ئسرائیل: ئۆپەراسیۆن دێ بەردەوام بن
سەرۆک وەزیرێن ئسرائیلێ دیار کر، پشتی هێزێن وان شیاینە قەلا ناڤدار یا شەقیف ل لوبنانێ کۆنترۆل بکەن دێ ئسرائیل بەردەوامیێ دەتە ئۆپەراسیۆنێن خوە ل لوبنانێ و هەتا مەترسی ل سەر ئاسایشا ئسرائیلێ هەبن دێ ئۆپەراسیۆن ژی ل دژی حزبوللا لوبنانێ و هێزێن دی بەردەوام بن.
بنیامین نەتانیاهۆ ئەو یەک ژی دیار کر، حزبوللا لوبنانێ بەردەوام ئێرشی هێزێن ئسرائیلێ دکەت و د چەند رۆژێن بۆری دا چەکدارێن حزبوللا لوبنانێ ئاریشە بۆ وان دروست کرینە و ژ بەر ڤێ یەکێ ژی وەکو ئسرائیل ئەو دێ یا پێدڤی کەن و رێ نادەن حزبوللا و هێزێن دی ئاریشەیان بۆ ئسرائیلێ دروست بکەن.
ل ئالیێ دی ئسماعیل بەقایی پەیڤدارێ وەزارەتا دەرڤە یا ئیرانێ ژی دیار کر، هەتا شەڕ ل لوبنانێ بەردەوام بیت چو رێککەفتن ل گەل ئەمریکا ناهێنە کرن، چونکی هەر رێککەفتنەک بهێتە کرن دڤێت ژ بۆ لوبنانێ ژی بیت.
