ئەمریکا دووماهی پێشنیازا ئیرانێ ژی رەتکریە
بەرپرسەکێ وەزارەتا دەرڤە یا ئەمریکا کو ناڤێ وی نەهاتیە ئاشکرا کرن بۆ ئاژانسا رویترز دیار کریە، دووماهی پێشنیازا ئیرانێ ب رێیا پاکستانێ گەهشتیە ئەمریکا و ژ ئالیێ ترامپی و بەرپرسێن دی یێن ئەمریکا ڤە هاتیە رەتکرن، چونکی ئیرانێ نەڤێت پیتاندنا یۆرانیۆمێ راگریت و هەروەسا هەتا نها ئیران یا بەرهەڤ نینە دەست ژ بەرنامەیێ خوە یێ ئەتۆمی بەردەت و هەروەسا بابەتێ بەرنامەیێ موشەکی یێ ئیرانێ ژی ئاریشەیەکا دی یا مەزنە.
هەمان بەرپرسی ئەو یەک ژی دیار کریە، هەکە ئیران ب فەرمی دەست ژ بەرنامەیێ خوە یێ ئەتۆمی بەرنەدەت ئەمریکا و هەڤپەیمانێن وێ دێ دەست ب گەرەکا دی یا ئێرشان ل دژی ئیرانێ کەن، چونکی بەری نها ژی دۆنالد ترامپی دیار کریە وەکو ئەمریکا ئەو ب چو رەنگەکێ رێ نادەن ئیران ببیتە خوەدانا چەکێ ئەتۆمی، هەکە ئیران داخوازیێن ئەمریکا قەبوول نەکەت دێ ئەمریکا و ئسرائیل جارەکا دی ئێرشی ئیرانێ کەن دا ئیران نەچار بیت هەموو داخوازیێن ئەمریکا قەبوول بکەت.
