ئۆنداڤێ كوردستانی ستێرەكا گەشە د ناڤ هەلبژارتییێ ئەلمانیا دا
یاریزانێ ڕەڤەندا كوردستانی و هەلبژارتیێ ئەلمانییا دێنێز ئۆنداف شیا دو گۆلان تۆمار بكەت و گۆلەكێ بۆ هەڤالێ خوە چێكەت و تیما ئەلمانی بەر ب سەركەڤتنێ بر بەرانبەر هەلبژارتیێ فنلەندا ب چار گۆلێن پاقژ، د یارییەكا هەڤالینی دا ئەوا خوە بەرهەڤكرن بۆ مۆندیالا جیهانی 2026ێ.
ئۆنداف خەلكێ باكۆرێ كوردستانێ یە، ل ئادارا سالا 2024ێ ژلایێ ڕاهێنەرێ هەلبژارتیێ ئەلمانیا یۆلیان گرێزمانی ڤە هاتبوو داخوازكرن و ڕەدكر ببیتە یاریزانێ هەلبژارتیێ توركیا پشتی كو پەیڤێن ڕەكەزپەرستیێ دژی وی هاتینە بكارئینان، دگەل هەلبژارتیێ ئەلمانییا بوویە ئێك ژ ستێرێن سەرەكی ل هێلا هێرشبەریێ یاریێ دكەت، هەتا نوكە شەش گۆل تۆماركرینە و یاریزانێ شتۆتگارتە.
د داخویانیەكێ دا ئۆلیڤەر كان گۆلپارێزێ جیڤانۆكێ ئەلمانییا دیاركر ئۆنداف ئەلماسەكێ نوویە ل گەل هەلبژارتیێ ئەلمانییا و پێشبنییا ئاستێ بلند و تۆماركرنا گۆلە بۆ دكەت.
