ئەڤرۆیا مۆندیالێ دەستپێكەكا دیرۆكی و ڕێكخستنەكا شۆك و ئارێشەیێن ڤیزەیان ناكۆكیان پەیدا دكەک
ل پێنچ شەمبییا بۆری دەست ب مەزنترین مۆندیالا جیهانی 2026 ل هەرسێ وەلاتێن ئەمریكا، كەنەدا و مەكسیك هاتە كرن ئەوا ب پشكدارییا 48 وەلاتان بۆ جارا ئێكێ د دیرۆكا مۆندیالێ دا هاتە ڕێكخستن، بۆ 12 كۆمان هاتینە بەلاڤكرن، بەری دەستپێكرنێ و هەتا نوكە چەندین ئاریشە و نانكۆیێن جودا و بابەتێن سەیر هاتینە دیتن و هێشتا دەستپێكە چاڤەڕێ روودانێن سەیرتر دهێنە كرن، ژ گرنگترین ئەوان بابەتان.
سەرۆكێن ئەمریكا و مەكسیك ژ سۆزێن خۆ لێڤەبوون
بەری دەستپێكرنا مۆندیالێ دۆنالد ترامب سەرۆكێ وەلاتێن ئێگكرتێن ئەمریكا سۆزدا بوو د یارییا ئێكێ یا ڤەكرنا مۆندیالێ دناڤبەرا ئەمریكا و پاراگۆایی بەرهەڤبیت، لێ سۆزا خوە بجهنەئینا، شرۆڤەكارێن وەرزشی ئەڤێ چەندێ ب دو ئەگەران دا دیاركرن، ترامب دناڤا هولەكا قارەمانییا یاریێن بۆكسانێ بەرهەڤبوو، پێشتری چەند هەیڤەكا ژڤان دروستكربوو ومانا خوە ل واشنتۆن هێلا و پێشخوەڤە وەزیرێ دەرڤە هنارت، هەروەسان ژبەركو ئاهنگەكا تایبەت یا رۆژا ئەمریكا هەبوو، ژلایەكێ دووڤە سەرۆكێ مەكسیك كلۆدیا شینباۆم سۆزا خوە دگەل پشتەڤانان بجهنەئینا و بەرهەڤی ڤەكرنا مۆندیالێ نەبوو.
سێ ئاهنگێن دیرۆكی
سێ ئاهنگێن جودا د ڤەكرنا مۆندیالێ دا
بۆ جارا ئێكێ د دیرۆكا فیفایێ دا دهێتە ڕیكخستن، ئەو وەلاتێن مێڤانداریكرین ئاهنگا ڤەكرنا مۆندیالێ ڕێكئێخست، ئەمریكا ل وەلاتێ خوە، مەكسیك هەمان شێوە و كەنەدا ژی ئاهنگەك ڕێكئێخست.
دزییەكا بالكێش
شاندێ هەلبژارتیێ ئنگلتەرا تووشی دزییەكا شۆك بوون كو چەند كەسەك چووینە د ژوورا خوە گوهۆڕینا یاریزانان ڤە، هەموو پێلاڤ، پێدڤیێن ڕاهێنانێ و جلۆبەرگێن یاریزانان دزینە، بتنێ ئێك تەپە هێلایە د ژوورێ ڤە، هەر ئێكسەر ڤەكۆلین هاتینە كرن و فیفایی هەر تشتەكێ پێدڤی بۆ شاندێ ئنگلتەرایێ دابینكریە.
ئاریشەیێن ڤیزایێ
كارگێری و چەند یاریزانێن هەردو هەلبژارتیێن ئیران و سینیگال تووشی ئاریشەیێن ڤیزایێ و چوونا دناڤ وەلاتێ ئەمریكا بووینە، ژلایەكێ دووڤە ب هزارەهان پشتەڤانێن چەند وەلاتان تكێتێن یاریێن هەلبژاریێن خوە كرینە لێ ئاریشەییا نەدانا ڤیزەیێ ژلایێ وەلاتێ ئەمریكا بوویە ئەگەر نەشێن گەشتێ بكەن، فدراسیۆنا فوتبۆلا جیهانی ژی فیفا یا هەموو بزاڤان دكەت هندەك ئاریشەیان چارەسەربكەت.
یاریێن ئەڤرۆ
بڕیارە ئەڤرۆ ژی چەند یاریێن دی ژ چارچووڤەیێ قووناغا ئێكێ یا كۆمان بڤی شێوەیێ بهێنە كرن.
كۆما سێیێ: هایتی- ئسكۆتلەندا، دەمژمێرچاری سپێدێ.
كۆما چارێ: ئوسترالیا- توركیا، دەمژمێر حەفتی سپێدێ.
كۆما پێنجێ: ئەلمانیا كۆراساو، دەمژمێر هەشتی شەڤ.
كۆما شەشێ: هۆلەندا- چاپان، دەمژمێر (11) شەڤ هێتە كرن.
كۆما پێنجێ: كۆتیڤۆار- ئیكۆادۆ، دەمژمێر دویێ سپێدەهیا سوبەهی.
كۆما شەشێ: سوید- توونس، دەمژمێر پێنجی سپێدەهییا سوبەهی.
