بەغدایێ دانپێدان ب جینۆسایدا ئێزدییان نەكریە
رێڤەبەرێ سازییا ئێزدییان یا نێڤدەولەتی بۆ بەرهەنگاربوونا جینۆسایدێ راگەهاند كو سالڤەگەرا 12 یا جینۆسایدا شنگالێ هات وهێشتا حوكمەتا ئیراقێ دانپێدان ب جینۆسایدا ئێزدییان نەكرییە، و چارەسەرییێن بنەرەتی بۆ دۆزا ئێزدییان ل سەر ئاستێ نێڤدەولەتی نەهاتینە كرن.
حەسۆ هورمی، رێڤەبەرێ سازییا ئێزدییان یا نێڤدەولەتی بۆ بەرهەنگاربوونا جینۆسایدێ گۆت، هەرچەندە تیما ( UNITAD)یا سەر ب رێكخراوا نەتەوەیێن ئێكگرتی ڤە، گەلەك بەلگە یێن كۆمكرین، لێ مخابن باش نەهاتینە بكارئینان و دادگەهێن هاتینە كرن ژی هەتا نهۆ د سنۆردار و كێمن. پتر ژی دادگەهێن ئۆرۆپی بوون و ئەڤ دۆزە نەچۆیە بەر دادگەها تاوانێن نێڤدەولەتی یان دادگەهەكا تایبەتمەند كو ڤی كاری بكەت. هەڤدەم هێش چارەنڤیسێ قوربانییێن ئێزدی یێ دیار نینە و ئەو ل هیڤییا بدەستڤەئینانا دادپەروەرییێ نە.
حەسۆ هورمی زێدەتر گۆت، هەتا نهۆ 21 وەلات و سازییان و دناڤدا هەرێما كوردستانێ دانپێدان ب جینۆسایدا ئێزدییان كرییە.
