو مامێ وى ژى شێخ قاسم ل گه‌ل بوو ب مه‌ره‌ما پشكنينى ل باشوورێ به‌غدا، شێخ قاسم جنابى و كوڕێ وى محه‌مه‌د ب فيشه‌كان هاتنه كوشتن ل گه‌ل شه‌ش ژ زێره‌ڤانێن وان ب كێمى و زياد جنابى ره‌ڤاند و پاش پشتى ماوه‌كى ئه‌و به‌ردا.
وه‌زاره‌تا ناڤخۆ ژى راگه‌هاند كو ئه‌و دێ ڤه‌كۆلينێ د كێشێ دا كه‌ن، به‌لێ ئه‌ڤه گه‌له‌ك بۆچوونان ل پاش خوه دهێليت ب تايبه‌ت پشتى د ماوێ بۆرى دا هێزێن ئێمناهيێ ل ناڤ به‌غدا هاتينه كێمكرن و ب شه‌ڤ رێ ب هاتنوچوونێ هاتيه دان ل ناڤ باژێرى.
ئه‌حمه‌د مه‌سارى د به‌ياننامه‌كێ دا، ژ هه‌ڤپه‌يمانيا هێزێن نشتيمانى و هه‌ڤپه‌يمانيا نشتيمانى راگه‌هاند كو ئه‌وان پشكداريا خوه د جڤاتا نوونه‌رێن عيراقێ دا ژ ئه‌ڤرۆ و پێڤه هه‌لپسارد.
ئه‌ندامێن په‌رله‌مانى ديار دكه‌ن كو ئه‌ڤه دێ هه‌موو ئه‌ندامێن په‌رله‌مانى ب خوه ڤه گريت كو هژمارا وان دگه‌هيته 75 ئه‌ندامان كو هنده‌ك ئه‌ندامێن شيعه ژى د ناڤ دانه.
ره‌وشا سه‌قايێ سوبه‌هى
ئه‌ڤرۆ نيوز:
رێڤه‌به‌ريا گشتيا كه‌شناسيێ ل هه‌رێما كوردستانێ راگه‌هاند كو سوبه‌هى ئه‌سمان دێ ژ چه‌ند ئه‌وره‌كێن كێم بۆ ئه‌ورێ ته‌مام هێته گوهۆڕين ل گه‌ل بارينا بارانه‌كا هوور ل هنده‌ك ده‌مان.
پشكا پێشبينيان ل رێڤه‌به‌ريا گشتيا كه‌شنايا هه‌رێمێ راگه‌هاند كو ژ ئه‌نجامێ كارتێكرنا فشارێن بلند يێن وه‌لاتێ توركيا بۆ سه‌ر هه‌رێما كوردستانێ ئه‌و پێشبينى دكه‌ن كو سوبه‌هى رێكه‌فتى 2015.2.16 ئه‌سمان دێ ژ چه‌ند ئه‌وره‌كێن كێم بۆ ئه‌ورێ ته‌مام هێته گوهۆڕين ل گه‌ل بارينا بارانه‌كا هوور ل هنده‌ك ده‌مان.
رێڤه‌به‌ريا گشتيا كه‌شناسيێ ل هه‌رێما كوردستانێ ئاشكه‌را ژى كريه كو پلا گه‌رماتيێ دێ نزم بيت وه‌كو هه‌ڤبه‌ركى ل گه‌ل رۆژێن بۆرى ب ره‌نگه‌كى د ناڤبه‌را 10 بۆ 6 دا.
ل دۆر پێشبينيا رێژا هه‌وايى و مه‌ودايێ ديتنێ ژى دايه زانين كو دێ ئاراسته‌يێ وى باكوورێ رۆژهه‌لات بيت ب ره‌نگه‌كى دێ يێ ل سه‌رخوه بو ناڤه‌ندى يت د ناڤبه‌را 5 بۆ 20 كلم د ده‌مژمێره‌كێ دا و ماوێ ديتنێ ژى دێ 10 كلم بيت.
ژ به‌ر نه‌بوونا به‌لگان نه‌شێين كێشێن خوه‌كوشتن و سۆتنێ تێكڤه ده‌ين
ئه‌ڤرۆ نيوز:
دادوه‌ره‌كێ دادگه‌ها ته‌ميزێ ل دهۆكێ ديار دكه‌ت كو ئه‌و 100% دزانن ئه‌گه‌رێن سۆتن و خوه‌كوشتنا ژنان چنه، به‌لێ ژ به‌ر نه‌بوونا به‌لگێن پێدڤى يێن كاغه‌زى نه‌شێن سه‌ره‌ده‌ريێ ب دروستى ل گه‌ل وى بابه‌تى بكه‌ن.
دادوه‌ر محه‌مه‌د سلێڤانه‌يى ئه‌ندامێ دادگه‌ها ته‌ميزێ بۆ ئه‌ڤرۆ نيوز گۆت: “ب ره‌نگه‌كێ گشتى ئه‌م پێدڤى راستڤه‌كرنا قانوونا رووى ب رووى بوونا توندوتيژيێ دژى ژێ ينه، كو گۆر به‌رژه‌وه‌نديا جڤاكى و ل دووڤ ژيوارى قانوون بهێته دانان و په‌رله‌مان و جهێن په‌يوه‌نديدار ب دروستى ب رۆلێ خوه رابن”.
زێده‌تر گۆت: “هه‌تا نوكه مه ل كوردستانێ سه‌نته‌ره‌كێ پێشكه‌فتى يێ ڤه‌حه‌واندنا ژنان نينه و ئه‌وێن نوكه هه‌ين ژى نه ل ئاستێ پێدڤى نه و ل دۆر ژيانا نوكه ناگۆنجن”.
ل دۆر توندوتيژيا دژى ژنان ژى دادوه‌رى گۆت: “ئه‌م 100% دزانين ئه‌گه‌رێ خوه سوتن و كوشتنا ژنان چنه، به‌لێ ژ به‌ر نه‌بوونا به‌لگێن كاغه‌زى نه‌شێين سه‌ره‌ده‌ريێ ل گه‌ل بكه‌ين”.
رايتس ووچ: ميليشيات يێ تاوانێن شه‌رى ئه‌نجام دده‌ن
ئه‌ڤرۆ نيوز:
رێكخراوانا چاڤدێريا مافێن مرۆڤى يا نێڤده‌وله‌تى، ئه‌ڤرۆ رۆژا ئێكشه‌مبى راگه‌هاند ل ڤان هه‌يڤێن دووماهيێ ل هنده‌ك ده‌ڤه‌رێن سونى بنپێكرنا مافێ مرۆڤى ژ لايێ ميليشياتێن هه‌ڤپه‌يمان ل گه‌ل هێزێن ئه‌منى يێن عيراقى د زێده‌بوونێ دايه و ئه‌ڤه بوويه ئه‌گه‌ر كو هنده‌ك ژ خه‌لكێ وان ده‌ڤه‌ران ژ نه‌چارى مالێن خوه ب جهـ بهێلن و هنده‌ك ژى دهێنه ره‌ڤاندن و سێداره‌دان ل سه‌ر جادان د هنده‌ك كاودانان دا.
رێكخراوا “هيومه‌ن رايتس ووچ” د ئێك ژ به‌ياننامێن خوه دا يێن ئه‌ڤرۆ ده‌ركه‌فتين دايه زانين كو ل ده‌ڤه‌رێن ميقداديه ل ديالا نه‌كێمتر ژ 3000 هزار كه‌سان ژ مالێن خوه ره‌ڤينه ژ خزيرانا بۆرى و رێ پێ ناهێته دان ڤه‌گه‌رنه ده‌ڤه‌رێن خوه.
ئاماژه ب وێ چه‌ندێ ژى كر كو ئه‌و يێ ڤه‌كۆلينێ دكه‌ن و ديار دبيت كو “ميليشيات و هێزێن تايبه‌ت” 72 سڤيل يێن ل گۆندێ بروانه يێن دكه‌ڤيته ميقداديه كوشتينه، نه‌ڤه‌شارتيه ژى كو هنده‌ك ژ خه‌لكێ ڤێ ده‌ڤه‌رێ به‌حس ل هێزێن ميليشيات و ئه‌منى يێن هه‌ڤپه‌يمان كرينه كو كێشا بۆ خه‌لكێ ده‌ڤه‌رێن ده‌وروبه‌رێ ميقداديه دروست دكه‌ن، پشتى ده‌مه‌كێ كێم ژ ده‌ركرنا داعش ژ وێ ده‌ڤه‌رێ.
هه‌ر د ڤێ په‌ياننامێ دا هاتيه ژى كو ب گۆره‌يى ديده‌ڤانا ژ چريا ئێكێ يا 2014 كو ئه‌و هه‌يڤه يا پشتى وێ عه‌بادى سه‌رۆك وه‌زيراتى وه‌رگرتى و سۆز دايى ميلشياتێن خه‌له‌ت و يايفه‌گه‌ريێ نه‌هێليت ئه‌وێن ل سه‌ر ده‌مێ به‌رى وى هه‌ين.
ب گۆره‌يى رێڤه‌به‌رێ پشكا رۆژهه‌لاتا ناڤين و باكوورێ ئه‌فريقيا جۆ ستورك، سڤيل ل عيراقى تووشى توندوتيژيا “داعش” و پاشى يا “ميليشياتێن سه‌ر ب حوكمه‌تێ” ڤه دبن، پشتى ئه‌و ده‌ڤه‌ر ژ ده‌ستێ “داعش” دهێنه ده‌ر.
زێده‌تر گۆتژى: “ژ به‌ر يا كو ب ناڤێ ڤاڤارتنا ده‌ڤه‌رێ دهێته كرن، خه‌لكێ وان ده‌ڤه‌ران جهه‌كێ ته‌نا نابينن بۆ خوه قه‌ست بكه‌نێ”.
پلانه‌كا مه‌زن يا داعش هاته ژناڤبرن
ئەڤرۆ نیوز،بارزان مزووری:
بەرپرسێ لقا 14 ل مووسل ، عسمه‌ت رەجەب، بۆ ئەڤرۆ نیوز دیار کر کو ل شەڤا بوری فرۆکێن شه‌ركه‌رێن هه‌ڤپه‌يمانان کاروانەکێ ترۆمبێلێن چەکدارێن تیرورستێن داعش کو ژ 19 ترۆمبێلێن جوراو جور پێكهاتبوو ب چەکدار ڤە بوردومان کرن ئەو ترۆمبێل ب چەکدار ڤە ھاتنه سوتن
ئاماژه ب وێ چه‌ندێ كر كو ئه‌ڤ كاروانێ ترۆمبێلێن وان د ناڤبه‌را گوندێ ئیمارات و گوندێ وایلیە ل دەڤەرا وانکێ بوو، ئەوی کاروانێ داعش پلانەکا مەزن ل شەڤا بوری د بەرنامێ وان دا بوو، فروکەیان نەھێلا پلانا وان بجهـ بهێت.
ناڤبری دا زانين ژى كو ل شەڤا بوری چەکدارێن تیرورستێن داعش سێ نوشدار سێدارەدان و ل دووڤ دا سوتن ژ بەر کو دەمێ نەشتەرگەریەک بۆ بەرپرسەکێ داعش ئەنجام دایی نەشتەرگەریا نەسەرکەفتى نه‌بوو و گیانێ خوه ژ دەست دا بوو.
ناڤبری زێدەتر گۆت: “د ھەمان شەڤ دا چەکدارێن تیرورستێن داعش سێ ئافرەتێن ژیێ وان د سه‌ر 50 ساليێ دال تاخێ جەزائیر سێدارەدان”.
كاروانێ چوارێ یێ پێشمه‌رگه‌ى دێ چیته كوبانێ
ئه‌ڤرۆ نیوز:
هه‌لگورد حكمه‌ت رێڤه‌به‌رێ راگه‌هاندن و هوشیاریێ ل وه‌زاره‌تا پێشمه‌رگه‌ى راگه‌هاند كو وه‌زاره‌تا پێشمه‌رگه‌ى یا حكومه‌تا هه‌رێما كوردستانێ راگه‌هاند كو ئه‌و یێ به‌رهه‌ڤیان دكه‌ن بۆ هنارتنا كاروانه‌كێ دى یێ پێشمه‌رگه‌ى بۆ كوبانى و ڤه‌گه‌راندنا وان پێشمه‌رگێن نوكه ل كوبانى.
هه‌لگرد حكمه‌ت دیاركر كو هه‌ر هێزه‌كا ئه‌و بۆ كوبانێ بهنێرن 40 رۆژان دمینیت، به‌لێ ئه‌و 10 رۆژان به‌رى هنگى به‌رهه‌ڤیان دكه‌ن بۆ ڤه‌گه‌راندنا پێشمه‌رگان و هنارتنا هێزه‌كا دى بۆ جهگرتنا وان.
كاروانێ ئێكێ یێ هێزێن پێشمه‌رگه‌ى، كو ژ 150 پێشمه‌رگان پێكدهات، ل 28 چریا ئێكێ بۆ هه‌ڤكاریكرنا شه‌رڤانێن یه‌كینه‌یێن پاراستنا گه‌ل یه‌په‌گێ به‌ره‌ڤ كوبانێ ب رێككه‌فتبوون.
تیرور گه‌هشته دانیمارك ژى
ئه‌ڤرۆ نیوز:
ئه‌ڤرۆ ل كوپنهایگن یا پایته‌ختێ دانیمارك، ل ده‌مێ برێڤه‌چوونا روونشته‌كێ ل قه‌هوه‌خانه‌كێ، دو كه‌سێن نه‌نیاس هێرشێ دكه‌نه سه‌ر قه‌هوه‌خانێ و د ئه‌نجامدا دو پۆلیس بریندا دبن.
ئه‌ڤ روونشتنه بۆ هونه‌رمه‌ند و كاریكاتێرستێ سوێدى لارس ڤیلکس ل قه‌هوه‌خاه‌كا كوپنگاهن ل دانیمارك هاتبوو رێكخستن، كو ل دۆر ئازادیا رۆژنامه‌ڤانى بوو، د وى ده‌مى دا دو كه‌سێن نه‌ناسیار هێرشێ دكه‌نه سه‌ر قاوه‌خانێ و زێده‌تر ژ 30 بۆ 40 فیشه‌كان دهاڤێژن و ژ ئه‌گه‌رێ وێ چه‌ندێ سێ پۆلیس بریندار دبن.
لارس ڤیلکس ل سالا 2007 ێ كارێكاتێرى پێغه‌مبه‌رى محه‌مه‌د سلاڤ ل سه‌ر بن كێشابوو، به‌هرا پتر ژ ژێده‌رێن ده‌نگوباسى ئاماژه ب وێ یه‌كێ دكه‌ن كو كه‌سێن ته‌قه كر سه‌ر ب گرۆپێن ئیسلامى یێن توندره‌و بوون و دخواستن ڤى كاریكاتێرستى بكوژن، ژبه‌ر وى كارى ل سالا 2007 ئه‌نجامداى.
نيشاندان
WP Facebook Auto Publish Powered By : XYZScripts.com