جگەرخوین عەلی: قووناغا بهێت یا ب زەحمەتە و بەرهەڤیێن باش دهێنە کرن
عائیشا عەجیب
د دیدارەکێ دا جگەرخوین عەلی مراد ھاریکارێ ڕاھێنەری تیما باسکێت بۆلا یانەیا زاخۆ بۆ ڕۆژنامەیا ئەڤرۆ بەحس ل پڕۆژە و بەرھەڤییێن تیما خوە کرن بۆ قووناغا پلەی ئۆف یا چارگۆشەیا زێرین و گۆت: مە وەکۆ تیما باسکێت بۆلێ بەرھەڤییێن باش کرینە و دێ بزاڤێ کەین ھەمی شیانێن خوە بۆ ڕێزا ئێکێ سەرکەفتنێ بینن.
ناڤھاتی گۆت: ئەڤ سالە دڤێت ئەم ھەمی شیانێن خوە بۆ ڤێ قووناغێ بەرھەڤبکەین، ژ بەر کو قووناغا دووماھییێ یە ژ بلی پلەی ئۆف یا چارگۆشا زێرین چار تیمن و ھەر چار تیم د ئێک ئاست دانە، بەلێ تیما مە تیمەکا باشە و ھەمی گەنجێن خودان شیانن و خەلکی ئیدارەیا سەربەخۆیا زاخۆ نە، ھەتا نوکە شیاینە ئەنجامێن باش بینن، لەوڕا پلەی ئوف دێ تا ڕادەیەکی یا بزەحمەت بیت، ژ بەر کو ھەتا نوکە ژ لایێ لژنا ئۆلمپی یا ئێراقێ ڤە چ بڕیار نەھاتینەدان کا دێ یاریی ل باژێرێ زاخۆ یان بەغدا ھێتەکرن، ھەر دەما بڕیار ھاتەدان دێ لدووف وێ بەڕنامەیی بەرھەڤیێن خوە کەین، بەلێ ئەز ل وێ باوەرێ مە ئەڤ سالە دێ تشتەکێ باش بۆ ناڤێ زاخۆ کەین و دلێ جەماوەرێ خۆش کەین.
جگەرخوینی د بەردەوامییا ئاخفتنا خۆ دا ئاشکرا ژی: ئیدارەیەکا یانەیا زاخۆ یا نوو ژ نوو ھاتیەدانان، ل دەمەکێ نێزیک دێ ل گەل وان کۆمبوونێ کەین کا دێ چ بریار ل سەر تیمێ دەن و چاوا شێن داخازیێن مە بجھ ئینن، ھەروەسا نێزیکترین دەم ژی پیشەکاران بینن، لێ لدووف پێشبینیێن کارگێرییا یانەیێ چێتبیت ژ بەر ڕەوشا دەرڤە یێن ئەمریکێ زەحمەت بینن و ھەکەر بینن دێ یێن ئۆرۆپی ئینن و لەوڕا دێ وان ئینن یێن بشێن ل گەل تیمێ و یاریکەران بگونجن.
ناڤھاتی دیار کر ژی: ھەر سال مە وەکۆ ڕاھێنەر و یاریزانان ژی پلانێن خوە ھەنە بشێن ھەڤرکییەکا دژوار بکەن و ڕێزێن پێشییێ بدەست خوە ڤەبینن، تیما مە گەلەک باشە و زەحمەتەکێ باش مە بدەستخوەڤە ئیناتی و کارکری ھەتا گەھشتین ڤێ رێزبەندیێ، ھەروەسا بۆ ئەڤ سالە ژی پێکۆلان دکەین پتر ژ سالێن دی خوە ب وەستینن و ھەمی شیانێن خوە دابین بکەین و گڤاشتنێ ل سەر یاریزانێن خوە کەین، ب ھاریکاریا خودێ و تیمێ و پشتەڤانان بشێن ڕێزا ئێکێ سەرکەفتنێ بینن.
