ئیران: زێدەگاڤی د داخوازیێن ئەمریکا دا هەنە
سەرۆکێ لیژنا ئاسایشا نەتەوەیی ل پەرلەمانێ ئیرانێ دیار کر، ئیران بەرهەڤە ب رێیا دانوستاندنان هەموو پرسێن هەی ل گەل ئەمریکا چارەسەر بکەت، بەری نها ژی ئیرانێ بەرهەڤیا خوە بۆ دانوستاندنان دیار کربوو، لێ ئارمانجا ئەمریکا دانوستاندنان نینە و ترامپی دڤێت ب رێیا دانوستاندنان ئیران خوە رادەست بکەت و بێگومان تشتەک وەسا روو نادەت.
ئیبراهیم عەزیزی ئەو یەک ژی دیار کر، زێدەگاڤی د داخوازیێن ئەمریکا دا هەنە، ترامپ هەر رۆژ تشتەکێ دبێژیت و دڤێت وەسا بۆ رایا گشتی دیار بکەت کو دێ ب رێیا دانوستاندنان ئیران خوە رادەست کەت، ئەو یەک ب چو رەنگەکێ ناهێتە قەبوول کرن و ژ بەر هەلوەستێ خراب یێ ئەمریکا و ترامپی ژی هەتا نها دانوستاندنێن ل گەل ئەمریکا بێی ئەنجام ماینە، ئیران ب چو رەنگەکێ دەست ژ مافێن خوە یێن رەوا بەرنادەت و دڤێت ئەمریکا ژی راستیێن هەی قەبوول بکەت.
