ئیران سوپاسیا هندەک وەلاتێن دەڤەرێ دکەت
سەرۆک کۆمارێ ئیرانێ مەسعود پزیشکیان دیار کر، ئەمریکا و ئسرائیلێ دخواستن شەڕەکێ مەزن د ناڤبەرا ئیرانێ و هندەک وەلاتێن دەڤەرێ دا دروست بکەن، لێ جهێ دلخوەشیێ یە کو هندەک وەلاتێن دەڤەرێ هەلوەستەک گەلەک باش ل دژی ئەمریکا نیشا دان و پشتەڤانیا ئیرانێ کرن، هەر یەک ژ وەلاتێن پاکستان، ئەفغانستان، ئیراق و هندەک وەلاتێن دی پشتەڤانیا ئیرانێ کرن و ئەو یەک ژی نیشا ددەت سیاسەتا ئەمریکا و ئسرائیلێ سەبارەت ب رۆژهەلاتا ناڤین تووشی شکەستنێ هاتیە و گرنگە هەموو وەلاتێن دی یێن رۆژهەلاتا ناڤین ژی پێداچوونێ د سیاسەتا خوە دا بکەن.
سەرۆک کۆمارێ ئیرانێ داخواز ژ هەموو وەلاتێن رۆژهەلاتا ناڤین کر کو نەبنە پشکەک ژ سیاسەتا ئەمریکا و ئسرائیلێ، چونکی وان دڤێت رەوشا رۆژهەلاتا ناڤین ئالۆز بکەن، لێ ئیرانێ دڤێت پەیوەندیێن خوە ل گەل هەموو وەلاتێن رۆژهەلاتا ناڤین باش بکەت و ئەو یەک گەلەک گرنگە، چونکی هێشتا ژی مەترسی هەنە و دڤێت رێگریێ ل پیلانێن ئەمریکا و ئسرائیلێ بکەین.
