ترامـپ: دڤێت ئیران خـوە رادەسـت بکـەت
سەرۆکێ ئەمریکا دیار کر ئەو رێ نادەن ئیران یاریێ ب دەمی بکەت و نها دو رێ ل پێشیا ئیرانێ دانە یان دێ ئیران هەموو داخوازیێن ئەمریکا قەبوول کەت یان ژی دێ ب شەڕی ئیرانێ نەچار کەن داخوازیێن ئەمریکا قەبوول بکەت، ژ بەر ڤێ یەکێ ژی چو رێیێن دی ل پێشبەری ئیرانێ نینن و دڤێت بەرپرسێن ئیرانێ ژی زوو بریارا خوە بدەن.
سەبارەت ب پێشنیازا نوو یا ئیرانێ ب رێیا پاکستانێ ژی سەرۆکێ ئەمریکا دیار کر، پێشنیازا نوو یا ئیرانێ ب دلێ وی نینە، دیارە بەرپرسێن ئیرانێ هێشتا ژی نزانن کا ئەمریکا چەند یا رژدە دووماهیێ ب مەترسیا ئیرانێ بینیت، چونکی ئەمریکا ب چو رەنگەکێ رێ نادەت ئیران ببیتە خوەدانا چەکێ ئەتۆمی و هەکە ئیران چەکێ ئەتۆمی دروست بکەت دێ ل دژی ئسرائیلێ، ئەمریکا و وەلاتێن ئۆرۆپا بکار ئینیت و ژ بەر ڤێ یەکێ ژی دڤێت ب چو رەنگەکێ ئیران نەبیتە خوەدانا چەکێ ئەتۆمی.
