جڤاتا سووریا دیموکرات داخوازا هاریکاریێ ژ هەرێما کوردستانێ دکەت
ئەڤرۆ نیوز، هۆشەنگ تاجر:
ریاز دیرار هەڤسەرۆکێ جڤاتا سووریا دیموکرات راگەهاند هەرێما کوردستانێ دشێت رۆلەکێ باش بۆ ئێکەتیا پارت و ئالیێن سیاسی یێن رۆژئاڤایێ کوردستانێ بگێریت و ئەم ژ بەر هندێ ژی داخوازا هاریکاریێ ژ هەرێما کوردستانێ دکەین.
ناڤهاتی راگەهاند ژ بۆ رۆژهەلاتێ فراتێ و هەر پێشهاتەکا دی ل رۆژئاڤایێ کوردستانێ، هەرێما کوردستانێ دشێت رۆلەکێ گرنگ و باش بگێریت.
ل ئالیێ دی مستەفا جومعە ئەندامێ مەکتەبا سیاسی یا پارتی دیموکراتی کوردستان/ سووریا بۆ ئەڤرۆ نیوز راگەهاند کو هەر دەمێ پەیەدە و سازیێن وێ تەنگاڤ بن داخوازا هاریکاریێ و هەڤدیتنان ژ هەرێما کوردستانێ دکەن.
