ئه‌كته‌ره‌ك: دخوازم به‌رده‌وام كارێن كوردی بهێنه نیشادان و په‌خشكرن
ئه‌ڤرۆ نیوز، ره‌مه‌زان هه‌رنی:
ئه‌كته‌را دراما دوا شه‌و كو نها ل كه‌نالێن كوردی دهێته نیشادان و ل ده‌ستپێكا ره‌مه‌زانێ ده‌ست ب په‌خشكرنا وێ هاتیه كرن و هه‌تا نوكه به‌رده‌وامه و ئه‌كته‌ره‌كا درامایێ به‌حسێ رۆلی دراما كوردی دكه‌ت ل كوردستانێ .
هونه‌رمه‌ند شایی نه‌جار بۆ ئه‌ڤرۆ نیوز راگه‌هاند ئه‌گه‌رێ كو درامایێن كوردی ب تنێ ل هه‌یڤا ره‌مه‌زانێدا دهێنه نیشادان ژبه‌ركو هه‌تا نها بڤی ره‌نگی بوویه به‌لێ دبیت ل ده‌مێن دیكه ژی دراما هه‌بیت و دخوازم كو ژبلی هه‌یڤا ره‌مه‌زانێ ل ده‌مێن دی ژی بهێنه نیشادان، ره‌مه‌زان هه‌یڤه‌كا تایبه‌ته و به‌رهه‌ڤی بۆ دهێنه كرن ره‌نگه ل هه‌یڤا ره‌مه‌زانێ دا بینه‌ر زۆرتر بیت به‌لێ ب دیتنا من هەکە ده‌مێن ژی كار هه‌بیت كۆالیتیه‌كا باش بینه‌رێ كوردستانێ حه‌ز كارێن كوردی دكه‌ن .
گوتژی تایبه‌تمه‌ندیا كاری ل هه‌یڤا ره‌مه‌زانێدا خێزان كۆمبووینه ب شێوه‌یه‌كی گشتی و كۆلتۆری پتر ل ده‌مێن دی بینه‌ریا ته‌له‌فزیۆنا دكه‌ن چه‌ندین ره‌مه‌زانه بڤی ره‌نگی دراما هه‌نه و ده‌ما ره‌مه‌زانه‌كێ دراما نه‌بیت پرسیار دهێته كرن بۆ ئه‌ڤساله چۆ كارێن نوو نه‌بوون وه‌ك دراما گه‌له‌ك دخوازم به‌رده‌وام كارێن كوردی بهێنه نیشادان و په‌خشكرن، هەکە پاره بهێته سه‌رفكرن و به‌رده‌وام دێ كارێن نوو هه‌بن ب هه‌ڤكاریا هه‌موو لایه‌كێ .
ته‌كه‌زكر پشكدار بوویمه ل دراما دوا شه‌و، بۆ هه‌ر جاره‌كێ مرۆڤ ئه‌زموونه‌كا نوو وه‌ردگریت دگه‌ل چه‌ندن ئه‌كته‌رێن جودا رۆله‌كێ جودا كو جوداتره ل كارێن من یێن بوری، نزانم كا باشه یان نه دڤێت بینه‌ر بریارێ لسه‌ر بده‌ت.
