تۆيۆتا هايلۆكس 2027 ل ههرێما كوردستانێ كهفته بازاڕى
نيوار محهمهدسهليم:
پشتی ل چەند حەفتییێن بوری د وێنەیێن بەلاڤبووی دا دیاربووی، تۆیۆتا هایلۆکس 2027 ب فەرمی گەهشتە کوردستانێ ب دو مۆتۆران و ئامیرێن نووکرى و رەنگێن جودا.
ژ وێنهيێن بهلاڤبووى بۆ بهلاڤبوونا فهرمى
پشتی کو ل چەند حەفتییێن بۆری وێنەیێن نفشێ نوو یێ تۆیۆتا هایلۆکس ل هەرێما کوردستانێ بەلاڤبووین، نها ترۆمبێل گەهشتییە قووناغا دەستپێکرنا فەرمی ل بازارێن ئیراقێ و ههرێما كوردستانێ.
تۆڕا تۆیۆتا ئيراقێ راگەهاند کو هایلۆکس 2027 یا نوو ل رۆژا 20ی ئیلۆنا 2026ێ ب هەڤدەم ل دەهـ باژێرێن ئيراقێ دەست ب فرۆتنێ کر، ژ وانا هەولێر و دهۆک و سلێمانیێ، د دەمەکێ دا چالاکیێن جیهان مۆتۆرز ل هەرێما کوردستانێ پێشکێشکرنا ترۆمبێلێ بۆ ئامادەبوویان و ئاشکەراکرنا وەشانا نوو ب خۆڤە گرت.
جیهان مۆتۆرز ئێك ژ کۆمپانیایێن پەسەندکری یێن تۆیۆتا ئيراقێ یە بۆ بکارئینانا مارکەیا تۆیۆتا ل هەرێما کوردستانێ، ب لقێن خۆ ل هەولێر و سلێمانیێ و دهۆکێ.
دیزاینەکا نوو بۆ هایلۆکسێ
هایلۆکس 2027 گوهۆڕینێن ئاشکەرا د دیزاینێ ژ دەرڤە و ناڤخۆیی دا وەرگرتیە ل گۆر وەشانا بوری، ب روویەکێ پێشی یێ نوو و خویایەکا بهێزتر، ژبلی ژوورەکا نوو يا دیزاینکری.
ئامیرێن تۆیۆتا ئيراقێ راگەهاندینە، شاشەیەکا لهمس یا 12.3 ئینجی، سیستەمەکێ دەنگی یێ 8 دەنگبێژان، کورسیێن پێشی یێن ب ههڤبهركرنێ، ژبلی چارجەرەکێ بێ وایەر بۆ مۆبایلان ب خۆڤە دگرن.
هەروەسا ترۆمبێل ب سێنسۆرێن سۆنار یێن پێشی و پاشییێ يا بەردەستە، دناڤا کۆمەکا ئامیرێن هاریکار بۆ هاژۆتن و بارککرنێ یێن کو ل گۆر جۆرێ ترۆمبێلێ دهێنە گوهۆڕین.
دو مۆتۆر ل بازارێ ئيراقێ
ل بازارێ ئيراقێ، هایلوکس 2027 ب دو هەلبژارتنێن مۆتۆرێن بەنزینێ بەردەستە.
ئێك مۆتۆرەک ب قەبارەیێ 2.7 لیتری یێ چار سلندەرانە، 164 هەسپەهێز و 245 نیوتن مەتەر ژ هێزا زڤرینێ بەرهەم دئینیت، د دەمەکێ دا هەلبژارتنا دويێ ب مۆتۆرەکێ 67 ب قەبارەیێ 4.0 لیتری یە ب هێزا 235 هەسپەهێز و 375 نیوتن مەتەر.
ئەڤ مۆتۆرە ب گێڕەکێ ئۆتۆماتیکی یێ شهش لەزاتی یان دەستی یێ پێنج لەزاتی بەردەستن ل گۆر جۆرێ ترۆمبێلێ، هەروەسا وەشانێن 4×4 ژی دناڤا چوارچۆڤەیا ئيراقێ دا بەردەستن.
هایلۆکسا نوو خۆ یا ل سەر چوارچۆڤەیێ دپارێزیت، ب سیستەمەکێ راکێشانا چوار تايهرى یێ تایبەت بۆ وەشانێن ب تایبەتمەندیێن گونجای، د دەمەکێ دا تۆیۆتا ئيراقێ دبێژیت کو سیستەمێ هەلاویستنێ ب شێوەیەکێ گونجای بۆ كاودانێن هاژۆتنا ناڤخۆیی هاتیە رێکخستن.
پتر ژ سپی
ئێك ژ گرنگترین تشتێن کو د دەمێ پێشکێشکرنا ناڤخۆیی دا دیاربووى ئەوە کو هایلوکس یا نوو ب تنێ ب رەنگێ سپی نینە، یێ کو ب گەلەک وەشێن پیک ئاپ ل بازارێ بوری ڤە گرێدای بوو.
تۆیۆتا ئيراقێ کۆمەکا هەلبژارتنێن دەرڤەیی بۆ هایلۆکسێ پێشکێش دکەت، کو سپی، زێڤیێ مەتالی، رەش، سۆر، ژبلی رەنگێن دی وەک بڕۆنزی و کەبرێتی ل گۆر جۆر و ئامیرێن ترۆمبێلێ.
د چالاکیا جیهان مۆتۆرز دا، ترۆمبێل ب پتر ژ رەنگەکی دیاربوو، ئەڤ چەندە رەنگڤەدانا فڕهڕەنگیا هەلبژارتنێن بەردەستە ب گەهشتنا نفشێ نوو بۆ بازارێ.
هایلۆکس یا نوو چ پێشکێش دکەت؟
گوهۆڕینێن د هایلۆکس 2027ێ دا بتنێ ل سەر دیزاینێ نینن، چونکی ترۆمبێلێ نووکرنێن ژوورێ و ئامیرێن تەکنیکی ب هەڤرا دئینیت دگەل بەردەوامبوونا گرنگی دانێ ل سەر بکارئینانا پراکتیکی یا کو تایبەتمەندیا کامیۆنێن پیک ئاپە.
ل بەرامبەر، جۆر، مۆتۆر، سیستەمێ راکێشانێ و ئامیرێن راستەقینە دێ فاکتەرێن سەرەکی بن دەمێ بەراوردکرنا وەشاتێن بەردەست ل هۆلێن فرۆتنێ، ب تایبەتی کو هندەك تایبەتمەندی ژ جۆرەکی بۆ جۆرەکێ دی دهێنە گوهۆڕین.
ب دەستپێکرنا فەرمی یا وێ ل ئيراقێ، هایلۆکس 2027 نها دناڤا تۆڕا تۆیۆتا دا بەردەستە، ل ههرێما كوردستانێ ژى جیهان مۆتۆرز.
