ئه‌ڤرۆ:

ژ خەلکی سپێدەھیان خیرەت ناکەن ژ خەو راببن و دناڤ نڤینێن خوە دەرکەڤن، حەزدکەن بەردەوام د نڤستی بن، ھندەک کەس ژی سپێدەھیا ھەمیێ باوەشک دھێنێ و د بێ خیرەتن، ھندەک ژی ھەست ب کێماسیێ دکەن، ھندەک ژی دگێژن و رەنگە رۆژێ ھەمیێ وەسا بمینن.
ئەگەرێ سەرەکیێ ڤێ چەندێ نەنڤستە ل دەمێ دەستنیشانکری، شەڤبێری و وەستیانا دەروونی و دلینیێ و ئاریشێن دەروونی.ھەروەسا ئەڤێ چەندێ ھەڤبەندی ب رووناھیا رۆژێ ڤە ھەیە ئەوا کارتێکرنێ ل چێکرنا ھورمونێ میلاتونین دکەت ئەو ھورمونێ بەرپرسیار ژ رێکخستنا دەمژمێرا بایولوجی یا مرۆڤی ل دەمێن نڤستن و ھشیاریێ، ھەکە مرۆڤ ل دەمێ سروشتی نەنڤست ب شەڤێ، ئاستێ ڤی ھورمونێ ژی دێ بۆ دەمێ چەند دەمژمێرا بلند مینیت و مرۆڤ دێ ھەست ب وەستیانێ دکەت، زانا شیرەتان ل مە دکەن ب رۆژێ مرۆڤی دەمەک بۆ ل بەر ھەوای ھەبیت و ب شەڤێ زوو بنڤین داکو بایولوجیا لەشی بھێتە رێکخستن، زانا دبێژن: ئەو کەسێن سپێدێ زوو ھشیاردبن پتر ھەست ب خوشیێ و ساخلەمیێ دکەن.

ئه‌ڤرۆ:

نوشدار شیرەتان ل مە دکەن خوە ژ ھندەک کەرستێن خوارنێ دوور بکەین، چونکو ئەو خوارن ھندەک نیشانێن نەباش دیاردکەن و کارتێکرنێ ل لەشێ مرۆڤی دکەن، ژوان خوارنا ژی:
١- فشار ( یوب کورن): گەلەک کەس حەز ژ خوارنا وان دکەن و ب تایبەت ل دەمێ بینەریا تێلەفزیونێ یان ل گەل ھەڤالان، و یا باشتر ئەوە بۆ دەمێ دو دەقیقا بکەیە دناڤ مایکروویفێ دا، چونکو ئەڤ جورە ژ روینەکی ھاتینە چێکرن دبێژنێ ( دیاکیتیل) و ئەو روین ل گەل ترشیێن بیرفلوروکنان تێکەل دبن و ئەو ترشی پەنجەشێرێ پەیدادکەت.
٢- ئارێ سپی: گەلەک جورێن خوارنێ ژ ئارێ سپی دھێنە چێکرن، ئارێ سپی گەلەک کارلوری یێن نەباش دناڤدا ھەنە ل گەل ھندەک کەرستێن باش ژی بۆ لەشی، ئەو شریناھیێ دناڤ ئارێ سپی دا ھەی زوو دھێتە ڤەگوھاستن و دبیتە شەکرێن خراب و رێژا شەکرێ زێدەدبیت و دبنە ئەگەرێ قەلەویێ.
٣- پیتزایێن دناڤ سەلاجێ دا دھێنە ھەلگرتن: گەلەک کەس پشتی رۆژەکا پری وەستیان حەزدکەن پیتزایێ بخوون، و پتریا خەلکی دھێلنە دناڤ سەلاجێ دا، داکو زوو بەرھەڤ بکەن، ئەو جورێ پیتزایێ گەلەک یێ ب زیانە، چونکو گەلەک خوێ و پەنیر و کەرستێن کیمایوی دناڤدا ھەنە، ھەروەسا کێم زەرزەوات دناڤدا ھەنە، لەورا باشترە مرۆڤ خوە ژێ ب پارێزیت.
٤- ڤەخوارنێن لایت: گەلەک وەسا ھزردکەت ئەو ڤەخوارنێن ( لایت) ل سەر دھێتە نڤیسین یێن ڤالانە ژ شەکرێ، بەلێ دراستی دا وەسا نینن، چونکو ئەو کومپانیێن وان ڤەخوارنان دروست دکەن پێگوھۆرێن شەکرێ ب کاردئینن ، ئەوا پێگوھوران ژی زیانێن خوە ھەنە و دبنە ئەگەرێ پەنجەشێرێ، لەورا باشترە مرۆڤ خوە ژێ دوور بکەت، چونکو ئەو ڤەخوارن ھەستکرنا مرۆڤی ب برسیبوونێ زێدەدکەن.
٥- پتاتێن قەلاندی: پتاتێن قەلاندی گەلەک روین و کالوری و خوێ دناڤدا ھەنە، ھندەک جارا رێژا روینی دناڤدا ژ ٣٠% دەرباز دبیت، ھەکە رۆژانە تو سێنیەکا بچووک بخووی دێ تێرا تە بۆ ھەموو رۆژێ کالوری دابین بن، ل گەل ڤێ چەندێ دبیت رێیا قەلاندنا وان ببیتە ئەگەرێ دروستکرنا کەرستێ ئەکریلامید، ئەو کەرستە جینێن مرۆڤی د گوھۆریت و دبیتە ئەگەرێ بەربەلاڤبوونا پەنجەشێرێ.