سەرۆك بارزانی: زانایێن ئایینی سەنگەرەكێ ب هێز یێ بەرگریكرنێ بوون ژ مافێن ڕەوا یێن گەلێ كوردستانێ
ل ڕۆژا دووشەمبی، 21 ئیلۆنا 2026، سەرۆك بارزانی، ب هەلكەڤتا دەربازبوونا 56 سالان ب سەر دامەزراندنا ئێكەتییا زانایێن ئایینێ ئیسلامی یێن كوردستانێ، پەیامەك بەلاڤ كر و ڕاگەهاند، دامەزراندنا ئێكەتییا زانایێن ئایینێ ئیسلامی یێن كوردستانێ ب ڕاسپاردەیا بارزانیێ نەمر بڕیارەكا دیرۆكی بوو.
سەرۆك بارزانی د پەیاما خوە دا ڕاگەهاند، ب هەلكەفتا دەربازبوونا 56 سالان ب سەر دامەزراندنا ئێكەتییا زانایێن ئایینێ ئیسلامی یێن كوردستانێ ، پیرۆزباهییا گەرم ل سەرۆك و ئەندامێن مەكتەبا ڕاپەراندنێ و جڤاتا ناڤەندی یا ئێكەتییا زانایان و سەرجەم مامۆستایێن ئایینێ پیرۆزێ ئیسلامێ ل كوردستانێ دكەم.
سەرۆك بارزانی گۆت ژی: دامەزراندنا ئێكەتییا زانایێن ئایینێ ئیسلامی یێن كوردستانێ ب ڕاسپاردەیا بارزانیێ نەمر، بڕیارەكا دیرۆكی بوو بۆ ب هێزكرنا ڕۆلێ مامۆستایێن ئایینی د شۆڕش و خەباتا گەلێ مە دا:
سەرۆك بارزانی دیاركر ژی، مامۆستایێن ئایینی هەردەم سەنگەرەكێ ب هێز یێ بەرگریكرنێ بوون ژ مافێن ڕەوا یێن گەلێ كوردستانێ و قب هێزكرنا هزرا نیشتمانپەروەریێ، هەروەسا پەیاما خودێپەرستی و دینداری و لێبووری ژن و میانڕەوی و پێكڤەژیانێ بەلاڤ كرییە.
ل دووماهییا پەیامێ ، سەرۆك بارزانی ئاماژە ب وێ چەندێ دا، من ڕێز و پێزانین هەیە بۆ وەستیان و قوربانیدانا مامۆستایێن ئایینی ل بۆری و نها دا. هیڤییا سەركەڤتن و بەردەوامیێ بۆ هەموویان دخوازم ل بجهـئینانا ڤێ پەیاما پیرۆز و ئاراستەكرنا جڤاكێ دا.
