بێی پشكدارییا پارتی و توركمان و ئەرەبێن خوەجهـ ل كەركووكێ ئیدارەیا نوو...

بێی پشكدارییا پارتی و توركمان و ئەرەبێن خوەجهـ ل كەركووكێ ئیدارەیا نوو رەت دكەین

ئەمیندارێ گشتیێ دەستەیا بۆچوونا ئەرەبی ل كەركووكێ راگەهاند كو وان پەیام بۆ كەس و ئالیێن ل كۆمبوونا هۆتێلا رەشید ل بەغدا ئیدارەیا نوو یا كەركووكێ پێكئینای، ئەو پێنگاڤا هاڤێتی گەلەك یا مەترسیدارە وپێدڤییە بهێنە هشا خوە.
نازم شمەری، ئەمیندارێ گشتیێ دەستەیا بۆچوونا ئەرەبی ل كەركووكێ د داخۆیانییەكا رۆژنامەڤانیدا گۆت » پرسا كەركووكێ و پارێزگەری و بەلاڤكرنا پۆستێن وێ پارێزگەهێ، ئەڤرۆ كەفتییە دەستێ بڕیارا دادگەهێ و مە باوەرییا تمام ب دادگەهێ و بڕیارێن وێ یا هەی».
نازم شمەری گۆت ژی» ئەو كۆمبوونا ل هۆتێلا رەشید ل بەغدا هاتیە كرن بۆ دانانا پارێزگەرێ كەركووكێ و بەلاڤكرنا پۆستێن كارگێری یێن پارێزگەها كەركووكێ، یا دروست نەبوو و ئەو حوكمەتا خوەجهییا بۆ كەركووكێ هاتیە پێكئینان، یا كێم ئەندامە».
ناڤبری باس ل ئەوێ چەندێ ژی كر» پێكئینانا حوكمەتا خوەجهییا كەركووكێ د چارچۆڤەیێ ئەوێ رێككەفتنا هاتیە كرن، زیانێ دگەهینیتە كەركووكێ و پاشەڕۆژ و چارەنڤیسێ وێ».
ئەمیندارێ گشتیێ دەستەیا بۆچوونا ئەرەبی كەركووكێ ئاماژە كر» بێی پشكدارییا پارتی دیموكراتی كوردستان و توركمان و ئەرەبێن رەسەن یێ كەركووكێ، ئیدارەیا نوو یا كەركووكێ رەت دكەین»