كۆمبوونەك ل دۆر رێكخستن و چاندنا پاركان و پاقژ ڕاگرتنا ژینگەهێ هاتە كرن

ماجد سەید سالح، جێگرێ پارێزگارێ دهۆكێ دوهی 20/5/2024 كۆمبوونەك ل گەل نوونەرێ رێكخراوا (I.L.O) و رێڤەبەریا ژینگەها دهۆكێ و ئاڤدێریێ و نوونەرێ رێڤەبەریا گشتی یا باژێرڤانیان ل دۆر رێكخستن و چاندنا پاركان و رێكخستن و پاقژ راگرتنا ژینگەهێ‌ ئەنجام دا.
د كۆمبوونێ دا بەحسێ رەوشا پاركێن باژێری و پرۆسا بەردەوام یا چاندنا داران و چاڤدانا وان و سەخبێركرن و پاقژكرنا جوكێن ئاڤدانێ و پڕۆژەیێن رێڤەبەریا گشتی یا باژێرڤانیان ل پارێزگەهێ ئەوێن گرێدای ب ژینگەهێ ڤە ب گشتی هاتە كرن.
جێگرێ پارێزگارێ دهۆكێ سوپاسیا رێكخراوا ناڤبری كر ل دۆر ئەو هاریكاریا پێشكێش دكەن، نەخاسمە بۆ چاندنا داران د ناڤ پاركا ئالۆكا و جهێن دی دا و خواست هەموو لایەن پتر گرنگیێ ب پاراستن و پیشئێخستنا ژینگەهێ و باخچە و پاركان بدەن و پشتەڤانیا پارێزگەهێ بۆ هەر هاریكاریەكێ دیار كر.
دیسا هەر دوهی 20/5/2024 ماجد سەید سالح، جێگرێ پارێزگارێ دهۆكێ كۆمبوونەك ل گەل دەڤەردارێن دهۆكێ‌ و سێمێلێ‌ و چەند رێڤەبەرێن پەیوەنیدار ئەنجام دا، د كۆمبوونێ دا بەحسێ ئاریشەیا كێمبوونا ئاڤاهیێن قوتابخان و باخچەیان د ناڤ یەكەیێن ئاكنجیبونێ دا و چاوانیا چەرەسەكرنا وێ ئاریشەیێ ب گشتی هاتە كرن.
دیسا د تەوەرەكێ دی دا بەحسێ رەوشا نڤێسینگەهێن فرۆتنا كەلوپەلێن ئاڤاهیان و كارتێكرنا وان ل سەر ژینگەها دەڤەرێ و چاوانیا ڤەگوهاستنا وان بۆ جهەكێ باشتر و گونجایتر هاتە كرن.
جێگرێ پارێزگارێ دهۆكێ بڕیار دا و لژنە هاتنە پێكئینان، كو ب هووربینی دووڤچوونا هەردو بابەتان بكەن و ب زووترین دەم هەردو ئاریشە بهێنە چارەسەركرن.

کۆمێنتا تە