سەرۆكێ هەرێمێ و سەرۆكێ دەم پارتی ل دۆر پرۆسێسا چارەسەریێ: نابیت ئەڤ دەرفەتە ژ دەست بچیت
سەرۆكێ هەرێما كوردستانێ پێشوازی ل هەڤسەرۆكێ دەم پارتی كر و پرۆسێسا ئاشتیێ ل توركیایێ و دووماهی پێشهاتێن وێ گەنگەشەكرن.
نێچیرڤان بارزانی، سەرۆكێ هەرێما كوردستانێ پێشوازی ل تونجەر باكرهان، هەڤسەرۆكێ پارتی یەكسانی و دیموكراسییا گەلان (دەم پارتی) كر.
سەرۆكاتییا هەرێما كوردستانێ ل دۆر ناڤەڕۆكا كۆمبوونێ بەلاڤكر «هەردو ئالییان دوپاتی ل سەر گرنگییا مفاوەرگرتنێ ژڤێ دەرفەتا دیرۆكی بۆ بجهئینانا ئاشتیێ كر و دوپاتكرن كو نابیت ژ دەست بچیت، هەروەسا ئاماژە ب پێدڤییا پشتەڤانییا هەموو ئالییان بۆ پرۆسێسێ كر».
سەرۆكێ هەرێما كوردستانێ ڕاگەهاند»ل گەل دوپاتكرنا پشتەڤانییا خوە بۆ پرۆسێسا ئاشتیێ، بەرهەڤییا خوە بۆ هەر هاریكارییا پێدڤی بۆ سەرئێخستنا پرۆسێسێ نیشان دا و دوپاتی ل سەر گرنگییا ئاشتیێ بۆ ئاسایش و ئارامییا توركیایێ و تەڤایا دەڤەرێ كر».
تونجەر باكرهان «سوپاس و پێزانینا خوە و دەم پارتی بۆ هەلوەست و بزاڤێن بەردەوامێن سەرۆكێ هەرێما كوردستانێ ل هاریكاریكرن و پشتەڤانییا پرۆسێسێ» دەربڕی.
