ب دەستڤەئینانا باوەرنامەیا دادڤانییێ ڕێخۆشکەرە بۆ یا نێڤدەولەتی
عائیشا عەجیب
د دیدارەکێ دا ڕەحما نایف کچەکا ئیدارەیا سەربەخۆیا زاخۆیە، بۆ رۆژنامەیا ئەڤرۆ بەحس ل وێ چەندێ دکەت کو وەکۆ کچەک چاوا شیا پلا سێیێ یا باوەرنامەیا دادڤانییێ یا پلا سێ ل سەر ئاستێ ئیراقێ دەستخۆەڤە بینت و ھەستێ خوە بەرابنەر ڤێ چەندێ دەربری و گۆت: هەستەکێ تێکەڵە ژ شانازی و بەرپرسیارتییەکا مەزنە، بۆ من جھێ شانازییێ یە وەکۆ کچەک شیام ڤێ ناسناڤێ دادڤانیێ ل سەر ئاستێ ئیراقێ بدەستڤەبینم.
ناڤھاتی گۆت: ئەزموون د ئاستەکێ گەلەک بلند و پرۆفیشۆنال دا بوون، چ ژ لایێ تیۆری-یاسایێن یاریێ- یان ژ لایێ کرداری- ڕاهێنانێن جەستەیی و ئەزموونێن ل سەر یاریگەهێ- دژوارترین پشک، د ئەزموونێ دا کرداری پراکتیکی یا ڕاستەوخۆ بوو ل ژێر چاڤدێرییا لێژنەیێن دژوار دا، پێدڤی ب کۆنترۆڵکرنا دەروونی و فۆکەسەکێ مەزن هەبوو ل گەل هێزا جەستەیی، بەلێ ئارمانجێن من پێشچاڤێن من بوون و من دەست نە دا ھێلا و بەردەوام بووم ھەتا من شیا سەرکەفتنێ بینم.
ژ لایەکێ دیڤە ڕەحما نایف ئاشکرا ژی کر: هەستەکێ تێکەلە ژ شانازی و بەرپرسیاریەتەکا مەزن، کەیفخۆشییا من نە تنێ بۆ بەدەستڤەئینانا باوەرنامێ یە، لەوڕا د وێ چەندێ دایە کو من دەرگەهەکێ نوو بۆ کچێن دەڤەرێ و ئیراقێ ڤەکر کو بسەلمینم کچێن مە دشێن د دژوارترین بوارێن وەرزشی دا سەرکەفتنێ بینن، سوپاس بۆ خودێ کو من شیا ڕێزا سێیێ سەرکەفتنێ بینم و سۆپاسیا خێزانا خوە ژی دکەم پالپشتێ من یێ ئێکێ بوون، هەروەسا سۆپاسیا مامۆستا و دادڤانێ خولا کوردستانێ ھۆگر حەسەن دکەم کو پشتەڤان بوون ل گەلمن پێنەڤێت ب دەستڤەئینانا باوەرنامەیا دادڤانیێ ڕێکخۆشکەرە بۆ نیڤدەولەتی.
وەرزشڤانا کچ گۆت ژی: ئەڤ پلا کچێ مافی ددەتە من وەکۆ دادڤانێ سەرەکی یان هاریکار یاریێن فەرمی یێن خۆلێن جۆراجۆر دا ل سەر ئاستێ پارێزگەهێ و ئیراقێ پشکدار ببم، بەرپرسیاریەتییا من پاراستنا دادپەروەریێ و جێبەجێکرنا یاسایێ یە بێی چ جوداھی د یاریگەهێ دا، د پێنگاڤێن بھێن دا ئارمانجا من یا بهێت بەدەستڤەئینانا پلا دو و پاشان پلا ئێک یە د کەمترین دەمێ یاسایی دا، چاڤێ من ل وێ چەندێ یە کو ل پاشەرۆژێ ببمە دادڤانەکا نێودەوڵەتی فێفا و نوونەرایەتییا ناڤێ زاخۆ، کوردستان و ئیراقێ د قارەمانەتیێن مەزن یێن جیهانی دا بکەم.
