ئسرائیل: شەڕێ ل لوبنانێ دێ بەردەوام بیت
سەرۆک وەزیرێن ئسرائیلێ دیار کر، حزبوللا لوبنانێ بوویە مەترسیەکا گەلەک مەزن ل سەر ئاسایشا نشتیمانی یا ئسرائیلێ و بەردەوام ژی ئاریشەیان ژ بۆ وەلاتێ وان دروست دکەت، ژ بەر ڤێ یەکێ ژی ڤێ دووماهیێ ئسرائیلێ دەست ب ئێرشێن مەزن کر و شیا زیانێن گەلەک مەزن ژی بگەهینتە حزبوللا لوبنانێ و ئێرشێن ئسرائیلێ یێن ل لوبنانێ دێ بەردەوام بن.
بنیامین نەتانیاهۆ ئەو یەک ژی دیار کر، حوکمەتا لوبنانێ ژی بەری نها چەندین جاران دیار کریە کو حزبوللا بوویە ئاریشەیەکا گەلەک مەزن بۆ وەلاتێ وان و نها ژی چەکدارێن حزبوللا لوبنانێ ئاریشەیان بۆ ئسرائیلێ دروست دکەن، ژ بەر ڤێ یەکێ ژی شەڕێ ل دژی حزبوللا لوبنانێ دێ بەردەوام بیت، چونکی وەکو ئسرائیل وان بەری نها ژی دیار کرینە دڤێت حزبوللا دەست ژ چەکی بەردەت و ئێدی ئێرشی ئسرائیلێ نەکەت و هەتا ئەو یەک نەهێتە کرن دێ شەرێ وان ل لوبنانێ بەردەوام بیت.
