ئەردۆغان: ئۆرۆپا پێدڤی ب تورکیا یە
سەرۆک کۆمارێ تورکیا دیار کر، تورکیا هەتا نها یا پێدڤی ئەنجام دایە دا کو ببیتە ئەنداما ئێکەتیا ئۆرۆپا، لێ مخابن هندەک وەلات ئاستەنگی دروست کرینە، هەکە نها ئەم بەرێ خوە بدەینێ پێدڤیا ئۆرۆپا گەلەک ب تورکیا هەیە، رەنگە تورکیا وەسا پێدڤی ب ئۆرۆپا نەبیت، د پاشەرۆژێ دا ژی ئێکەتیا ئۆرۆپا دێ پتر ژ نها پێدڤی تورکیا بیت.
ئەردۆغانی ئەو یەک ژی دیار کر، تورکیا دشێت د گەلەک بیاڤان دا هاریکاریا ئێکەتیا ئۆرۆپا بکەت و ئەو یەک ژی ژ بۆ هەموو وەلاتێن ئێکەتیا ئۆرۆپا گرنگە و وەکو تورکیا ئەو چاڤەرێنە کو ئێدی هندەک وەلاتێن ئێکەتیا ئۆرۆپا ئاستەنگان ل هەمبەر ئەندامەتیا تورکیا دروست نەکەن.
سەبارەت ب قووناغا ئاشتیێ ژی سەرۆک کۆمارێ تورکیا دیار کر، وان دەست ب قووناغەکا مەزن و دیرۆکی بۆ بهێزبوونا تورکیا کرینە و دێ بەردەوام بن، بێگومان ئاستەنگی هەنە لێ تورکیا بهێزە و گەلێ تورکیا ژی پشتەڤانە دا تورکیا ببیتە وەلاتەک گەلەک بهێز.
