ب ڕێكا دانوستاندنان كار بۆ بنەجهكرنا پشكا دادی یا هەرێمێ د بودجەی دا دكەین

دیدار/ دلۆڤان ئاكرەیی

ئەندامەكێ فراكسیونا پارتی ل جڤاتا نوونەرێن ئیراقێ دیاركر، هەكە گوهۆڕین د پشكا هەرێما كوردستانێ و بڕگەیێن یاسایێدا نەهێنەكرن، ئەو دەنگی نادەنە پڕۆژەیێ بودجەیا گشتی یا ئیراقێ بۆ سالا 2027 و ئەو نوكە دانوستاندنان ل گەل ئالییێن دی یێن سیاسی دكەن و بڕیارە شاندێ حوكمەتا هەرێمێ دووبارە بۆ دانۆستاندنێ ل گەل حوكمەتا فیدرال ڤەگەریتە بەغدایێ و چەندین دیداران ل گەل وەزیرێ دارایی و ئالییێن پەیوەندیدار سازكەن و ئەڤ مژارا چاكسازی و دەستكارییا یاسایا بودجەی یا گەرمە، ب تایبەت پشتی كو پەیڤدارێ حوكمەتا ئیراقێ، حەیدەر عەبوودی، هێرشەكا توند كریە سەر حوكمەتا بەرێ یا محەمەد شیاع سوودانی و ڕاگەهاندبوو كو كێمكرنا بهایێ دۆلاری زیانەكا مەزن ب نێزیكی 36 ترلیۆن دیناران گەهاندییە گەنجینەیا دەولەتێ.
د. زیرەك زێباری، ئەندامێ فراكسیونا پارتی دیموكراتی كوردستان ل جڤاتا نوونەرێن ئیراقێ بۆ ڕۆژنامەیا (ئەڤرۆ) گۆت: بژاردەیا وان یا ئێكێ ئەوە كو ب ڕێكا دانوستاندنان پشكا دادی یا هەرێمێ د ناڤ یاسایا بودجەیا سالا بهێت دا بهێتە بنەجهكرن، لەورا دێ د چەند ڕۆژێن بهێت دا، ل گەل هێزێن سیاسی یێن ئیراقی كۆمبن دا كو بڕگەیێن هەلاویستی یێن دارایی ڕێكبێخن و ئەوان ڕێسا و مەرج هەنە و ڕێ نادەن چ بڕیار د بەرژەوەندییا وەلاتی و فەرمانبەرێن هەرێمێ دا بن و
ئەڤە د دەمەكیدایە كو ئابۆرێ ئیراقێ د بن گڤاشتنێن دەرەكی و دۆرپێچێن نەختینە دا دەرباز دبیت، ب تایبەت پشتی ئالۆزییێن لەشكەری یێن ل دەریایا سۆر و هێرشێن مۆشەكی یێن حوسییان بۆ سەر پارزنینگەهێن سعوودیێ، كو بووینە ئەگەرێ گوهۆڕینێن بلەز د بهایێ پەترۆلێدا ل بازاڕێن جیهانی.

کۆمێنتا تە