بۆچی ئه‌ڤ ساله نه‌سرینێ پشكداریێ د فیسته‌ڤالێ دا نه‌كر؟
دهۆك، هه‌رهین محه‌مه‌د:
ده‌رهێنه‌ر نه‌سرین عه‌بدین، ده‌رباره‌ی گه‌را نه‌هێ یا فلمه فیسته‌ڤالا دهۆكێ یا نیڤده‌وله‌تی، د دیداره‌كێ دا بۆ رۆژناما ئه‌ڤرۆ گۆت: ڤێ فیسته‌ڤالێ گرنگیه‌كا مه‌زن بۆ كوردان هه‌یه، ب تایبه‌ت ژی بۆ ده‌رهێنه‌رو ئه‌كته‌رو نڤیسه‌رێن باژێرێ دهۆكێ، چونكو د فلمه فیسته‌ڤالێ دا ده‌رهێنه‌ر و ئه‌كته‌رێن و نڤیسه‌رێن هه‌رچار پارچێن كوردستانێ هه‌ڤدۆ دبینن و مفاژی ژ هزر و بیرێن هه‌ڤدۆ وه‌ردگرن و ئه‌ز گه‌له‌ك حه‌ز ژ فلمه فیسته‌ڤالا دهۆكێ دكه‌م و دو سالان ژی ب دو فلمان پشكدار بوویمه وه‌كو (جه‌هنه‌ما سار، پێشوازی ل مرنێ) و ئه‌گه‌ر ساله‌كێ من پشكداری ب فلمان نه كربیت وه‌كو بینه‌ر هاتیمه ژ بۆ دیتنا فلمان، به‌لێ یا گرنگ دفلمه فیسته‌ڤالا دهۆكێ دا فلمێن كوردی نه یا پێدڤیه رێژا فلمێن كوردی د فلمه ڤیسته‌ڤالێ دا پتر بن ژ فلمێن بیانی و ده‌رهێنه‌رو ئه‌كته‌رێن دهۆكێ و هه‌رچار پارچێن كوردستانێ خۆه تێدا بینن و نابێژم فلمێن بیانی ب ئێكجاری نه‌بن، چونكو هه‌بوونا فلمێن بیانی ژی ره‌وشه‌كا دی ده‌نه فیسته‌ڤالێ و دیسان ئه‌كته‌ر و ده‌رهێنه‌رێن وان و یێن مه مفای ژ ئێك و دو دبینن و ب مخابنی ڤه ئه‌ڤ ساله پشكداری فلمه ڤیسته‌ڤالێ نینم و ل ئه‌لمانیا مه و ل هه‌رجاره‌كا ڤیسته‌ڤالێن فلمێن كوردی ل ئه‌لمانیا دهێنه گێران ئه‌ز پشكداریێ تێدا دكه‌م، چونكو دیتنا فلمان ژبۆ ئه‌كته‌ری و ده‌رهێنه‌ری یا گرنگه و من گه‌له‌ك حه‌زدكر من ژی پشكداری د فلمه ڤیسته‌ڤالا دهۆكێ یا نێڤده‌وله‌تی دا كربا، به‌لێ ب ئانه‌هیا خۆدێ ل سالا بهێت ب فلمه‌كێ كوردی دێ پشكداربم و من ئاماده‌كارێن باش كرینه.
