ئەڤرۆ نیوز:
شاندەکێ روسیا دێ سەرەدانا تورکیا کەت و دهێتە چاڤەرێکرن کو بابەتێ سەرەکی یێ شاندێ وەزارەتا دەرڤە یا روسیا ل گەل تورکیا ژی ئالۆزیێن ڤێ دووماهیێ ل ئدلبێ بیت.
ئەو یەک د دەمەکێ دایە کو تورکیا دوهی ٣٠٠ ترۆمبێلێن سەربازی و چەکێن گران برینە ئدلبێ و روسیا ژی هۆشداری دایە تورکیا کو دڤێت رێزێ ل سەروەریا ئاخا سووریێ بگریت و هێزێن خوە ژ ئدلبێ ڤەکێشیت.
ئەڤرۆ نیوز، عەلی حاجی :
رێڤەبەری کەمپا بێرسڤ دو د داخویانیەکێ دا بۆ ئەڤرۆ نیوز دیار کر ل دوماهیا حەفتیا بوری دا دەست ب بەلاڤ کرنا هاریکاریێن زڤستانی ل سەر وان خێزانان هاتنە بەلاڤ کرن ئەوێن ئاکنجی بوین دناڤ کەمپێن باژێرێ زاخۆ دا.
زێدەتر ماهر سندی گوت: (هاریکاریبپێک هاتبوون ژ جل و بەرگێن زڤستانی بۆ وان زاروویێن هێشتا نەهاتینە سەر دونیایێ ئانکو ئافرەتێن دو گیان هەتا بۆ زارویێن ژیێ وان ١٤ سالیێ دا و ئەڤ هاریکاری یە ل سەر چار هزار زارویان هاتنە بەلاڤ کرن کو هات بوونە دابینکرن ژلایێ دو رێکخراوان ڤە و هەر دیسان نێزیکی حەفت هزار بەتەنیان ژلایی وەزارەتا کوچ و کوچبەرێن حکومەتا عێراقێ ڤە هات بونە دابین کرن و بۆ هەر خێزانەکێ دناڤ کەمپا بێرسڤ دو دا چار بەتەنی پێ هاتنە دان و هەژی گوتنێ یە کو ئەڤ دو جورێن هاریکاریان بۆ هەمی کەمپێن ل سنورێ باژێرێ زاخۆ دا بوون و هەمی خێزانێن دناڤ کەمپان دا مفادار بوون ژ وان هاریکاریان) .
ئەڤرۆ نیوز:
ئەڤرۆ هەر سەد دۆلارێ ئەمریکی ل بازارێن تورکیا ب ٦٠٣ لیرێن تورکیا بوو و چاڤدێرێن سیاسی ژی دیار دکەن کو سیاسەتا تورکیا ل سووریێ و لیبیا وەسا کریە کو ئالۆزیێن ناڤخوەیی ژی ل تورکیا دروست ببن و سەرمایەدار ژی وەکو جاران نەوێرن ل تورکیا کار بکەن و ژ بەر هندێ ژی رۆژ ب رۆژێ پتر بهایێ لیرێ تورکیا دهێتە خوارێ.
ئەڤرۆ نیوز،عەلی حاجی :
کەسەکێ ژ هؤلا گرتیا بنگەهێ لاوان ل زاخۆ نەڤیا ناڤێ خوە ئاشکەرا بکەت بۆ ئەڤرۆ نیوز دیار کر نوکە یاریگەها مە دناڤبەرا دو بورجێن پەیوەندیایە و مەترسی کەڤتی یە سەر ژیانا وان کەسان یێ راهێنانێ دناڤ وێ هولێ دا دکەن.
هەر وی کەسی ئەو چەندە ژی گۆت : پشتی ئەو چەندە ئاشکەرا بووی هەشت مامۆستا ژ ئەگەرێ وان بورجێن پەیوەندیان توشی ئێشێن گران بووین نوکە بورجەک ل سەر بانێ وێ قوتابخانا ئەو ئێشێن گران پەیدا بوین وێ کۆمپانیێ ئەو بورجە ئینایە تەنشت هۆلا گرتیا بنگەهێ لاوان ل زاخۆ و زێدەباری وێ چەندێ بورجەکێ پەیوەندیان ب خوە ژی ل سەر بانێ هۆلا مە هەیە و گەلەک یاریزانێن تیما باسکت بۆلا زاخۆ ل سەر ئاستێ تیمێن لاوان و پێشکەڤتیان راهێنانان ئەنجام دەن و ب ڤی رەنگی ژی پتر مەترسی کەڤتیە سەر ژیانا وان یاریزان و راهێنەران ژبەر کو نوکە دو بورجێن هێلێن پەیوەندیان نێزیکی هولێ نە و ب ڤی رەنگی دێ کارتێکرنا وان بورجان زێدەتر بیت.
ئەو چەندە ژی ئاشکەرا کر گەلەک جاران یاریزان و راهێنەران دیار کری یە پشتی ژ یەکەیێن راهێنانێ خلاس دبن دەما قەستا مال دکەن سەر ئێشانەک ل دەف وان پەیدا دبیت و راپورتێن پزیشکی ژی وەسا دیار دکەن کارتێکرنا وان بورجان ل سەر مروڤان ب خرابی هەیە ب تایبەتی د پەیداکرنا سەر ئێشانێ دا.
ئەڤرۆ نیۆز، عەزیز هەورامی:
لە ڕاگەیەندراوێکی بەڕێوەبەرایەتی پۆلیس لە بارەی دەستگیرکردنی چوار تۆمەتبار بەڕەگەز تورک بۆ مەبەستی دزینی ئاڵتوون هاتبوونە باشووری کوردستان و لە قەزای سەیدسادق سەربەپارێزگای سلێمانی کۆپێکی بۆ ئەڤرۆنیۆز هاتووە تێداهاتووە،بەڕێوەبەرایەتی پۆلیسی پارێزگای سلێمانی زانیاری پێگەیشت لەبارەی چوار تۆمەتبارەوە كە لەوڵاتی توركیاوە هاتوونەتە هەرێمی كوردستان و بەنیازن لە قەزای سەیدسادق چەند دوكانێكی ئاڵتون فرۆشی ببڕن.
پۆلیسی سلێمانی دەڵێ،دوای وەرگرتنی فەرمانی دادوەر و بەسەرپەرشتی ڕاستەوخۆی بەڕێوەبەری پۆلیسی پارێزگای سلێمانی لێكۆڵینەوەكان دەستیپێكردوو دوای چاودێرییەكی ورد توانرا لەلایەن مەفرەزەكانی بنكەی پۆلیسی حەسار – بەشی پۆلیسی سەیدسادق لەكاتی ئەنجامدانی تاوانەكە هەر چوار تۆمەتبار دەستگیربكرێن .
هەروەها هاتووە،لەكاتی دەستگیركردنی تۆمەتباراندا دەستگیراوە بەسەر ئۆتۆمبێلێك و چەند ئامێرێكی كونكردنی دیوار و چەندین پارچە پۆشاك و پێڵاودا كە تۆمەتباران ویستویانە بۆ سەرلێشێواندنی تیمەكانی پۆلیس لەكاتی هەڵگرتنەوەی بەڵگەدا بەكاری بهێنن. پۆلیسی سلێمانی زانیاری زیاتر ئاشکرادەکات،دەڵێ:” تۆمەتباران ویستویانە دوای ئەنجامدانی تاوانەكە ڕاستەوخۆ بگەڕێنەوە بۆ وڵاتی توركیا و لەوێ ئاڵتونەكان ساغ بكەنەوە.
لەئێستادا تۆمەتباران بەفەرمانی بەڕێز دادوەر ڕاگیراون و لێكۆڵینەوە لەگەڵیان بەردەوامە.
ئه‌ڤرۆ نیوز:
فارس عیسا سه‌رۆكێ نوونه‌راتیا هه‌رێما كوردستانێ ل به‌غدا راگه‌هاند: بریاره ده‌مێن بهێت سه‌رۆك وه‌زیرێ راسپاردیێ عیراقێ سه‌ره‌دانا هه‌رێما كوردستانێ كه‌ت، سه‌باره‌ت پێك ئینانا كابینا نوو یا حوكمه‌تا عیراقێ دانوستاندنێ ل گه‌ل به‌رپرسێن هه‌رێمێ بكه‌ت.
فارس عیسا راگه‌هاند ژی محه‌مه‌د توفیق عه‌لاوی سه‌رۆك وه‌زیرێ راسپاردیێ یێ عیراقێ، دانوستاندن ل گه‌ل لایه‌نێن سیاسی ده‌ستپێكر، ل گه‌ل كورد و شیعه و جاده‌یێ كۆم بیت و داخاز ژ هه‌موویان كر پشته‌ڤانیا وی بكه‌ن و پێدڤی ب پشته‌ڤانیا وان هه‌یه.
ناڤبری دیاركر دێ سه‌رۆك وه‌زیرێ راسپاردیێ عیراقێ سه‌ره‌دانا هه‌رێما كوردستانێ و دانوستاندنێ ل گه‌ل لایه‌نێن سیاسی بكه‌ت ژبوی پشته‌ڤانیكرنا وی بۆ پێگ ئینانا حوكمه‌تا نوویا عیراقێ كو كوردان ژی به‌رنامه‌یی خو بۆ كابینا نوو به‌رهه‌ڤكریه.
ئه‌ڤرۆ نیوز،بارزان مزووری، نەوزاد هلوری::
نازم محه‌مه‌د ئه‌مین ، سه‌رپه‌رشتێ تیما رامالینا به‌فرێ ل سه‌رۆكاتیا باژێرڤانیا دینارته بۆ ئه‌ڤرۆ نیوز گۆت:ئه‌ڤرۆ سێدێ رێكه‌فتی 8/2/2020 هاتینه ئاگه‌هداركرن كۆ مه‌ترسیا هاتن و چونێ ل سه‌ر رێكا چیایێ پێرس دروست بوویه ژ ئه‌گه‌رێ هه‌رفینا ئاخێ بۆ سه‌ر رێكێ و پشكه‌ك ژ رێكێ هاتیه گرتن بتنێ جهه‌ك هاتیه ڤه‌كرن بۆ هاتن و چوونا ترۆمبێلا.
ناڤهاتی گۆت:ئه‌و جهێ هه‌رفتی وی جهی مین یێن لێ هه‌ین ئه‌ڤه چه‌ندین ساله هێمایێن هه‌بوونا مینا هاتینه دانان ژلایێ حزبا به‌عس ڤه هات بوونه دانان هه‌تا نها نه‌هاتینه پاقژكرن له‌ورا بۆ تیمێن رامالینێ گه‌له‌ك یا مه‌ترسیه پێدڤی یه تیمێن راكرنا مینان بهێن دا ژیانا تیمێن رێك و پرا و باژێرڤانیێ بهێن پاراستن ژبه‌ركۆ ئه‌وی جهێ مین لێ هه‌ین رێژا مینا گه‌له‌ك یا زێده‌یه ل وی جهێ پێشبینی دهێته‌كرن كۆ ئه‌و مین دگه‌ل وێ ئاخێ هات بنه د رێكێ دا.
ردوان محیەددین، ژ باژێرڤانیا دینارتە بۆ ئەڤرۆ نیوز گۆت: ئەگەرێ بارینا بارانەکا زۆر و تێکچۆنا رەوشا کەش و هەوایی، پشکەک ژ چیایێ پیرس هەرفت و کەفتە د رێیا سەرەکی یا چیایێ پیرس دا، کێشە بۆ هاتن و چوونێ دروستکریە، بەلێ ژبەرکو ئاستەنگ دروستکریە، دێ تیمەکا باژێرڤانیا دینارتە ب ئەرکێ راکرنا وان بەرا و ئاخێ رابیت داکو شوفێر بێ کێشە بشێن هاتن و چوونێ بکەن.
دهێتە زانین کو رێیا چیایێ پیرس هەردو دەڤەرێن بارزان و دینارتە پێکڤە گرێددەت .
ئه‌ڤرۆ نیوز،بارزان مزووری:
ئه‌حمه‌د خه‌یات،ئێك ژ كه‌سێن نێزیكێن وی سنێله‌یێ باژێرێ مووسل بۆ ئه‌ڤرۆ نیوز گۆت:ئه‌ڤرۆ سپێدێ رێكه‌فتی 8/2/2020 سنێله‌ك ل گۆندێ زهیلیل ل باشورێ باژێرێ مووسل گازێ ب خۆدا دكه‌ت و سوژیت به‌ری بگه‌هیته نه‌خوشخانێ گیانێ خۆ ژ ده‌ست دا.
ناڤهاتی خویاكر وی سنێله‌ی به‌ری هه‌یڤه‌كێ داخاز ژ بابێ خۆ كر بوو كۆ مۆبایله‌كێ بۆ بكریت بابێ وی ژی سوزدایێ كۆ مووچه‌یێ خۆ وه‌رگریت سوزا وی جێ به جێ بكه‌ت بابێ وی مووچه وه‌رگرت سوزا خۆ جێ به جێ نه‌كر ئاگر به‌ردا خۆ ئێكسه‌ر گیانێ خۆ ژ ده‌ست دا.
ئه‌ڤرۆ نیوز:
رێڤه‌به‌رێ به‌رهنگاربوونا تیرۆرێ ل نه‌ته‌وه‌یێن ئیكگرتی راگه‌هان: 27 هه‌زار تیرۆریستێن بیانی ل سوریا و عیراقێ دا هه‌نه.
ڤلادیمیر ڤورونكوڤ رێڤه‌به‌رێ به‌رهنگاربوونا تیرۆرێ ل نه‌ته‌وه‌یێنكگرتی راگه‌هاند: داعش یا به‌رده‌وامه بۆ ڤه‌گه‌راندنا شیانێن خۆ بۆ ئه‌نجامدانا كارێن تیرۆریستی یێن نێڤ ده‌وله‌تی، شانه‌یێن نڤستی یێن داعشێ هێشتا به‌رده‌وامن ژ بكار ئینانا ستراتیژیا كۆنترۆلكرنا ئه‌وان ده‌ڤه‌رێن ئاریشه تێدا هه‌ی.
رێڤه‌به‌رێ به‌رهنگاربوونا تیرۆرێ ل نه‌ته‌وه‌یێن ئێكگرتی دازانین دڤێت زۆر ئاگه‌هدار بین ژ ئه‌گه‌ری سه‌رهلدانا داعشێ چ ل ده‌مه‌كێ نێزیك یان دوور، چونكو هژماره‌كا زۆر ژ تیرۆریستێن بیانی چوینه ناڤ عیراقی و سوریا، هژمارا وان نێزیكی 27 هه‌زار تیرۆریست بوون.
ئه‌مریكا چه‌ندین جاران داخاز ژ وه‌لاتێن ئه‌ورۆپا كر كۆ چه‌كدارێن داعشێ یێن ب ره‌گه‌ز ئه‌ورۆپی، بۆ چاره‌سه‌ركرنا قه‌یران و دادگه‌هكرنا داعشێ ل سوریا و عیراقێ، به‌لێ وه‌لاتێن ئه‌ورۆپا ئه‌و داخازیا ئه‌مریكا ره‌تكرن، هه‌ول دده‌ن دادگه‌هه‌ك ل رۆژهه‌لاتا ناڤین بهێته درۆستكرن بۆ داگه‌هكرنا داعشان.
نيشاندان