ئەڤرۆ نیوز، زنار تۆڤی:

ژ پێخه‌مه‌ت پاراستنا گیانێ وەلاتیان، ئەڤە سێ رۆژە پۆلیسێن هاتنوچوونا پارێزگه‌ها دهۆكێ هۆشداریێ دده‌نه‌ شۆفێران، داکو ماسك و ده‌ستگۆركان بکاربینن، ل ئێكشه‌مبیا بهێت هه‌ر شۆفێره‌كێ پێگیریێ ب وان رێنمایان نه‌كه‌ت دێ هێتە سزادان.
موقه‌دمێ مافپەروەر ئازاد تاها په‌یڤدارێ رێڤەبەریا هاتنوچوونا پارێزگه‌ها دهۆكێ بۆ ئەڤرۆ نیوز دیار کر: ئه‌ڤ كارێ ئه‌م ئه‌نجام دده‌ین ژ بۆ پاراستنا گیانێ خه‌لكێ مەیە، ئەڤە سێ رۆژە پۆلیسێن هاتنوچوونا پارێزگه‌ها دهۆكێ ل هه‌موو قه‌زا و ناحیان هۆشداریێ ددەنە شۆفێران كه‌رەستێن خۆپاراستنێ وه‌ك ماسك و ده‌ستگۆركان بکاربینن.
ناڤهاتی گۆت ژى: ل ئێكشه‌مبیا بهێت هه‌وه‌ك دێ هێتە ئه‌نجامدان و هه‌ر شۆفێره‌كێ پێگیریێ ب رێنمایان نه‌كه‌ت دێ هێته‌ سزادان و ئه‌ڤ سزادانه‌ ژ بریارێن وه‌زاره‌تا ناڤخۆ یا حوکمه‌تا هه‌رێما كوردستانێ دەرچووینە، لەوما دخوازین شۆفێر پێگیریێ ب وان رێنمایان بكه‌ن.

ئه‌ڤرۆ نیوز، مه‌حمود نهێلى:
كه‌ڤنترین پارك ل سه‌نته‌رێ ناحیا سه‌رسنكێ ژلایێ سه‌روكاتیا باژێرڤانیا سه‌رسنكێ ڤه‌ هاته‌ نووژه‌نكرن و كه‌فته‌ د خزمه‌تا خه‌لكێ ده‌ڤه‌رێ و گه‌شتیاران دا.
ئه‌ندازیار سه‌رجون خوشابا سه‌رۆكێ باژێرڤانیا سه‌رسنكێ بو ئه‌ڤرۆ نیوز دیاركر: كو ئه‌وان ل سه‌ر نه‌سریا تایبه‌تا خوه‌ بو هه‌یاما چه‌ند هه‌یڤان كار د نووژه‌نكرنا پاركه‌كێ سه‌نته‌رێ ناحیا سه‌رسنكێ دا كر و شیان وى پاركى ب ره‌نگه‌كى باش نووژه‌ن بكه‌ن و گۆت: ئه‌ڤ پاركه‌ د هێته‌ هه‌ژمارتن كه‌ڤنترین پارك ل سنورێ ناحیا سه‌رسنكێ و بارا پترێ ژ كار كه‌فت بوو و گه‌شتیار و خه‌لكێ ده‌ڤه‌رێ نه‌شیان ب دروستى مفا ژ ڤى پاركى وه‌ربگرن و ژ به‌ر وێ یه‌كێ ژى نووژه‌نكرنا ڤى پاركى ئێك بوو ژ كارێن مه‌ یێن هه‌ره‌ گرنگ.
ناڤهاتى ئاشكرا كر: كو ژبلى نووژه‌نكرنێ ئه‌و شیان چه‌ند یاریێن زارۆیان و یاریێن وه‌رزشى و چێكرنا رێكێن هاتن و چونێ دناڤ پاركى دا و چاندنا داران و چه‌ندین كارێن دیتر دناڤ ڤى پاركى دا دروست بكه‌ن.
و ته‌كه‌ز ژى كر: كو د وه‌زرێ بهارێ دا هێشتا كار د ڤێ پاركى دا كه‌ن و دێ یاریێن پتر و هه‌روه‌سا كافتیریان ژى تێدا زێده‌ كه‌ن.