ئەڤرۆ نیوز:
سەرۆکاتیا پەرلەمانێ کوردستانێ د راگەھاندنەکێ دا بەرنامێ کارێ کومبوونا ئه‌ڤرۆ رۆژا سێشەمبی ١١-٦-٢٠١٩ یێ روونشتنا وان ئاشکرا کر.
ل دووڤ بەرنامێ کارێ پەرلەمانێ کوردستانێ ئه‌ڤرۆ رۆژا سێشەمبی ل دەمژمێر 11:00ێ دەربارەی دەستنیشانکرنا سەرۆکێ دەستھەلاتا جێبەجێکرنا ھەرێما کوردستانێ دەستنیشان بکەت ل دووڤ برگا ٣ ژ ماددێ ٥٦ یێ قانوونا ھەلبژارتنا پەرلەمانێ کوردستانێ یا راستڤەکری یا ھژمارە ئێک یا سالا ١٩٩٢ێ.
دەقێ راگەھاندنا پەرلەمانێ کوردستانێ ب ڤی شێوەی یە:
ئه‌ڤرۆ نيوز:
ل نێزيك گرێ زه‌رگه‌ته يێ مه‌كۆيا سه‌ره‌كى يا بزاڤا گۆڕان ل سلێمانيێ ته‌قه هاته كرن و ژێده‌ره‌كى ژ گۆڕان راگه‌هاند كو “زێره‌ڤانه‌ك هاتيه كوشتن”.
ژێده‌ره‌كى ژ بزاڤا گۆڕان بۆ رووداو گۆت: “دره‌نگيا شه‌ڤا بۆرى ل نێزيك گرێ زه‌رگه‌ته ته‌قه هاته كرن. شه‌هيده‌ك هه‌يه كو زێره‌ڤانێ گرێ زرگه‌ته‌يه. هێشتا نزان ژى كێ ته‌قه كريه و نه‌شێين پێزانينێن زێده‌تر بده‌ن”.
پۆليسێن سلێمانيێ ژى ئه‌ڤ چه‌نده ته‌كست كريه كو “زێره‌ڤانه‌ك هاتيه كوشتن”، به‌لێ ئاماده نه‌بوويه چو پيزانينێن زێده‌تر بده‌ن.
ب گۆره‌ى پێزانيان ئه‌و زێره‌ڤانێ هاتيه كوشتن ناڤێ وى “بلند”ه و رووداو ژى ب ڤى ره‌نگى بوويه؛ “چه‌ند پۆليسێن گرى ڤيايه بچنه سه‌ربانێ نه‌خۆشخانا ئه‌نوه‌ر شێخه كو يا ل به‌رامبه‌ر گرى ل نێزيك مالا كورێ نه‌وشيروان مسته‌فا، ل ده‌مێ چووين ده‌نگ د ناڤبه‌را زێره‌ڤانێن نه‌خۆشخانێ و پۆليسێن گرى دا روودايه، ژ ئه‌گه‌رێ وێ چه‌ندێ ته‌قه هاتيه كرن و زێره‌ڤانه‌كێ گرى هاتيه كوشتن”.
بەپێی زانیارییەکانی رووداو ئەو پاسەوانەی کوژراوە ناوی ”بڵند”ـە و رووداوەکەش بەمشێوەیە بووە ”چەند پۆلیسێکی گردەکە ویستوویانە بچنە سەربانی نەخۆشخانەکەی ئەنوەر شێخە، کە بەرامبەر گردەکەی نزیک ماڵی کوڕەکانی نەوشیروان مستەفایە، لە کاتی چوونیان دەنگە دەنگ لەنێوان پاسەوانی نەخۆشخانەکە و پۆلیسی گردەکە روویداوە، بەهۆیەوە تەقەکراوە و پاسەوانێکی گردەکە کوژراوە”.
ئەڤرۆ نیوز ، زنار تۆڤی:
ناحیا كانی ماسێ دەڤەرەكا هەڤسنورە ل گەل وەلاتێ توركیا، لەوما ب ئەگەرێ هەبوونا بارەگایێن پەكەكێ ل ڤێ دەڤەرێ، ب رەنگەكێ بەردەوام تۆپخانە و هێزێن ئەسمانی یێن سۆپایێ توركیا ڤێ دەڤەرێ بوردۆمان دكەن، خەلكێ ڤێ ناحیێ ژی ژ گەریانێن چیایی و سرۆشت و ئینانا گیایی بهاری و كار كرن دناڤا رەز و زەڤیێن خوە دا بێ بەهر بووینە، لەوما خەلكێ گەلەك گوندێن ڤێ دەڤەرێ د وەرزێن بهار و هەموو وەرزێن دیتر دا نەشێن بچنە سەر گوندێن خوە و دخوازن پەكەكێ دەڤەریا وان چۆل بكەت.
سەربەست سەبری ئاكرەیی رێڤەبەرێ ناحیا كانی ماسێ، بۆ ئەڤرۆ نیوز دیار كر: ناحیا كانی ماسێ دەڤەرەكا هەڤسنورە ل گەل وەلاتێ توركیا، لەوما رۆژانە و ب رەنگەكێ بەردەوام ب بەهانەیا چەكدارێن پەكەكێ گوندێن ڤێ دەڤەرێ ژ ئالیێ تۆپخانە و فرۆكێن توركیا ڤە دهێنە بوردومانكرن و ئەڤ دەڤەرە بوویە جهێ ململانا پەكەكێ و سۆیایێ توركیا و ڤێ چەندێ گەلەك زیان گەهاندیە خەلكێ ڤێ دەڤەرێ ب تایبەتی د ئالیێ چاندنێ دا، هەروەسا زیان گەهشتیە گەلەك زەڤی رەزێن وەلاتیێن ڤێ دەڤەرێ و هەتانوكە نەهاتنیە قەرەبۆكرن ژی، هەروەسا ژ ئەگەرێ وان شەر و ململانا هەتانوكە 14 گوندێن ڤێ دەڤەرێ هاتینە چۆلكرن و نوكە كەس ل وان گوندان ناژیت، هەروەسا نوكە 51 گوندێن ڤێ دەڤەرێ د ئاڤانە و خەلك لێ دژیت.
حەجی رەشید بێتكاری وەلاتیەكێ ناحیا كانی ماسێ یە، بۆ ئەڤرۆ نیوز دبێژیت: شەر و مململانا سۆپایێ توركی و پەكەكێ كارتێكرنەكا نەرێنی كریە سەر رەوشا ئێمناهیێ ل ڤێ دەڤەرێ، كو ئێدی خەلك نەشێن بچنە ناڤا زەڤی و ئاقارێن خوە سەخبێریا زەڤیێن خوە بكەن و نەشێن خوە ژ گوندێن خوە دوور بكەن، هەم ژ ترسا فرۆكێن شەركەر یێن سۆپایێ توركیا و دیسا ژ ترسا دەستێوەردانا چەكدارێن پەكەكێ دناڤا گوند و ئاقارێن خەلكێ دا، لەوما نوكە دەڤەرا بەرواری بالا یا بوویە مەیدانا شەری، هەروەسا ژ دەرئەنجامێ شەرێ پەكەكێ و توركیا دا زیان دگەهیتە خەلكێ هەژار و جۆتیارێن ڤێ دەڤەرێ.
حەجی زێدەتر دبێژیت: ئەم وەك خەلكێ ڤێ دەڤەرێ داخوازێ ژ هەردو ئالیان دكەین شەرێ خوە بێخنە د سنورێ وەلاتێ خوە دا و دەڤەرا مە نەكەنە مەیدانا شەرێ خوە، داكو خەلكێ مە ژی بشێن كاری دناڤا زەڤی رەزێن خوە دا بكەن و بچنە چیایان، چونكی ئێدی خەلكێ ڤێ دەڤەرێ تەحەمولا ڤی دۆخی ناكەت، هەروەسا هەكە رەوشا ناحیا كانی ماسێ ب ڤی دەستوداری یا بەردەوام بیت، ئەز یێ د وێ باوەریێ دا، كو ئەڤ سالێن بهێن پتریا وان خەلكێن ماینە ل سەر گوندێن خوە ژی، ئەو ژی دێ گوندێن خوە بەردەن و دێ گوندێن وان چۆل بن.
ئەڤرۆ نیوز،بارزان مزووری:
ئەڤرۆ نیڤرۆ رێکەفتی ١٠ی ئایارێ ٢٠١٩ی “سیروان رۆژبیانی” جێگرێ ئێکێ یێ پارێزگارێ مووسل پشتی دەست بکاربوونا وی سەرەدانا قائیمقامیا قەزا شێخان دا دگەل “سردار یحیی عبدالعزیز”قائیمقامێ قەزا شێخان کۆمبو لدور وان پرۆژێن پێتڤی یێن قەزا شێخان ب ئیدارا مووسل ڤە گرێدای.
سیروان رۆژبیانی، جێگرێ ئێکێ یێ پارێزگارێ مووسل بۆ ئەڤرۆ نیوز گوت: مەرەم ژ ئەنجام دانا کۆمبونێ دگەل قائیمقامێ قەزا شێخان لدور وان پرۆژێن پێتڤی یێن بۆ قەزایێ نەھاتینە ئەنجام دان یێن ئیدارا مووسل ڤە گرێدای کۆ پشتی دەست بکاربوونا پارێزگارێ نوی کار بکەین کو قەزا شێخان وەکو ھەموو قەزایێن دی یێن ب پارێزگەھێ ڤە گرێدای مافێ وان ژ رویێ پرۆژان ڤە نەھێت خارن ھەر بودجەیەکا بھێت بو وان قەزا و ناحیا بەھرا شێخان ژی تێدابیت ،
ناڤھاتی خویاکر د بەردەوامیا کومبوونا خۆدا گەنگەشە ھات کرن کۆ باوەریێ بۆ ئاوارێن نەڤەگەریاینە سەر جھێن خۆ دروست کەن ئەو ئاوارێن دناڤ کەمپان دا دژین ل قەزا شێخان ،
ناڤھاتی گوت قەزا شێخان یا بێ بەھرە ژ پشکەک ژ پرۆژێن خزمەتگوزاری دێ کار کەین کۆ ئەو پرۆژێن پێتڤی بۆ قەزا شێخان ئەنجام دەین .
ئەڤرۆ نیوز:
بەرپرسێ لێژنا ناوچا پارتی ل زومار دیار کر، د جەژنا رەمەزانێ دا کەسەک ب ناڤێ (محەمەد ئەحمەد) ژ لایێ ھندەک کەسێن نەنیاسڤە ل زومار ھاتە رەڤاندن، نۆکە تەرمێ وی ھاتیە دیتن”.
حەسەن خەلۆ، بەرپرسێ لێژنا ناوچا پارتی ل زومار خویا کر، کەسەک ل زومار ب ناڤێ (محەمەد ئەحمەد) ھەڤکاریا دام و دەزگەھێن حوکمەتا عیراقی دکر، لەورا ژی ھندەک کەسێن نەنیاس ل گوندەکێ سەر ب ناحیا زومارڤە ئەڤ وەلاتیە رەڤاندیە و بەرەڤ جھەکێ نە دیار برینە و بۆ (باسنیوز) گۆت: “پشتی بۆرینا چەندەکێ تەرمێ وی وەلاتی ھاتە دیتن، وان کەسێن نەنیاس ئەو وەلاتیە ل ناحیا زومار کوشتبوون و ھاڤێتبوونە ئەردەکێ، ئەڤە ژی بوویە ئەگەر ترس بۆ خەلکی دروست ببیت و نەوێرن ب زڤڕنە سەر مالێن خوە، چونکو ئێمناھی ل دەڤەرێ نینە”.
حەسەنی ئاماژە ب وێ چەندێ ژی کر کو وەسا دیارە گەفێن تیرۆرستێن داعش ل سەر خەلکێ دەڤەرا زومار ھەنە و خەلک نەوێرن ھەڤکاریا حوکمەتێ ژی بکەن ھەر ئەڤە بوویە ئەگەر ھەتا نوکە گەلەک ژ خەلکێ زومار نەشێن ڤەگەڕنە سەر مالێن خوە.
ئەڤرۆ نیوز:
ئەندامەکێ جڤاتا قەزا شنگالێ دیار کر، ئاگرەکێ مەزن بەربوویە دەخلودانێ جۆتیارێن کورد یێن دەڤەرا شنگالێ و دبێژیت: ھەتا نوکە ئەگەرێن روودانێن سۆتنا دەخلودانێ جۆتیارێن کورد نەھاتیە زانین.
خەلیل حەسەن، ئەندامێ جڤاتا قەزا شنگالێ ئاشکرا کر، ئەڤرۆ ١٠/٦/٢٠١٩ ئاگر بەربوویە دەخلودانێ جۆتیارێن کورد د ناڤبەرا بەعاج و قەزا شنگالێ دا و بۆ (باسنیوز) گۆت: “د ڤێ روودانا ئاگربەربوونێ دا، رووبەرەکێ مەزنێ دەخلودانێ دیسا ھاتە سۆتن و ئەگەرێن ڤان روودانان ژی ھەتا نوکە ئاشکرا نینن، ھەر کەسەک تشتەکی دبێژت، لێ ئەڤ سالە مەزنترین رووبەرێ دەخلودانێ جۆتیارێن کورد ل شنگالێ ھاتیە سۆتن”.
وی ئەندامێ جڤاتا قەزا شنگالێ ئاماژە ب وێ چەندێ ژی کر کو د شەڤترا بۆری ژی دا دو جاران ئاگر بەربوویە دەخلودانێ جۆتیاران ل نێزیک تەلەعفەر، دیسا دوھی ژی ئاگرەکێ مەزن بەربوویە دەخلودانێ جۆتیاران د ناڤبەرا بەعاج و شنگالێ دا و پتریا وی ئەردی ژی یێ جۆتیارێن کوردە.
ئەڤرۆنیوز، عەلی حاجی:
رێڤەبەرێ ناحیا دەرکارێ بۆ ئەڤرۆ نیوز دیار کر، بەردەوامیا تۆپبارانکرنا سۆپایێ تورکیا، مەترسی ل سەر ژیانا وەلاتیێن دەڤەرێ دروستکریە و روودانێن ئاگربەربوونێ و سۆتنا ژینگەھێ و پاوانێ وەلاتیان زێدەتر لێھاتیە.
زێرەڤان موسا، رێڤەبەرێ ناحیا دەرکارێ د داخویانیەکێ دا خویا کر، ل گورەی وێ راپۆرتا ل بەردەستێ وان ھەر ژ رێکەڤتی ٢٩/٥ ھەتا رۆژا ٧/٦/٢٠١٩ رۆژانە دەڤەرێن سەر ب ناحیا دەرکارێ ڤە ژ لایێ سۆپایێ تورکیاڤە دھێنە تۆپبارانکرن و گۆت: “ھەر ژ وی دەمی ھەتا ئەڤرۆ ٣٣ جاران ئەو دەڤەر ھاتینە تۆپباران کرن، ئەڤ چەندە ژی بوویە ئەگەر زیانێن مەزن بەر ب ژینگەھێ و وەلاتیان بکەڤن، ھەر د ڤێ ھەیڤێ دا ژ بەر تۆپبارانا سۆپایێ تورکیا ئاگر ب ژینگەھێ کەڤتیە، دیسا بوویە ئەگەر ژی ئێدی بەرھەمێن جۆتیاران بەر ب لاوازیێ ڤە بچن”.
گۆتژی: “ئێدی ل دەڤەرا مە رەوش گەھشتیە وی رادەیی، وەکو رێڤەبەریا ناحیا دەرکارێ ئەم نەشێین گەرەنتیێ بدەینە ھەرکەسەکێ قەستا وان دەڤەران بکەت، ژ بەرکو رەوشا وان دەڤەران گەلەک خرابتر بوویە و سۆپایێ تورکیا ژی رۆژانە تۆپبارانا وان دەڤەران دکەت و چو جوداھیەکێ د ناڤبەرا پەکەکێ و وەلاتیان دا ناکەت”.
رێڤەبەرێ ناحیا دەرکارێ ئاشکرا ژی کر، ل رۆژا ٤/٦/٢٠١٩ رۆژا ئێکێ یا جەژنا رەمەزنا پیرۆز و گەنجەکێ ئێزدی یێ ئاکنجیێ کەمپا چەمشکۆ بناڤێ (ئەمین سالح) د ژیێ ٢٢ سالیێ دا ب کارەکێ چاندنێ قەستا گوندێ کیزابێ دکەت، بەلێ ژ لایێ سۆپایێ تورکیاڤە دھێتەکوشتن و گۆت: “بەردەوامیا تۆپبارانکرنا تورکیا ئێدی ئەم ژی نەئارامکرینە، ژ بەرکو ئەم دترسین روودانێن مەزن یێن ئاگربەربوونێ ل وان دەڤەران روو بدەن کو ھەتا ترۆمبێلێن ئاگرڤەمراندنێ ژی نەشێن بگەھنە وان دەڤەرێن ئاسێ، زێدەباری وێ چەندێ د نوکە دا وەرزێ گەنمی یە و مەترسیەکا مەزن کەڤتیە سەر سۆتنا بەرھەمێ جۆتیارێن دەڤەرێ”.
زێرەڤان موسا ئاماژە ب وێ چەندێ ژی کر کو بابەتێ بەردەوامیا سۆپایێ تورکیا وەکریە ئێدی ئەو گەرەنتیا ساخلەمیێ نەدەنە چو کەسەکی ھەتا ترۆمبێلێن ئاگرڤەمراندنێ ژی، ژ بەرکو رۆژ بۆ رۆژێ رەوش خرابتر لێدھێت”.
ئەڤرۆ نیوز، حەمۆ محەمەد:
وەزارەتا خواندنا بلند و ڤەکۆلینێن زانستی یا حوکمەتا ھەرێما کوردستانێ دیار کر کو وەلاتێ چینێ ھژمارەکا کورسیێن خواندنا بلند؛ ماستەرێ پێشکێشی ھەرێما کوردستانێ کرینە، لەو ھەر فەرمانبەر و وەلاتیەکێ حەزا خواندنێ ل وی وەلاتی ھەبیت و مەرجێن پێدڤی ل نک ھەبن دشێت داخوازیا خوە پێشکێش بکەت.
وەزارەتا خواندنا بلند ئاشکرا ژی کریە کو وەلاتێ چینێ ئەو کۆرسیێن خواندنا بلند بۆ سالا نوو یا خواندنێ ٢٠١٩ – ٢٠٢٠ بۆ ھەرێما کوردستانێ دابینکرینە، لەو وەکو وەزارەت ئەم وەلاتی و فەرمانبەران ئاگەھدار دکەین کو ھەر کەسێ بڤێت ل وەلاتێ چینێ خواندنا بلند؛ ماستەرێ بەردەوامیێ بدەتێ و مەرجێن پێدڤە ل نک ھەبن، وەکو: وەلاتیێ ھەرێمێ بیت، ھەکە پێشکێشار فەرمانبەر یان مامۆستا بیت دو سالێن خزمەتێ تمام کربن، ترایێ گشتی یێ بەکالۆریۆسێ ژ ٦٥% کێمتر نەبیت، ژیێ وی ژ ٤٥ سالان پتر نەبیت و شیانێن زمانێ ئنگلیزی ھەبن دشێت داخوازیا خوە پێشکێش بکەت.
ئاماژە ب وێ چەندێ ژی کریە کو ھەموو مەزاختیێن کرێیا خواندنێ، و مەزاختیێن ژیانێ و کرێیا ھاتنوچوونێ ژ لایێ حوکمەتا چینا مللی دێ بۆ بەربژارێن سەرکەفتی ھێنە دابینکرن.
وەزارەتا خواندنا بلند دایە زانین کو دووماھی دەرفەت بۆ پێشکێشکرنا داخوازیان رۆژا ٢٥/٦/٢٠١٩ یە.
ئەڤرۆ نیوز، حەمۆ محەمەد:
رێڤەبەریا گشتی یا رەوشەنبیری و ھۆنەری ل دھۆکێ ب ھەڤکاری ل گەل سەرۆکاتیا باژێڕڤانیا دھۆکێ و ب پشتەڤانیا (فەرھاد ئەمین ئەترووشی) پارێزگەرێ دھۆکێ دێ رێورەسمێن کەرنەڤالێ حەفتێ یا رۆژا پارێزگەھبوونا دھۆکێ ب چەند چالاکیان ئەنجام دەەت.
رێڤەبەریا گشتی یا رەوشەنبیری و ھۆنەری ل پارێزگەھا دھۆکێ ئاشکرا کر، ل رۆژێن ١٢ و ١٣/٦/٢٠١٩ رێورەسمێن کەرنەڤالێ حەفتێ یێ رۆژا پارێزگەھبوونا دھۆکێ ب چەند چالاکیان ل دەمژمێر شەشێ ئێڤاری ل پارکا نەورۆز یا سەنتەرێ بازارێ دھۆکێ ئەنجام دەەت.
وەکو دیار ل رۆژا ٢٧/٥/١٩٦٩ دھۆک ببوو پارێزگەە کو ئێک بوو ژ دەستکەفتێن شۆرەشا ئیلۆنێ ب سەرۆکاتیا بارزانیێ نەمر، ھەر سال ئەڤ ھەلکەفتە ل دھۆکێ ب چەند چالاکیێن جودا دھێتە ساخکرن و کەرنەڤال دھێنە ئەنجامدان، لێ ئەڤ سالە ژ بەر کو دکەفتە د ھەیڤا رەمەزانا پیرۆز دا، کەرنەڤال بۆ رۆژێن ١٢ و ١٣/٦/٢٠١٩ ھاتە پاشختن.
ئه‌ڤرۆ نیوز:
سه‌رۆكاتیا هه‌رێما كوردستانێ ل گه‌ل سویند خوارنا نێچیرڤان بارزانى سه‌رۆكێ نوو یێ هه‌رێما كوردستانێ، لۆگۆیه‌كێ نوو به‌لاڤكر كو ده‌سته‌واژه‌یا سه‌رۆكایه‌تیا هه‌رێما كوردستانێ ب زمانێ ئینگلیزى دانایه سه‌ر ل گه‌ل زمانێ كوردى وعه‌ره‌بى كو پێشتر تنێ ئه‌و ده‌سته‌واژه‌یه ب وان هه‌ردو زمانان هه‌بوو.
نيشاندان