ئەمـریکا و ئسـرائیل دێ ئێرشـی ئیرانـێ کـەن
رۆژنامەیا نیویورک تایمز د راپۆرتەکێ دا دیار کریە، سەرۆکێ ئەمریکا ل گەل بەرپرسێن سەربازی یێن وەلاتێ خوە کۆمبوویە و بەرپرسێن سەربازی و وەزارەتا دەرڤە یێن ئەمریکا ژی بۆ ترامپی دیار کرینە، ئیرانێ هەتا نها داخوازیێن ئەمریکا قەبوول نەکرینە، لێ د هەمان دەمی دا ئیران نها گەلەک لاواز بوویە و دۆرپێچا دەریایی یا ل سەر ئیرانێ ژی کاریگەریەکا خوە یا گەلەک مەزن ل سەر رەوشا ئابووری یا وی وەلاتی کریە و دڤێت ئەمریکا و ئسرائیل جارەکا دی ئێرشی ئیرانێ بکەن.
ل گۆر هەمان راپۆرتێ بەرپرسێن ئەمریکی وەسا دبینن هەکە ئەمریکا و ئسرائیل جارەکا دی ب توندی ل ئیرانێ بدەن و چەندین بەرپرسێن سەربازی و کەسێن کاریگەر ل ئیرانێ بکوژن وی دەمی دێ ئیران نەچار بیت هەموو داخوازیێن ئەمریکا قەبوول بکەت، ترامپ و نەتانیاهۆ ژی ل گەل هندێ نە کو جارەکا دی ب توندی ئێرشی ئیرانێ بکەن.
