ئاریانی پشكداری د پێشانگەهەكا نێڤدەولەتی دا كر
زنار تۆڤی:
هونەرمەندێ شێوەكار(ئاریان لەتیف) د د یدارەكێ دا بۆ رۆژناما ئەڤرۆ دبێژیت: وی پشكداری د پێشانگەهەكا نێڤدەولەتی دا كر ل باژێرێ ڤینێس ل وەلاتێ ئیتالیا و هەشتێ شێوەكاران كو ژ چل وەلاتێن جیهانێ هاتبوون پشكداری دوێ پێشانگەها هەڤپشكدا كربوون.
ناڤهاتی گۆت: ئەو پێشانگەه ل پازدەی ڤێ هەیڤێ هاتبوو ڤەكرن و دێ هەتا بیست و نەهی ڤێ هەیڤێ یا بەردەوام بیت و رۆژانە هژمارەكا زۆرا مرۆڤان سەرەدانا وێ پێشانگەهێ دكەن و رێكخراوەكا ئورۆپی سەرپەرشتیا وێ پێشانگەهێ دكەت.
ئاریان خەلكێ پارێزگەها سلێمانیێ یە، ل 2014 دەست بكارێ شێوەكاری كریە و هەتا نوكە پشكداری د بیست پێشانگەهێن هەڤپشك و حەفت پێشانگەهێن نێڤدەولەتی دا كریە، كو ئەو ژی ل وەلاتێن توركیا و یونان و كۆریا باشوور و ئیتالیا بووینە.
