بڕیارا هەلبژارتنێن كوردستانێ د دەستێن نێچیرڤان بارزانی دایە و ئامادەبوونا وی بۆ بەغدا گەلەك یا گرنگە
سەرۆكێ هەڤپەیمانیا (نەبنی ) هادی عامری ڕاگەهاند، پشكداریا سەرۆكێ هەرێما كوردستانێ نێچیرڤان بارزانی د كۆمبوونا هەڤپەیمانیا برێڤەبرنا دەولەتێ كو حكومەتا سودانێ پێ هاتیە پێكئینان، پشكداریەكا گەلەكا گرنگە.
هادی عامری هەروەسا پشتی كۆمبوونا ل گەل نێچیرڤان بارزانی د كونگرەكێ رۆژنامەڤانێ دا ڕاگەهاند، سەبارەت كۆمبوون و هەڤدیتنێن سەرۆكێ هەرێما كوردستانێ نێچیرڤان بارزانی ل بەغدا ئارمانج ژێ ب هێزكرنا پەیوەندیێن د ناڤبەرا هەرێما كوردستانێ و حكومەتا فیدرالییە بۆ دیتن چارەسەری و نەهێلانا كێشێن هەلاویستی، هەروەسا دوپاتكر ئەو كێشە هەموو بەر ب چارەسەریێ دچن.
دیسان ل دۆر بابەتێ هەلبژارتنێن پەرلەمانێ كوردستانێ هادی عامری گۆت: بڕیارا بنبڕكرنا ڤی بابەتی و دەستنیشاكرنا دەمێ هەلبژارتنان د دەستێن سەرۆكێ هەرێمێ دایە، هەڤدەم ئاماژەدا هندێ نێچیرڤان بارزانی هزر د دەمەكی دا دكەت، كو بۆ هەموو ئالیێن سیاسی یێ گونجایێ بیت.
