UN پشته‌ڤانیێ ل به‌رنامێ حوكمه‌تا داهاتى یا هه‌رێما كوردستانێ دكه‌ت
ئه‌ڤرۆ نیوز:
راسپاردیێ پێكئینانا كابینا نوو یا حوكمه‌تا هه‌رێما كوردستانێ مه‌سرور بارزانى ئه‌ڤرۆ سێشه‌مبى 2/7/2019 پێشوازى ل (جینین هینیس بلاسخارت) نوونه‌را تایبه‌ت یا سكرتێرێ گشتیێ نه‌ته‌وێن ئێكگرتى ل عیراقێ وشاندێ د گه‌لدا كر.
د دیداره‌كێ دا، مه‌سرور بارزانى روناهى خسته سه‌ر رۆلێ نه‌ته‌وێن ئێكگرتى ب ئاراسته‌ىیا چاره‌سه‌ركرنا پرسێن هه‌لاویستى، ژ وان ئاساییكرنا ره‌وشا كه‌ركووكێ وئاڤه‌دانكرنا ده‌ڤه‌رێن زیانڤێكه‌فتیێن شه‌رێ تیرۆرستێن داعشێ وراگه‌هاند” چاڤدێرى وسه‌رپه‌رشتیا پرۆسێ ژ لایێ نه‌ته‌وێن ئێكگرتى ڤه ب پێدڤى دزانین”.
ژ لایێ خوه‌ڤه نوونه‌را تایبه‌ت یا شكرتێرێ گشتیێ نه‌ته‌وێن ئێكگرتى ل عیراقێ خوه‌شحالیا خوه ب گاڤێن پێكئینانا كابینا نوو یا حوكمه‌تا هه‌رێما كوردستانێ وپێشڤه‌چوونێن په‌یوه‌ندیان د ناڤبه‌را هه‌رێمێ وبه‌غدا ده‌ربرى وپشته‌ڤانیا نه‌ته‌وێن ئێكگرتى ژى بۆ بزاڤ وبه‌رنامێن حوكمه‌تا داهاتى یا هه‌رێما كوردستانێ د وارێ چاكسازیێ وچاره‌سه‌ركرنا كێشه وپرسێن هه‌لاویستى نیشان دا.
