ئاسایشا دھۆکێ چار کیلویێن ماددەیێن ھوشبەر دەستەسەر کرن
ئەڤرۆ نیوز:
ئاسایشا دھۆکێ ئەڤرۆ رۆژا دوشەمب ٦-٥-٢٠١٩ راگەھاند ئەوان پێنج کەس ل پارێزگەھا دھۆکێ دەستەسەر کرینە کو چار کیلویێن ماددەیێن ھوشبەر دگەل دابووینە و دانپێدان ژی کریە.
زێدەتر د راگەھاندنەکێ دا ئاسایشا دھۆکێ دیارکر ئەو شیاینە ل ٤-٥-٢٠١٩ پێنج کەسان ل دھۆکێ دەستەسەر بکەن کو خەلکێ پارێزگەھا دھۆکێ ب خوەنە و تەمەنێ وان ناڤبەرا ٢٠ ھەتا ٣٥ سالیێ دانە و چار کیلویێن ماددەیێن ھوشبەر دگەل دابووینە و دانپێدان ژی ب ڤێ چەندێ کریە و ھاتینە رەوانەکرن بۆ دادگەھێ داکو سزایێ خوە وەرگرن.
