ب سەدان خێزانێن کورد ڤەگەڕاینە عەفرینێ
بەرپرسەکێ رێڤەبەریا خوەسەر یا رۆژئاڤایێ کوردستانێ دیار کر، زێدەتر ژ ٦٠٠ خێزانێن عەفرینێ کو ب سالان بوو ل کۆبانێ بوون دوهی ڤەگەرینە ڤە عەفرینێ و نها چو خێزانێن عەفرینێ ل کۆبانێ نەماینە و ئەو یەک ژی پێشهاتەیەک گەلەک گرنگە، چونکی چەند سالن کار بۆ گوهۆڕینا دیمۆگرافیا عەفرینێ دهاتە کرن، لێ نها خەلکێ مە ڤەگەری مالێن خوە و دێ وەسا ژیان ل عەفرینێ ئاسایی بیت.
محەمەد محەمەد بەرپرسێ قەزا ناڤەندی یا کۆبانێ ئەو یەک ژی دیار کر، بەری نها ئامادەکاریێن تەمام هاتینە کرن و ناڤێ وان هەموو خێزانان هاتبوو تۆمار کرن و بێگومان مە پێ باشە هەموو خەلکێ عەفرینێ کو ژ بەر شەڕی چەند سال بوو ئاوارە ببوون ڤەگەرنە ڤە مالێن خوە، نها رەوشا عەفرینێ یا باشە و کار دهێتە کرن چو ئاوارەیێن عەفرینێ ل دەڤەرێن دی یێن رۆژئاڤایێ کوردستانێ و سووریێ نەمینن و هەموو ڤەگەرنە ڤە عەفرینێ.
