حه‌جی رێكانی: ئێکەم یاریزانێ کوردستانی و ئیراقی مە د ناڤا پیشەکارێن جیهانی دا
د داخۆیانیه‌كێ دا قاره‌مانێ جیهانێ یێ له‌شجوانیێ حه‌جی رێكانی گۆت: پشتی من پشكداری د دو قاره‌مانییێن پرۆفیشینال یێن نێڤدەولەتی دا ل وه‌لاتێن چینی و توركیایێ دا كرین شیام پرۆكارتێ بده‌ستخۆڤه بینم و ببمه ئێك ژ پێنج تا ده‌هـ یاریزانێن پیشه‌كار لسه‌ر ئاستێ جیهانێ.
دیسان ناڤبری گۆت: ئێكه‌م یاریزانم لسه‌ر ئاستێ هه‌رێمێ و ئیراقێ كو ماف هه‌بیت پشكدارییێ د قاره‌مانیا پرۆشۆ دا بكه‌م كو هەموو یاریزان نه‌شێن پشكدارییێ بكه‌ن تنێ خودان كارتا پیشه‌كاران هه‌بیت و باوەرپێکری بیت ژلایێ فدراسیۆنا ڤێ یاریێ، مه‌ره‌م ژ ڤێ قاره‌مانییێ ئه‌وه بده‌ستڤه‌ئینانا ناسناڤی یه ژبۆ مسۆگەرکرنا قارەمانییا مەزنا جیهانی ماسته‌ر ئۆلمبی یه، دێ به‌رده‌وام بم و پتر خۆ ماندی كه‌م كو بشێم ئه‌و زەحمەتا پتر ژ بیست سالان بێ ڕاوەستیان ب هه‌روه نه‌چیت و بزاڤێ كه‌م بگه‌همه لوتكا جیهانی.
حەحی ڕێکانی سوپاسیا د.عه‌لی ته‌ته‌ری پارێزگارێ دهۆكێ كر كو دانا ڤیزێ ب ستویێ خۆڤه گرتی پێخەمەت پشكدارییێ د ڤێ قاره‌مانییێ دا بكه‌م و هه‌ركه‌سێ بوویە پشته‌ڤان کو ئه‌م بشێین ئەڤان ناسناڤان بده‌ست خۆڤه بینین، داخوازێ ژ لایه‌نێن په‌یوه‌ندیدار دكه‌م پشته‌ڤانییا دارایێ ژی ل مه بكه‌ن، ئارمانجا مه ئه‌وه ئه‌م بشێین ناڤ و ئالایێ كوردستانێ سه‌رانسه‌ری جیهانێ بلند بكه‌ین، ئه‌ڤه‌ژی بۆ هه‌ر تاكه‌كێ كورد شانازیه و بۆ خه‌لكه‌كی دیار كه‌ین كو گه‌نجێ كورد شیانێن مه‌زن یێن هه‌ین.
بۆ زانین بەری دو رۆژان لژنەیا ئۆلمپییا دهۆک ڕێز ل هەردو قارەمانێن جیهانێ حەجی ڕێکانی و سعوود دۆسکی گرتن پشتی لڤێ دووماهیێ دو دەستکەڤتێن جیهانی ل سەر ئاستێ یارییا لەشجوانییێ ب دەستڤە ئیناین.
