ته ئه‌ڤ زانیارییه لسه‌ر حه‌سه‌كێ زانینه؟
ئه‌ڤرۆ نیوز: ڤه‌ده‌ر ره‌شاڤایی:
پشتی ل تیرمه‌ها ئه‌ڤ ساله و پشتی مه‌هه‌كێ ژ شه‌رێن توند شه‌رڤانێن یه‌په‌گێ تیرۆرستێن داعش ب ته‌مامی ژ باژێرێ حه‌سه‌كێ ل رۆژئاڤا كوردستانێ ده‌رێخستن، پاشی یه‌په‌گێ و هێزێن رژێما سوری كارگێرییا وی باژێری دناڤبه‌را خوه دا دابه‌شكرن.
ژ ئه‌نجامێ ڤێ یه‌كێ خه‌لكێ سڤیل ل وی باژێری نها باجێن پێدڤی دده‌نه هه‌ردو ده‌ستهه‌لاتان و دڤێت هه‌ر كه‌سه‌كی “دو ده‌ستووریێن هاژووتنا ترۆمبێلێ” هه‌بن هه‌روه‌سا “دو ده‌ستووریێن ڤه‌كرن و برێڤه‌برنا كارێن بازرگانی” هه‌بن.
هه‌روه‌كی خه‌لكێ وی باژێری بۆ رادیۆیا ئۆپۆزسیۆنا سوری دیاكری نها بجهئینانا خزمه‌تا سه‌ربازی ل حه‌سه‌كێ نه‌چارییه ، هه‌ر كه‌سه‌كێ مه‌رج لێبگرن یێ نه‌چاره خزمه‌تا له‌شكه‌ری دناڤ رێزێن یه‌په‌گێ دا بجهبینیت و خزمه‌تا له‌شكه‌ری دناڤ رژێما سوری ژی بجهبینیت، ڤێ یه‌كێ ژی ژیان بزه‌حمه‌تكرییه لبن دو ده‌ستهه‌لاتان كو هه‌ر ئێكێ مه‌رجێن خوه هه‌نه د ئێك باژێر دا.
