جیهانا هونەری وەكو دەریایەكێ یە
سندس سالح سلێڤانەیی
شێوەكار و پەیكەرسازێ گەنج (مسلح دێمكی) د دیدارەكێ دا بۆ رۆژنامەیا ئەڤرۆ گۆت: دژیەكێ بچووك دا من حەزژ كارێ چێكرنا وێنەیان دكر، لەورا دەمێ دەلیڤە هاتی ئەز چوومە پەیمانگەها هونەرێن جوان/ پشكا شێوەكاری و نوكە ئەز قوتابیمە ل قۆناغا چارێ و دایك و بابێ من مەزنترین پشتەڤانن بۆ من.
هەروەسا گۆت: نوكە ئەز دبۆارێ پەیكەرسازیێ دا كاردكەم و هەر داخوازەكا ژدەرڤەی پەیمانگەهێ هەبیت ئەز ب داهێنانڤە بجه دئینم، بۆ زانین من ب (16) پەیكەران پشكداری د فێستیڤالا پەیمانگەها هونەرێن جوان دا كریە و سوپاس بۆ خودێ ئەو كەسێن سەرەدانا فێستیڤالێ و پێشانگەهی كرین ب گەرمی پێشوازی لێ كرن و حەزژێكرن و ئەڤ چەندە دێ بیتە پالدەرەك كو پتر یێ بەردەوامبم و داخوازا من بۆ گەنجان ئەوە ئەوێن حەزژ چێكرنا پەیكەران دكەن، بلا دەست ژ حەزا خۆ بەرنەدەن و د بەروامبن، چنكو هێدی هێدی دێ فێربن، هەروەسا هیڤیا من ئەوە جهێن شۆلەژێ پتر گرنگیێ ب هونەری بدەن، هەروەسا خەلكەك ژی پتر هونەری بكەن، هەروەسا پتر پێڤە بهێنە گرێدان ژی، چنكو جیهانا هونەری وەكو دەریایەكێ یە هەر چەندە تۆ بچیە دناڤدا دێ پتر نقۆمبی و داهێنانێ كەی.
