دادڤانێ یاریا زێره‌ڤانى و هندرین هاته‌ سزادان

14/02/2015 19:13

ئه‌ڤرۆ نیوز، هه‌ژار مه‌عروف:
ئێكه‌تیا ناڤه‌ندى یا ته‌پا پێى ل هه‌رێما كوردستانێ د كومبوونا خوه‌ یا ئه‌ڤرۆ دا ل باره‌گایێ خوه‌ چه‌ندین بریارێن نوو ده‌رێخستن.
د یاریا زێره‌ڤانى و هندرین دا ئه‌وا دوهى ل یاریگه‌ها تیما دوێ هاتیه‌كرن ژبه‌ر خه‌مساریا دادڤانێ یاریێ د چه‌ند بریارێن خوه‌ دا ئێكه‌تیا ناڤه‌ندى بریار دا دادڤانێ یاریێ نه‌وزاد سالح بۆ ماوێ دو حه‌فتیان بهێته‌ راوستاندن ل گه‌ل هاریكارێ وى موسته‌فا نیهاد بۆ ئێك یارى، زێده‌بارى نه‌ كونترولكرنا یاریگه‌هێ یانه‌یا هندرین ژى ب كوژمى 300 هه‌زار دیناران هاته‌ سزادان .
ژلایه‌كێ دووڤه‌ یاریكه‌رێ یانه‌یا سێمێل عه‌بدولقادر به‌راك ژبه‌ر ره‌وشتێ دور ژ گیانێ وه‌رزشى بۆ ماوێ دو یاریان هاته‌ راوستاندن ل گه‌ل مانا كارتا وى یا سور كو د یاریا سێمێل و گاره‌ دا وه‌رگرت بوو.

سبه‌ ئه‌ڤ وه‌زاره‌ته‌ دێ مووچه‌ى وه‌رگريت

14/02/2015 18:50

2252

ئه‌ڤرۆ نيوز:

سبه‌ ئێكشه‌مبى، مووچێ هه‌يڤا 12 يێ سالا بوورى دێ به‌رده‌وامى پێ هێته‌ دان.

ژێده‌ره‌كێ ژ وه‌زاره‌تا دارايى و ئابوورى يا حوكمه‌تا هه‌رێما كوردستانێ راگه‌هاند كو سبه‌ رۆژا ئێكشه‌مبى دێ مووچێ هه‌يڤا 12 يێ سالا بوورى يێ وه‌زاه‌رتا كاروبارێن شه‌هيد و ئه‌نفالكريان هێته‌ به‌لاڤكرن.

هه‌ر ل گور پێزانينان سبه‌ ل گه‌ل وه‌زاره‌تا كاروبارێن شه‌هيدان دێ زيندانيێن سياسى ژى مووچه‌ى وه‌رگرن.

رويته‌رز د دو وێنان دا به‌حسێ ئاواره‌بوونا كوردان دكه‌ت

14/02/2015 18:39

189

ئه‌ڤرۆ نيوز:

ئاژانسا رويته‌رز ئه‌زموونا خوه‌ يا 30 سالێن بوورى د 56 وێنان دا ب هه‌لمه‌فتا 30 سالێن دامه‌زراندنا وێ به‌لاڤكرينه‌، كو تێدا دو وێنێن وێ ئاژانسێ به‌حسێ ئاواره‌بوونا كوردان دكه‌ت د دو مێژووييێن جودا جودا ل سالا 1992 ێ و 2014 ێ.

ئاژانسێ ل سه‌ر وێنێ ئێكێ نڤيسيه هه‌ڤركيه‌كا زور بۆ وه‌رگرتنا نان و خوارنێ ژ ئاليێ ئاوارێن كوردێن باشوورێ كوردستانێ ل سنورێ توركيا ل سالا 1992 ێ .

وێنێ دوێ ژى ئاواره‌بوونا وه‌لاتيێن مه‌ده‌نى ييێن شنگالێ بوويه‌ ل سالا 2014 ێ ل سه‌ر ده‌ستێ چه‌كدارێن داعش، پشتى كو داعش مووسل كونترولكرى، داعش نێزيكى شنگالێ بوون و شنگال كونترولكر.

حاكم سه‌رحان مزگينيه‌ك يا بۆ فه‌رمانبه‌ران هه‌يى

14/02/2015 14:49

2903

ئه‌ڤرۆ نيوز:

حاكم سه‌رحان سلێڤانه‌يى، ئه‌ندامێ لژنا دارايى ل جڤاتا نوونه‌رێن عيراقێ راگه‌هاند كو ب گۆره‌يى ئه‌وان پێزانينێن ئه‌وى ب ده‌ست خوه‌ خستين ژ وه‌زاره‌تا دارايى يا عيراقێ، بڕياره‌ ئه‌وه‌ د ڤێ حه‌فتيێ دا بودجێ هه‌يڤا كانوونا دويێ يا سالا 2015 بۆ هه‌رێما كوردستانێ بهێته‌ ره‌وانه‌كرن.

حاكم سه‌رحان ته‌كست ل سه‌ر وێ چه‌ندێ ژى كر كو د ڤێ حه‌فتيێ دا، نووچه‌يێن خوه‌ش دێ گه‌هنه‌ فه‌رمانبه‌رێن هه‌رێما كوردستانێ و كێشێن پاشكه‌فتنا مووچه‌يى ژى نامينن.

ئه‌ڤه‌ زێده‌ترى ساله‌كێ يه‌ هه‌رێما كوردستانێ كێشا دره‌نگ پێدانا مووچان هه‌يى و هێشتا هه‌موو وه‌زاره‌تا مووچێ هه‌يڤا 12 يێ سالا 2014 وه‌رنه‌گرتيه‌ و حوكمه‌تێ راگه‌هانديه‌ كو ئه‌و دێ چاڤه‌رێ به‌غدا كه‌ن بۆ پێدانا مووچێ هه‌يڤا 1 و 2 يێن سالا 2015 و ژ لايێ خوه‌ ڤه‌ به‌غدا ژى هێشتا ئه‌و مووچه‌ نه‌هنارتيه‌.

چاڤدێره‌ك: هه‌ڤپه‌يمانا نه‌ڤێت داعش ژ ناڤ ببه‌ت

14/02/2015 14:32

254

ئه‌ڤرۆ نيوز، ناجی به‌ده‌ل:

چاڤدێرێ سیاسی ئه‌حمه‌د بالایی بۆ ئه‌ڤرۆ نیوز دیاركر هه‌كه‌ هه‌ڤپه‌یمان بخوازن گرۆپێن تیرۆری ژناڤ ببه‌ن گه‌له‌ك ب ساناهی یه‌ لێ هێشتا ئه‌جندایێن وان ب داوی نه‌هاتینه‌ ئه‌ڤه‌ شه‌ره‌كێ دوور و درێژه‌ و هه‌ر ئه‌وان گرۆپ چێكرینه‌ و ئه‌و ژی دێ ژناڤ به‌ن ئه‌گه‌ر ده‌مێ وان ب داوی هات مینا سیناریویا سه‌دامی كا چه‌وان هاریكاریا وی دكر ل دژی ئیرانێ و و فاو بۆ ستاند و هه‌تا ئه‌و ب خوه‌ ژی ژناڤبر و ئه‌لقاعیده‌ ژ لایێ هه‌ڤپه‌یمانێ نها هاته‌ دامه‌زراندن داویی ژی ئوسامه‌ و هه‌ڤالێن وی ب ده‌ستێن وان هاتنه‌ ژناڤبرن.

ناڤبری ئه‌و چه‌نده‌ ژی دیاركر یا گرنگ ژ بوو كوردان ئه‌وه‌ هاژ خوه‌ هه‌بیت و نه‌هێته‌ خاپاندن و بلا باوه‌ریا وان ب تنێ ل سه‌ر هێزا گه‌لێ خوه‌ بیت و هه‌موو هێز و لایه‌نێن سیاسی ل هه‌ر چوار پارچێن كوردستانێ و جیهانێ ببنه‌ یه‌ك و ئێك ده‌نگ ل هه‌مبه‌ر ئه‌ڤێ ئه‌زموونا هستیار.

ئه‌حمه‌د بالایی چاڤدێرێ سیاسی دیاركر ئه‌گه‌ر هوشیارانه‌ سه‌ره‌ده‌ری نه‌هێته‌كرن، دێ جاره‌كا دی تووشی كاره‌ساته‌ك دی بن مینا ئه‌نفالان و گۆت: “نه‌بێژین هه‌ڤپه‌یمان ل گه‌ل مه‌نه‌ و ده‌ما به‌رژه‌وه‌ندێن وان هاتن پاراستن و پرۆژێ وان یێ رۆژهه‌لاتا ناڤین ب داوی هات دكارن، مینا سالا 1975 ده‌ست ژ كوردان به‌رده‌ن و بهێلن ل به‌ر ره‌حمه‌تا هێزێن داگیركه‌ر له‌ورا گرنگ ئێكگرتنا كوردانه‌، بێ ل به‌رچاڤكرنا حزبی و پارت و ئایدولوژیێن جودا “.

ب وێنه‌: سه‌ره‌دانا شاندێ په‌رله‌مانێ كوردستانێ بۆ كۆبانێ

14/02/2015 13:33

238

ئه‌ڤرۆ نيوز:

شاندێ په‌رله‌مانێ كوردستانێ ئه‌ڤرۆ رۆژا شه‌مبى رێكه‌فتى 2015.2.14 سه‌ره‌دانا باژێرێ كۆبانێ كر.

د چه‌ند وێنه‌كان دا كو محه‌مه‌د عه‌لى ياسين ئاخفتنكه‌رێ ب ناڤێ فراكسيۆنا زه‌ر ل په‌رله‌مانێ كوردستانێ ل سه‌ر په‌يچێ خوه‌ يێ فه‌يسبۆكى به‌لاڤكرينه‌، ئاشكه‌را كريه‌ كو ئه‌وان ئه‌ڤرۆ سه‌ره‌دانا باژێرێ كۆبانێ يا كرى دا كو د بزاڤا ئاڤه‌دانكرنا وێ دا پشكدار بن.

ئاماژه‌ ب وێ چه‌ندێ ژى كريه‌ كا چاوان په‌رله‌مانى بڕيارا هنارتنا پێشمه‌رگه‌يى بۆ كۆبانێ كر، نها ژى وه‌سان پشكدارى ئاڤه‌دانكرنا وێ دبن.

1 of 13

دەمێ ماموستا وانێ دبێژیت ئەز نەشێم گوھداریێ بۆ بکەم

14/02/2015 13:20

3250

کچەکا ٢٢ سالی دلێ خوە بۆ رۆژناما ئەڤرۆ ڤەدکەت و دبێژیت: ئەز قوتابیا زانکویێ مە و خودان کارم ئاریشا من ئەوە ئەڤە ماوەیەکە مێشکێ من یێ ئالوزە و ھەست ب ماندیبونێ دکەم و ل دەمێ ماموستا وانێ دبێژیت ئەز نەشێم گوھداری بۆ بکەم و دچمە د ھزرادا و ئەز زور جارا ھوشداریێ ددەمە خوە بەس داکو بشێم کونترولێ لسەر خوە بکەم و نە دچمە د ھزرا دا ژبەرکو من نەڤێت یا ھوسا بم ژبەرکو ھندەک ماموستا دزانن و دەما پسیارەکێ ژ من دکەن ئەز دکەڤمە ھەلویستی ئەڤجا ھیڤیدارم ھون چ رێکە چارە بو من پشنیاز دکەن ؟

کچا ھێژا :

بێ گومان کارکرن و خواندن کارەکێ بساناھی نینە و پێدڤی وەستیانێ نە و ھەروەسا پێدڤی ھەماھەنگیەکا ووردە و باشترە کو تو بخو خشتەکێ رێک و پێک بو کاری دروست بکەی دا کار لھەر ئالیەکی خرابیێ ل کاری دی نەکەت پاشی سەرکەفتیانە دا ھەردووان برێڤە ببەی و ژبیر نەکە تە پێنگاڤ دروست یاھاڤێتی کار و خواندن، لێ ئالوزیا ھزرێن تە تە دیار نەکرینە کو دسوزی نە یان دجڤاکینە یان دەرونینە… ژبەرکو کار لسەر ھەر ئێک ژ وان ژێک جودانە لەوا باشتر بو تە دیارکربانە و ھەر چەندە کو ھەر کەسەک یێ دور نینە ژ ھزران بەلێ باشترە دیسان مروڤ رێک و پێکیێ دکارێ خوە دا بکەت ژ وانا پێدڤیێن لەشی مروڤی وەکی خارن و نڤستن دڤێت چاڤ دانیت ژبەر کو ھەر کێماسیەک نێگەتیڤانە کارتێکرنێ لسەر کارێ تە ل زانکویێ دێ کەت ئەڤجا باشترە تو کارێ بایولوجی یێ لەشێ خوە تێک نەبەی ئانکو ل ھەموو دەما روژێن خوە بشێوێ نورمال ببەی سەری دا پتر باوەری بو تە پەیدا ببیت باشترە تو بو خوە ل دەف نوژدارەکی تایبەتمەند پشکنینێن جەستەیی بکەی بەلێ ئەز د وێ باوەریێ دامە کو پتر پیتە دانا تە بوێ چەندێ ھزرێن تە ئالوز تر دکەت ئەڤجا ب نورمالی کارێ خوە برێڤە ببە ژبەر کو ئەم ھەموو توشی ڤان دیاردا دبین .

پۆ په‌يوه‌نديكرنێ ب گۆشا دلێ خوه‌ ڤه‌كه‌ په‌يوه‌نديێ ب ڤێ هژمارا تله‌فۆنێ بكه‌: 07503404123

رێكخراوه‌ك خوه‌ ل كێشێن ژنێن ئاواره‌ دكه‌ته‌ خودان

14/02/2015 13:03

116

ئه‌ڤرنيوز، هه‌يفا دوسكى:

ئه‌ڤرۆ سپێدێ وركشۆپه‌ك ل دۆر رۆلێ په‌رله‌مان و حوكمه‌ت و رێكخراوێن جڤاكێ مه‌ده‌نى ژ بوو ئاڤاكرنا شيانێن ئاواران و توندوتيژيا دژى خێزانێ د ناڤ ئاواران دا هاته‌ گێران.

جيهان مسته‌فا ئيراهيم به‌رپرسا رێكخراوا WRO بۆ ئه‌ڤرۆ نيوز گۆت: “مه‌ دڤێت ب رێيا ڤێ ورك شۆپێ هنده‌ك خالان ژ رێكخراوێن ئاماده‌بوويى وه‌رگرين و پێشكێشى په‌رله‌مانى و جهێن به‌رپرس بكه‌ين”.

تانيا زكرى نوونه‌را رێكخراوا WRO ل دهۆكێ بۆ ئه‌ڤرۆ نيوز گۆت: “ئه‌ڤه‌ چه‌ندين روونشتن مه‌ ل گه‌ل ئاواران كرن ل دۆر ئه‌و توندوتيژيا ئه‌و تووش دبنێ و گه‌له‌ك خال گه‌هاندينه‌ مه‌ كو تووشى چه‌ندين كێشان بووينه‌ ب تايبه‌ت يێن فره‌ژنيێ و ئێك فورما ئاهێن خوارنێ”.

تانيا خانێ زێده‌تر گۆت: “قوتان ژى د ناڤ ئاواران دا زێده‌بوويه‌ ب تايبه‌ت زه‌لام نه‌شێن ده‌ركه‌ڤن و د ناڤ كه‌مپان دانه‌ و ژ لايێ ده‌روونى ژى ڤه‌ تووشى نه‌خۆشيان بووينه‌ ژ به‌ر ڤێ كێشێ”.

سوبه‌هى شاندێ هه‌رێمێ بۆ هنارتنا بودجه‌يى دێ چ داخوازى ژ به‌غدا كه‌ت؟

14/02/2015 12:52

223

ئه‌ڤرۆ نيوز:

شاندێ حوكمه‌تا هه‌رێما كوردستانێ دێ سوبه‌هى رۆژا ئێكشه‌مبی چیته‌ به‌غدا و دێ پرسا رێككه‌فتنا هنارتنا نه‌فتا هه‌رێمێ و ئاسته‌نگێن هه‌مبه‌ر وێ دروست بوون بۆ به‌غدا به‌حس كه‌ت.
پێشتر رێباز محه‌مه‌د وه‌زیرێ دارایى یێ حوكمه‌تا هه‌رێما كوردستانێ راگه‌هاند بوو كو شاندێ هه‌رێمێ بۆ به‌غدا دێ پابه‌ندبوونا خوه‌ ب رێككه‌فتنا هنارتنا نه‌فتا هه‌رێمێ ب رێیا كومپانیا سومو دیاركه‌ت.
بڕیاره‌ شاندێ هه‌رێمێ ب سه‌رۆكاتیا نێچیرڤان بارزانى سه‌رۆكێ حوكمه‌تا هه‌رێما كوردستانێ سه‌را به‌غدا بده‌ن و ل گه‌ل حه‌یده‌ر عه‌بادى سه‌رۆك وه‌زیرێن عیراقێ كوم ببن.

ب گۆره‌يى ئه‌و پێزانينێن ب ده‌ست ئه‌ڤرۆ نيوز كه‌فتين هه‌رێما كوردستانێ نه‌شێت ل دووڤ داخوازيا به‌غدا رۆژانه‌ 550 هزار به‌رميلان ب رێيا خوه‌ ب هنێريته‌ وه‌لاتێ توركيا د ڤى ده‌مى ژ به‌ر كو نوكه‌ نه‌شێن په‌ترۆلا هه‌رێمێ بهنێرنه‌ ژ ده‌رڤه‌يى وه‌لاتى و ئه‌و دێ داخوازێ ژ حوكمه‌تا ناڤه‌ندى كه‌ن كو ئه‌و دێ د سالێ هه‌موويێ دا ڤێ رێژێ هنێرنه‌ ژ ده‌رڤه‌، ئانكو دێ گرێدايى سالێ بيت نه‌كو رێژا رۆژانه‌.

پێشمەرگەیێن د دەستێ داعش دا نەھاتینە شەھیدکرن

14/02/2015 12:45

1300

ئەڤرۆ نیۆز، قائید میرۆ
پشتی ل تۆڕێن جڤاكى وێنەیێ ھژمارەک پێشمەرگەیێن دیل لبەر دەستێ داعش ھاتیە بەلافکرن بەرپرسەکێ کورد ل مووسل دبێژیت ئەف پێشمەرگە نەھاتینە شەھیدکرن.
ئێڤاریا دوھی و ئەڤا بۆری داعش وێنەیێ ھژمارەکا وان پێشمەرگەیان بەلافکر یێن بەری نوکە ب دیل کەفتیە دەستێ داعش و ھندەک ژێدەران بەلافکربوو، کو ئەف پێشمەرگە ھاتینە سووتن و شەھیدکرن، غەیاس سورچی، کارگێڕێ مەلبەندی ئێکەتیێ ل مووسڵ بۆ ئەڤرۆ نیۆز گۆت” مە ژێدەرێن باش یێن زانیاریان ھەنە و چو راستی بۆڤان زانیاریان نینە، ئەگەر ئەف پێشمەرگەیێن دیل ھاتبانە شەھیدکرن، دا ئەم زانین.
ئەڤرۆ نیۆز بۆ چەندین جارا پەیوەندی ب عەمید ھەلگۆر رێڤەبەرا راگەھاندنا وەزارەتا پێشمەرگەی کر، بەلێ بەرسیڤا پەیوەندیێ نەدا.

نيشاندان 1...2,160 3,160 4,160 4,1614,1624,163...4,558 زێده‌تر

لاپه‌ر 4,162 ژ 4,558