پێدڤیە پتر خزمەتا وەلاتیان بهێتە كرن
شڤان عەبدی، بەرپرسێ ڕاگەهاندنا ئیدارەیا سەربخوە یا زاخۆ بۆ ڕۆژناما ئەڤرۆ دیار كر كو ئەڤرۆ ب مەرەما پتر خزمەتكرنا خەلكێ ل سنوورێ ئیدارەیا سەربخوە یا زاخۆ، گوهدار شێخۆ، سەرپەرشتێ ئیدارەیا سەربخوە یا زاخۆ، ل گەل ئالیێن پەیوەندیدار كۆمبوو.
بەرپڕسێ ڕاگەهاندنا ئیدارەیا سەربخوە یا زاخۆ گۆت: «د كۆمبوونێ دا بەحس ل بابەتێن گرێدایی ژین و ژیارا خەلكی هاتە كرن، كو پتر خزمەتا خەلكی د هەموو بیاڤان دا بهێتە كرن و كێمكرنا ڕووتینان و نەهێلانا گەندەلیێ».
گۆتژی: «بەحس ل هەماهەنگیا باشتر د ناڤبەرا دەزگەهێن مە یێن حكومی دا ژی هاتە كرن، دا بشێن وان ئاریشەیێن مایینە هەلاویستی چارەسەر بكەین و بێخینە د خزمەتا خەلكێ دەڤەرێ دا و باژێری ژ هەموو ڕوویەكیڤە پێشبێخین».
شڤان عەبدی زێدەتر گۆت: «گوهدار شێخۆ د كۆمبوونێ دا دیار كر كو پێدڤیە هەموو دام و دەزگەهێن مە هەست ب بەرپرسیارەتیێ بكەن، چونكی ئارمانجا مە ڕازیكرنا خەلكێ مە یە».
