ئینانا هندەك بەرهەمێن پاییزی بۆ هەرێمێ هاتە قەدەغەكرن
دهۆك، دلۆڤان ئاكرەیی:
بەرپرسەكێ چاندنی ل هەرێما كوردستانێ دیاركر، ئینانا هندەك بەرهەمێن پاییزێ مینا: هنار، تری و سێڤ، هاتیە قەدەغەكرن، ئەڤ بڕیارە هەتا ڕێككەفتی 15/12/2025 دێ یا بەردەوام بیت.
هێمن سەید موراد، بەرپرسەكێ چاندنێ ل وەزارەتا چاندنا هەرێما كوردستانێ بۆ رۆژنامەیا ئەڤرۆ گۆت: «ئینانا هندەك بەرهەمان ب درێژاهیا سالێ قەدەغەیە، ژ وان: پەتات، كەسكاتی ب شێوەیەكێ گشتی، هێك و گۆشتێ مریشكێ، ژ بەر كو بەرهەمێ ناڤخۆ د درێژاهیا سالێ دا ژ پێدڤیا ناڤخۆیی زێدەترە، لێ ئەو بەرهەمێن بازارێ مە پێدڤی پێ هەبیت و یێ ناڤخۆ نەبیت، د دەمێن جودا دا رێ ب ئینانا وان دهێتە دان».
